|
انا كرهت التعليم والثانويه ومش عايزه اذاكر
مش عايزه ادخل تالته ثانوي
مش عايزه اكمل مش طايقه ابص لشكل الكتب ولا طايقه اشوف استاذ ولا عايزه اكمل تعليم ولا عايزه ادخل المدرسه انا تعبت ومحدش هيسمعني ولا هيفهمني كرهت كل حاجه وكرهت كل الناس حتي مفيش اصحاب يقفوا جمبي يشجعوني انا من جوايا رافضه المذاكره اعمل ايه انا مشعارفه انا بقول كده ليه بس نفسي اعيش بقه مش لاقيه حد يسمعني |
لييييييييه ؟؟ اكيد فى حاجه حصلت
|
انا جبت مجموع قليل في سنه تانيه
ميساويش حاجه بتكسف اقوله الحمد لله مليش اصحاب ولا شايفه ان فيه حاجه اسمها اصحاب مش حاسه بعيد ولا بفرحه قرفانه انا هذاكر ليه واوجع في قلبي ليه ما هو الا ذاكروا وتعبوا اوي اوي اوي في الاخر مدخلوش ال كان نفسهم فيه مع ان مجموعهم كبير يبقي انا اذاكر ليه كله محصل بعضه والله العظيم ربنا يعلم ان غظب عني ان بكتب الكلام ده عشان محبطش حد بس غظب عني هسأل مين ولا هكلم مين محدش هيسمعني |
اقتباس:
بصى ده امر طبيعى اكييد انتى دلوقتى بدأتى دروس بس اكيد مش كل المواد او لو حتى كل المواد ما ترهقيش نفسك فى المذاكره خالص نهاااااااااااااااااااااااااااااااااااائى دلوقتى السنه طويييييييييييييييييييييييييييله جدا يعنى ساعه بعد الدرس وساعه قبله بس والباقى اللى نفسك فييييه اعملييييييييه م غير ما تفكرى فى اللى انت فيييييه يعنى لو بتحبى التليفزيون او النت اقعدى برااااااااااااااااحتك لحد ما تزهقى بس مذاكره ساعه بعد الدرس وساعه قبله ده ضرورى علشان ما تنسيش حاجه خلى نفسك تزهقى من كل اللى انتى عايزاااااااااااااااه دلوقتى لسه قاعد 25 يوم على المدارس انا قعدت بعد تانيه دخلت فى تالته بدون ما استمتع بالحاجه اللى عايزااااااااااااااها كانت النتيجه انى جيييييييييييييت فى النهاااااااااااايه ومليييييييت ونفسى خدتتنى ع كل حاجه عاوزاه وكنت بعملها فعلا حتى لو كااااااااان ورايا حاجات كتييير مع شوية مشاكل كده خلتنى اسيب 3 مواد ما امتحنهااااش السنه دى بجد فرفشى ع نفسك شويه |
اقتباس:
انتى ممكن تدخلى كليه مش م كليات القمه وتبقى دكتور اكاديمى فيها يعنى احسن من مليوووووووون دكتووووووووووور وممكن تجيبى احلى فى تالته اصل تانيه مش مقيااااااااااااس نهائى والله العظيم زى ما بقولك كده اما بئى موضوع الاصحاب ده عاااادى انا كان عندى اصحااااااااااب كتييييييييييييييير اووووووووووووووووووووى لكن اصحاب اصحاب يعنى هى واحده بس للأسف سافرت من 3 سنين وتقطعت اخبارى بيها نهائى لأن موبايلها مقفووووول وشكله بااااااااز ومعندهاش ارضى اى نعم الى الآن ما عنديش اصحاب بجد لكن كل واحد لازم يهتم جدا بمصلحته اولا سيبك من موضوع الاصدقا ده احساسك بعدم وجووود عيييد طبيعى لكل اللى انتى فييييه يعنى بس لازم تفرفشى شويه انتى عارفه النهارده فرح خالى وبابا وماما واخواتى كلهم راحوا ماعدا انا واخويا الصغير خالص خفت احسن اقابل ناس من قرايب ماما اللى فى كلية طب و صيدله ويقولولى كلام مش حلو يأثر عليا فمروحتش لكن بعد كده ندمت خلاصة القول فرفشى عن نفسك واعملى اللى عليكى وبعد كده اللى ربنا كاتبهولك هتاخدىحاولى تصاحبى الكتاب ولما تبقى مخنوقه طلعى غلك كله فيييه وامسكييه وانسى الدنيا اتفكريش انك بتذاكرى يعنى ماتحطيش فى دماغك كده كأنك بتقرى عااااااادى يعنى وان شاء الله التنسييييق اكيييييييد مليوووووووووووووووووووووون فى الميه هينخفض يعنى 2011 كانوا اللى جايبين فيها من 95% الى100% حوالى76074 واما 2012 تانيه ثانوى من 95 الى 100% حوالى59172 وطبعا النسبه دى هتنزل كتيييييييير اووووى فى تالته فمش صعب ان الطب اللى خدت من 99.1 تاخد من 98 او 97.5 وكذالك الباقى اعملى اللى عليكى وخلى الباقى ع ربنا |
