|
ازاى تعكنن على زوجتك...
لو عايز تعكنن على مراتك ازاى تعكنن على مـــــراتك, ده لو مستغنى عن عمرك يعنى اتبع الاتى -1 الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قولها مادام صحيتى حضري الفطار بقى -2 اذا كنت بتتفرج على التلفزيون وهى عايزة تغير القناة قولها معلش الحلقة دى مهمة جدا واحد صاحبى شافها على القناة الفضائية وقالى ان الحلقة دى هى المسلسل كله ، ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى (جون) حتى لو كان حارس المرمى ماسك الكورة والماتش واقف لان فى واحد مصاب (ملاحظة : اغلب النساء ذو ثقافة كروية ضعيفة( -3 اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة ، طبعا يراعى ترك اثار سمنة على الارض مع ترك الثلاجة مفتوحة وقشر البيض فى الحوض -4فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة -5 لو عملة ريجيم اجرى على السوبر ماركت ومحلات الحلويات واملى الثلاجة شكولاتة وحلويات وجاتوهات ، ويراعى التجول وانت مستمتع بأكل الجاتوة امامها 6- متنساش رأيك فى طبيخها لو عاملة لحمة قولها حلو اوووى الفراخ دى ، ولو طبخة بامية جميلة اوى الملوخية دي ياحياتي حاطة عليها اية ؟؟ ولو عاملة كيكة قولها انا بحب اشرب شاى مع البسكويت الحلو دة !! 7- لو طلبت منك تنشر الهدوم قولها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! 8- لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية 9- لو كانت مشغولة فى نظافة البيت او مع الاولاد وطلبت منك تغسل كوبايتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟ 10- وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى |
ماهو ده اللى بيحصل من كل الازواج بدون قصد بس مابيغسلوش ولا بينشروا الغسيل مش للدرجه دى
هماكفايه يعملوا كوب شاى ويستخدموا 10 اكواب علشان كوب شاى واحد موضوع لطيف جدا اشكرك |
اقتباس:
|
حرام احنا هنتجوزها نعقدها ولا هتعقدنا
|
شكرا لمرورك الكريم
|
:bosyht9: :bosyht9: :bosyht9: :( :( مشكـــــــــوووور موضــــــــوع لطيــــــــــــف :d:d |
اقتباس:
الاول ايقون زعل والاخر ايقون ضحك كويس شكرا لمرورك الكريم |
ههههههههههههههههههههه
ايده ده حضرتك ناوي تعمل مشاكل رسمي ههههههههههههه |
موضوع جميل جداً ودمه خفيف جداً بس هو مش حرام اللي بيعملوا ده هو هايرفع ضغطها مش هيعكنن ؟!
شكرًا ع الموضوع |
خدمة وتعب وفي الاخر يتريقوا علي الستات
يروحوا يشوفوا خيبتهم الاول |
لو الزوج عمل كدا يبقى بعكنن على نفسه في الاخر
بارك الله فيك |
اقتباس:
شكرا لمرورك الكريم |
اقتباس:
|
اقتباس:
ازاى تعكننى على زوجك في قسم المرأة شكرا لمرورك |
اقتباس:
لانه عند المرأة : العكننة بعشر امثالها شكرا لمرورك الكريم |
| جميع الأوقات بتوقيت GMT +2. الساعة الآن 09:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.