|
بحبك يا مصر وكتر خيرك يا ريسنا(ما بتحبهوش ليه بس )
بسم الله الرحمن الرحيم السلام عليكم ورحمة الله وبركاته يا جماعة ممكن اسالكم سؤال؟ ليه ماعندكومش انتماء لوطنكم ولرئيسكم انا بقولها باعلى صوتت بحبك ياااااااااااااااااااااااااااامصر بكل مميزاتك وعيوبك بحبك يا مصر واقدرك يا رئيسنا واحترمك ليه بس مش بتحبوا الراجل ده كفايه اللى عمله لينا دا مفيش واحد عنده تمانين سنه عمل اللى عمله.. بنتعلم أحسن تعليم.. عايشين أحسن عيشه.. والله العظيم دى أفكار بعض الناس ومن غير المنتفعين منه أيضا ... يعنى الواحد لما يقعد مع الناس دى يتشل بجد ... وآخر حاجه تتخيلها انو ولى أمر المسلمين عند بعض الناس.. ...يلا مادى آخرة الهنا اللى عيشنا فيه بقول ايه ..حسبى الله ونعم الوكييييل فى اللى وصل مصر للمستوى ده دا كفايه وقفته أمام ربنا يوم القيامه كل ده وكل الحمل عليه لوحده ربنا يعينه ويكرمه كفاية انه معيشنا فى سلام ولا محتلين ولا حاجة ليه ما نقولش العيب بتاع البطالة والمعيشة غلط مننا؟ ليه كل حاجة بنرميها عليه هو لوحده ونقول حسبنا الله ونعم الوكيل فيه ليه ما يكونش مننا عشان عددنا كتير عشان احنا متخلفين بعض الشئ بصراحة انا كنت فى الاول مش بطيق حاجة اسمها حسنى مبارك بس لما عرفت حقيقته فعلا قدرته وبقول الله يكون فى عونه يوم الحساب انا حبيت بس اصلح الموضوع ده اللى منتشر كتير اوى فى المنتدى وجزاكم الله خيرا |
وانا رايي من راي حضرتك
وربنا يديم علينا خير البلد دي ونعمه السلام وشكرا علي الموضوع |
لا طبعاً بنحب مصر لكن مش بنحب ناس تانيين حضرتك مش بتشوف الناس فى مصر حالها عامل ازاى أقول لحضرتك حاجة أنا كنت زيك كده زمان وبستغرب ليه الناس مش بيحبو مبارك لان حياتى كانت منحصرة بين بيت متوفر فيه كل حاجة الحمد لله و مدرسة خاصة ب6 ملاعب تقريبا و اصحاب من نفس مستوايا بنخرج مصر الجديدة وروكسى وندخل مولات وهكذا لكن لما شفت الواقع والنسبة الكبيرة من الناس اللى بيعانوا فعلا شىء يقطع القلب جرب حضرتك روح مع اى جمعية خيرية كبيرة قافلة خير واحدة وصدقنى والله هتبكى لما تشوف الناس مناطق مافيهاش لا ميه ولا نور ولا اى حاجة بيوت من طين ويمكن ناس فاحتين فى الجبل وهى دى بيوتهم ناس ماتعرفش شكل الفلوس ايه بيحلموا بجنيه واحد فى اليوم فى أقل من كده .. ؟!! معاك ان العبء مش عليه لوحده احنا غلطانين اننا سايبينهم ينهشوا فى لحمنا تقدر تقولى ايه الحل ؟؟!!! طيب هو لو راجل كويس اقل حاجة : ينفع انه يدى 90 جنيه لكل واحد يرشحه فى الانتخابات اقولك على حاجة صلى على النبى وشكراً على الموضوع |
اقتباس:
اميييييييييييين ياااااااااارب وشكرا على المرور |
اقتباس:
وجزاكم الله خيرا على الرد اختلاف الراى لا يفسد للود قضية بس ممكن حضرتك تحطى نفسك مكانى وتقوليلى كنتى هاتعملى ايه ومش بسنك ده لا خلى نفسك عندك 80 سنة وشويتين وشكرا على المرور |
لا مش مكانى انا مكانه هو وكنتى رئيسة جمهورية
|
انا مش معاكى تماما اه انا بحب مصر وبموت فيها لكن مش ........
طبعا كلنا سمعنا عن ازمة العيش انا ساكنة وتحتى فرن عيش(اصلى ساكنة فى منطقة شعبية وليست عشوائية*) والله والله والله الناس بتقطع بعض علشان يجيبوا العيش لحد ما وصلت خناقات كل يمو للفوز برغيف العيش الذى هو من اقل المتطلبات والناس ماشية فى الشوارع بتكلم نفسها والله انا بتكلم جد وده حاجة واحدة من انجازات بابا مبارك توفير الخبز للمواطن المصرى وفى الاخر تقوليلى احنا مش بنحبه طب يحل ابسط المشكلات وبعدين يدور على التانى وبعدين فى خبر يقول ايه مصر بنتور السودان يعنى بعتلها منحة لانارة السودان طب ينور للى عنده الاول وبعدين يشوف غير هاقول ايه ولا ايه يلا ربنا يسامحه! |
انا مش معاكى تماما اه انا بحب مصر وبموت فيها لكن مش ........
