وزيرالتعليم العالى السابق: ظلمت المتفوقين فى الثانوية..ولكنني لم أبعهم للجامعات الخاص
 

أكد دكتور محمد النشار وزير التعليم العالى السابق أنه يشعر أنه ظلم الطلاب المتفوقين فى الثانوية العامة.

وقال الوزير خلال حضوره حفل الافطار الذى نظمته جامعة عين شمس اليوم " أنا جيت على طلاب الثانوية العامة .. بس غصب عنى".

وأضاف أن الارتفاع الجنونى لمجاميع الثانوية التى شهدت حصول 2800 طالب على أكثر من 100 % اضطرته للخروج بنتيجة التنسيق التى صدمت أحلام المتفوقين.

وبرأ الوزير نفسه من الاتهامات التى وجهها أولياء الأمور اليه بقيامه ببيع أبنائهم للجامعات الخاصة.

يذكر أن ضحايا التنسيق من طلاب الثانوية العامة نظموا مظاهرة اليوم أمام مقر التنسيق للمطالبة باعادة التنسيق، واتهموا النشار برفع الحد الأدنى للقبول بالطب الى 99.1% لاجبارهم على الالتحاق بالجامعات الخاصة

شكرا علي الخبر

ميرسي ع الاخبار دى

وهو عامة الحق مش عليه

الحق على جمال الدين العربي
اللى حط امتحانات ظلمت الشاطر اللى عندة مواهب قبل ماتظلم البليد والحمد للله انه اتشال بجد

لا والله فيه الخير حس بالذنب بعد ما طلع واخد اللى فيه النصيب ها

لا والله
كتر مليون خيرة
اكيد ندمة دة يدخلنا الكليات اللى كنا عاوزينها
كان اتكتم احسن من حرقة الدم دى

يااااااااااااااه ده ايه الانسان الحساس ده هو جاى يفتكر دلوقتى انه دمر احلامنا وقتلها حسبي الله ونعمه الوكيلفي كل طالب غش بالبلاك بيرى واخد فرصه غيره وفي كل الى ساعد على وضع امتحانات صعبه جدا بالذات امتحانات رياضه 2 الى ظلمت طلاب علمى رياضة امتحانات سيئه جدا وتنسيق عالى جدا تنسيق الهندسه ارتفع درجه ونص عن السنه الى فاتت ده على اساس ان امتحانات السنادى اسهل من السنه الى فاتت مفيش ولا امتحان جه سهل لطلبة رياضه 2 ايه التنسيق عالى اوى جميع الطلبه عباقره هتقولوا السنه الى فاتت 2011 جت سهله وده الى على التنسيق الحمد لله امتحانات 2012 كفت ووفت اوى (عربي -انجليزى-فيزياء -رياضة 2)

الوزير دة كل ما اشوفه يفكرني ببهاء اللي في التجربة الدنماركية و ربنا ينتقم منه من اللي عمله فينا دة صاحبي من 3 سنين بس جاب زيي 93 و نص و دخل هندسة حلوان و انا دلوقتي جايب 94 و داخل حاسبات و معلومات و ما لحقتش حتي هندسة اسوان حسبي الله و نعم الوكيل فيك