يا طلاب طب المنيا أريد رأيكم ضروري :
 

أسعدكم جميعا يا طلاب و طالبات طب المنيا
أنا عايزه أسألكم سؤال وهو :
هل في طب المنيا لازم تأخذ الطلبة كورسات في القاهرة أو أسيوط على حسب الدكاترة الذين يدرسون لهم ؟
أنا بنتي العزيزة الغالية ، بفضل الله و كرمه مجموعها يجيب طب ( شهادات معادلة )
لكـــــــــــــــن احنا و جهنا تفكيرها لصيدلة خوفا عليها من البهدلة و الدراسة الشاقة الطويلة
لكن أنا مستحرمة ( أو ممكن مستخسرة ) أن يكون مجموعها كبير و لا تدخل كلية تناسب مجهودها
أرجوكم يا أبنائي و بناتي طلاب الطب و خاصة البنات يفيدوني برأيهم ؟

يا خبر يا خبر فين الأراء الشجاعة ؟
 

يا خبر يا خبر 13 شخص يقرأوا الموضوع و مفيش أراء شجاعة

يا خبر يا خبر

غالبا مفيش ردود عشان جمله "خصوصا البنات "
المهم
مينفعش نقول علي ان البنت مينفعش تدخل طب لا دا بالعكس اوائل الدفعه غالبا بنات
والبنت تكون في طب دي ميمنعش انها تكون جميله وانيقه لان الطب كليه جميله ومفيده وانا حاسس ان ربنا بيختار الناس اللي بيشتغلو فيها

بالنسبه للكورسات
مش ضروري طالب طب يحضر الكورس بنفسه لان الكورسات بتاعات اكبر دكاتره في طب القاهره موجوده في تسجيلات ع النت

ياريت لو تدخل طب القاهره

شكرا يا ابني على ردك
احنا عندنا في العيلة ناس داخلة طب سابقا و حاليا
و لكن أشفق على بنتي من البهدلة و المشوار الشاق

وافر الشكر لك و التقدير يا دكتور Ameen على هذا الشرح الوافي المبشر بكل خير
ربنا ينور لك طريقك و يحفظك و يوفقك و يكرمك و يسعدك
بفضل الله ثم فضلك احنا هنكتب طب إن شاء الله ( المحافظة اللى احنا فيها) ثم باقي المحافظات و بعدين نحول
لك منا يا ابني دكتور / أمين كل الدعاء و الشكر و التقدير
بس الله يجزاك خير تابع معنا اليومين دول لحد ما تستقر الأمور