طبعا كلنا سمعنا عن ازمة العيش انا ساكنة وتحتى فرن عيش(اصلى ساكنة فى منطقة شعبية وليست عشوائية*) والله والله والله الناس بتقطع بعض علشان يجيبوا العيش لحد ما وصلت خناقات كليومللفوز برغيف العيش الذى هو من اقل المتطلبات والناس ماشية فى الشوارع بتكلم نفسها والله انا بتكلم جد وده حاجة واحدة من انجازات بابا مبارك توفير الخبز للمواطن المصرى وفى الاخر تقوليلى احنا مش بنحبه طب يحل ابسط المشكلات وبعدين يدور على التانى وبعدين فى خبر يقول ايه مصر بتنور السودان يعنى بعتلها منحة لانارة السودان طب ينور للى عنده الاول وبعدين يشوف غير هاقول ايه ولا ايه يلا ربنا يسامحه! |
يا جماعة ده راجل عنده 80 سنة ومسحملنا ومسؤلين عليه يوم القيامة اعذروه ردوا
وبردوا بموت فيكى يا مصر وكتر خيرك يا رئيسنا |
اقتباس:
انا متفق معاكى كليا و جزأيا و جبتى من الاخر يا اسيل |
لا اله الا الله
ما فيش كلمة ربنا يهديه علينا كله دعا على الراجل ما فيش صبر على الابتلاء؟ اتقوا الله يا امة محمد |
اقتباس:
والله فى أكبر منه وبلدهم فى أجمل حال بص على إيدك الشمال وشوف ليبيا ولا اقولك بص على ايدك اليمين وشوف الخليج ناس بدووووووووو يعنى المفروض مش بيشوفوا غير اللون الاصفر وعاملين ازاى وإحنا اللى عندنا خيرات لا حصر لها .. تقدر تقولى حضرتك بيروحوا فين ؟؟ أكيد أكلتها القطة :D أبسط مثال .. جبل الدهب اللى اكتشفوه فى سينا من كام سنة كان ممكن يحل أزمة الدول العربية كلها مش مصر بس ماجابوش عنه أى خبر بعد كده .. أكيد صدقنى أكلته القطة :D فين فلوس ممتلكات الحكومة اللى اتخصخصت ؟!!! .. أكيد أكلتها القطة :D وآبار الغاز والبترول و..و..و..و.. إلى ما لا نهاية :( وبعدين هو مش قادر يعملنا حاجة وراجل عنده 80 سنة ومريض يرحم نفسه شوية ويدى فرصة لغيره ينفع البلد .. مش يتبت فيها ويتعبنا معاه!!! ماسئلتش نفسك مرة هو أيمن نور واتباعه راحوا فين .. ؟!! وكل التُهم اللى اتوجهتلوا أثناء الانتخابات دى من مين .. أكيد برده من القطة :D يا إما هو حاططهم فى دفتر توفير لينا ( بيأمن مستقبلنا ) صدقنى الراجل ده لو ساب الحكم حق ربنا انه يتعدم 80 مليون مرة .. كل مواطن مرة :p تصدق بالله ( لا إله إلا الله ) الخونة اللى باعوا صدام حسين فى لحظة ودلوقتى بيبكوا بدل الدموع دم والله لو هما شعب مصر كانوا قطعوه حتت .. الله يرحمك يا صدام :( وحضرتك بتقول كفاية انه موفرلنا الامن ومش بلد محتلة الحمد لله على كل حال .. بس هو مش عايز يجيب مشاكل لنفسه مش خوف علينا ولا حاجة وعلى فكرة احنا دولة محتلة بالفعل واكتر من احتلال اسرائيل لفلسطين وامريكا للعراق شوف حضرتك هما من بعيد عملوا ايه فى الشباب والمخدارت اللى ناقص تتباع فى السوبر ماركت وحوادث ال****** اللى بقت اكتر من شعر راسنا اتفرج على الجزيرة وشوف لما بيحصل حادثة فى شرم الشيخ مش هتلاقى بنى ادم عربى فى المكان كلها شرطة واسعاف يهودى اسرائيلى أقولك أنا نفسى حد يحتلنا على الاقل لما نموت هنموت شهدا مش هنموت من كتر شرب الحشيش والبانجو ولا هنموت واحنا بنشرب سيجارة فى الحمام .. ساعتها بس هنعرف إن الله حق ونلجأ ليه أصل المصريين مش بيمشوا غير بال ......... بيننا الأيام وهنقرا فى التاريخ إن عهد ( اسمو ايه ) أسوء عهد مرت بيه مصر فى تاريخها قلتها مليون مرة .. ربنا ساترها معانا علشان بس كلمة مصر مذكورة فى القرآن بطلى رغى يا ست مها .. هتودى نفسك فى داهية :mad: وشكراً .. |
كلمة الإنتماء للوطن فى حد ذاتها الكلمة دى عجبتنى إنما إنى أقدر الريس فى حد ذاتها مش ممكن استحالة |
اقتباس:
عليه افضل الصلاة والسلام الريس ده راجل ممتاز كفايه اننا عايشين عيشه ملهاش حل العيش بيوصل لكل مواطن لحد البيت والمواصلات فاضيه خالص مفيش زحمه ولا حاجه وكمان الاسعار رخيصه جدا واكيد كلنا مبسوطين مش قرفانيين من العيشه واكيد برضه اننا بنحبك يا مصر جدا مهما اتعمل فينا |
اقتباس:
يبقى حضرتك مخطاه 100 % تعرفى ليبيا دى الى مساحتها كبر مننا عدد سكانها كام لا يتعدوا 7 مليون!!!!!!!!! والحديث دة بيقول ايه سبب حياتنا دى دلوقتى بالظبط اقتباس:
|
| جميع الأوقات بتوقيت GMT +2. الساعة الآن 08:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.