|
اختيارات محيراني
بسم الله الرحمن الرحيم ازيكم يا جماعه بصراحه انا مش لقيت قسم عام اتكلم فيه عن الموضوع ده وتهت عشان اكتبه فين وفي الاخر قررت اجي هنا واكتبه :d دلوقتي انا رايح تالته ثانوي :022yb4: وبعدين كنت علمي رياضه وربنا ما يوريكم الي حصلي وجبت 70% :( هحول آدبي طبعا عشان صحتي مش مساعدة :( دلوقتي بقى الاسئله الي مش عارف ليها اجابه محدده عشان كل شخص بيقول كلام شكل حتى المدرسة :o س1 دلوقتي انا هكون ادبي .. هيبقى معايا ماده علميه فوق ( عربي - انجليزي - تاريخ - علم نفس - فلسفه ) ؟ لو هيبقى معايا .. هيبقى معايا 6 مواد ؟؟ محتاج آرائكم بردو في ان انا اخد اقتصاد واحصاء .. او فلسفه ؟ بالله عليكم الرد عليا عشان اعرف اتصرف .. وعلى فكره انا كويس جدا في الرياضه ومليش في الحفظ الكتير وهاخد التاريخ بالعافيه وربنا :( |
السلام عليكم اعتقد ان فى اقسام اخرى مناسبة لموضوعك اخى زى مثلا قسم ( اجتماعيات طالب ) ..؟! عموما انا كنت أزهر .. وكان عندنا كله على بعضه علمى علوم ورياضة .. يعنى حقيقة نظامكم ده انا مأعرفووش .. اتمنى أى حد من الاخوة يفيدك .. وربنا يلبسك ثوب الصحة والعافية .. ويقدملك اللى فيه الخير بإذن الله |
1-بالنسبه لموضوع الماده العلميه دى انت لو كنت اخدت كيميا فى تانيه ثانوى يبقى مش هتاخد اى ماده علميه تانيه فى تالته...
انت دلوقتى كنت فى تانيه ثانوى و اخدت عربى وانجليزى ورياضه وكيميا لو هتحول ادبى وده احسن بالنسبه ليك ده لو مش عايز تدخل جامعه هندسه خاصه وتكمل علمى رياضه ... المهم انت لو حولت ادبى هتاخد عربى وانجليزى وتاريخ وفلسفه و علم نفس وتاريخ او جغرافيا بص يا سيدى هو التاريخ تقيل ومعاك انه فيه حفظ ياما اوى بس انت لو هتروح عند مدرس يفهمهولك كويس يبقى مش هتحفظ كتير وخلى بالك ان التاريخ بيتنسى يعنى لو مش حابب التاريخ مش عارف ممكن تاخد مكانه ماده تانيه او لا بس ممكن تاخد جغرافيا او اى حاجه تانيه بدل من التاريخ اسأل على الموضوع ده فى المدرسه او اى مدرس بالنسبه لعلم النفس هى حاجات هتفيدك فى حياتك بس عايزه حفظ اكيد و الفلسفه كمان ماده هايفه ومش عارف اصلا هما حطينها فى المنهج ليه بس حفظ برده ربنا يوفقك ولو انت واثق من نفسك فى الرياضه خد اقتصاد او احصا بس الحقيقه مش عارف هو ده فى الادبى ولا لا اتمنى اكون افدتك بس برده اسأل ناس اكتر واسأل المدرسين او شئون الطلبه فى المدرسه على اى استفسارات عندك merci |
جزاكم الله خيرا و شكرا
|
شكرا اوي يا جماعه :) ... انا اخدت تاريخ وفلسفه وعلم نفس .. ولو ما ارتاحتش .. هجرب اقتصاد و احصاء
|
ربنا يوفقك
|
لا لا مفيش مادة علمية مادام كنت ف تانية علمى
|
| جميع الأوقات بتوقيت GMT +2. الساعة الآن 10:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.