|
كل سنه وانت طيب يا ريس منقول
إخوانى الكرام الكلمات دى مش من نظمى والله دى كلمات عمنا أحمــــــــ فؤاد نجم ـــد سيدي الرئيس في عيد ميلادك الكام وسبعين كل سنة وأنت طيب واحنا مش طيبين كل سنة وأنت حاكم واحنا محكومين واحنا مظلومين واحنا متهانين ويا ترى يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - هاتفتكر مين وللا مين في عيد ميلادك الكام وسبعين بقول لك كلمتين الأوله شيلتنا طين وهل تعلم أن النيل بقى رشاح والجو أصبح بيئة والعيشة ولعة والشرفا قلوبهم عالبلد والعة وانت عاملهم مذبحة ولا بتاعة القلعة والاقتصاد سداح والسرقة بقت كفاح ومصر متاحة بس للسياح وعرض البلد بقى مستباح والتانية ورتنا الويل دا الخطوة في عهدك بقت ميل والضحك بقى نواح وعويل والكوسة عارف الكوسة ممكن أقولك فيها موواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز على المتعلمين والأساتذة بقم دجالين والقادة بقم طبالين واديني في الهايف يا حبيب الملايين والتالتة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسة مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن البلد بقى تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام…. عام والفساد…. ساد وفي جتة بلدنا بيرعى أفتكر لجنابك إيه وللا إيه وكل ذكرى ليك بدمعة آآآآآآآآه آآآآآآآآه أنا كنت حالف ميت يمين أكملهم لك تمنية وسبعين بس هاكفيهم ورق منين وكل سنة وأنت واحنا طيبين |
حححححححححححححلوه
تسام ايد ألي كتبهوألي نقله |
شكرا محمد على ردك |
:mad::mad::mad::mad::mad:
اقتباس:
احنا الى غلطنين مفيش حد فينا بيفكر انوا يكون احسن كلوا بيقول مكلو بيعمل كدة لو هنبدا بنفسنا هنرتاح مش واحد هيتحكم فى 75 مليون انا اشايفه اننا الى غلطانين بس الشعر حلو |
الاخت العزيزه مانوو انا اتفق معاكى فى اننا لازم نعمل حاجه ونبدا بنفسنا ولكن عايز اسالك سؤال هل المناخ السياسى فى مصر يسمح باننا نعمل حاجه بمعنى اخر ايه اللى هيشجع الشباب انهم يعملوا حاجه كلنا عارفين اننا بعد ما نخلص جامعه هنقعد فى البيت زى كل اللى قبلنا |
اقتباس:
وكمان فقرنا اأأأأأأأأأأأأأأأأأأأأأ أصدي مغنينه عن كل أرف .............. أكيبورد عندي بايز ده بقول علي الريس كلم صدق احم احم مش بلكو بايز :D:D:D |
الى انا اعرفه يااستاذى الفاضل انى عندى الكثير من الناس اعرفهم تفوقوا فى كلياتهم وبالفعل عند التخرج طلبتهم اكتر من شركة وهنا فى مصر والله وبمرتب كويس جدا
لكن احنا يارب اعدى السنة دى بس فى الكلية بمادة او اتنين مش قضية العيب الى عندنا بس هو اننا لازم ندخل كلية قمه لان دة الى بيشتغل وبس وشكرا |
اقتباس:
|
اخى محمد جابر انا اعتقد انت كمصرى لو حد ادامك اتريق على الريس او حتى على بلدك وانت مضايق هدفع عنه او عن بلدك بشدة
خليك مصرى قبلينا كتير حولو ا يصلحوا بس مش باسلوب سخرية لا بالفعل ويريت تكون مصرى بجد وكمان بتحب العمل اكتر من القول لانه لايقدم بل يؤخر |
بس نا مش بقول بس نا بعمل قبل مقول
|
عملت اية حضرتك داخل تتريق ممكن انا اسفة انى بتدخل فى حياتك عملت اية لمصر علشان تتقدم
|
بحول أغير من الناس المستسلمه للأمر الواقع
|
كل واحد فينا نفسه يعمل حاجه لمصر قبل ما يعمل لنفسه
بس زى ما قولتلك مفيش مناخ يسمح |
ليه كده محنه كنه حلوين
|
لا فى والله فى فكر وهتلاقى كتير انا رغم انى ممكن اكون ااصغر منك بس فكرت ولفيت وعملت الحمد لله رغم انى والدينى خايفين عليا من كدة لكنى عملت ولو جزء بسيط اوووووووووووووى
|
| جميع الأوقات بتوقيت GMT +2. الساعة الآن 01:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.