اقتباس:
احنا هنا اهو وبنسمعك وقولى كل اللى فـ نفسك علشان تفرفشى بعد كده وانتى لسه قدامك السنه كلها اجتهدى واعملى اللى عليكى وربنا هيوفقك ان شاء الله حتى لو مدخلتيش اللى نفسك فيه وعملتى اللى عليكى تأكدى إنك ع الأقل خالص هتفرقى عن غيرك كتييير وأى مجال تدخليه (أى مجال) تفوقى فيه وزى ما قلت لكى (دى حاجة انا متأكد منها مش كلام شعارات) هتفرقى عن غيييرك وخليكى مؤمنة بقدراتك وحاولى تتصاحبى على اى حد (احنا هنا أصحابك برضو) بس انا اقصد حد تشوفيه مش ع النت يعنى وربنا معاكى |
اقتباس:
تماااام بس لازم يبقى ليكو أصحاب you have to have a friend |
هاتلك مضرب بيسبول وانزل طلع غلبك فى الناس
وازازتين بيبسى فاضيين اعملهم مولوتوف وروح ولع فى المدرسه بعدين اجرلك كام بطجى يروحوا يخلصوا على المدرسين الى مضايقينك بعدين هات 20 كيلو حديد واربطهم فى جسمك وارمى نفسك فى اقرب ترعه -------------------------------------------------------------- طبعا ابعد عن الهبل الى فوق ده :d وشوف ايه الغلط وحاول تصلحه وعلى راى مصطفى كامل لا حياه مع الياس ولا ياس مع الحياه |
بجد والله الحالة دى كانت عندنا كلنا مع بداية سنة تالتة
وشوية كدة واتغلبنا عليها فكر فى بكرة هتلاقى سنة تالتة دى عدت فى ثانية استعن بالله فى كل حاجة هو دة الشئ الوحيد اللى هاينفعك |
اقتباس:
والله يا أختى ما ينفع الكلام ده حتى لو كان مجموعك قليل جدا جايز ربنا خلاكى تجيبى كذا عشان شايلك حاجه أحسن عشان عايزك فى حته من إللى إنتى عايزاها كملى السنه بتاعتك عادى جدا ولا تحرجين من مجموعك طالما الله رزقك به فخلاص ربنا أكيد حساباته أحسن من حساباتنا 100 مره ربنا ييسر لكى الحال |
والله أنا زيگ بالظبط .. چبت مچموع مش گويس أبداً
ولآ عندي صحاب لگن .. أنا داخل وناوي أچيب 99٪ .. ليه ؟ لأن مش معقوله حياتي تقڤ عند محطة فشل مريت بيهآ إستعيني بالله ولا تعچزي |
اعتبري نفسك لسه داخله ثانوية عامة وهاتي أكبر درجة ممكنة في 3 ومتقوليش مش هتييجي بفايدة لأنك متعرفيش تقدير العزيز الحكيم سبحانه وتعالى ...
|
ana Zyk 3la Fkra
|
عسى ان تكرهو شيئا وهو خير لكم وعسى ان تحبو شيئا وهو شر لكم
اعملي اللي عليكي والباقي على ربنا افرض مثلا كنتي جبتي المجموع اللي ف بالك كان ممكن حاجة وحشة قصادها تحصل بعدها لا هيفرق مجموع حلو ولا وحش اعملي اللي عليكي والباقي على ربنا |
عارفة الحكاية بتيدأ بأنك يكون عند الرغبة...تبدأ تقولى لنفسك أجرب يمكن اقدر..وتقنعيها أنك تقدرى...تبدأى تحاولى..وتحاولى وتحاولى..لحد ما توصلى..حتى لو موصلتيش وانتى في ثانوى طول ما بتاحولى يبقى اكيد فى يوم هتوصلى
سيبك من مجموع السنة اللى فاتت...ومن التنسيق..اشتغلى واعملى اللى عليكي وخلى نيتك لله...وتأكدى أن ربنا هيكتبلك الخير طول ما انتى نيتك صادقة وصافية... الثانوي مش هو نهاية الدنيا أنا بنت عمى كانت فى سنة 2008 وجابت 94% علمى علوم..كان جايلها كلية علوم وراحت دخلت كلية "دار علوم" بيدرسوا نحو وصرف وأدب وفقه وشريعة وعلم لغة وبياخدوا لغة من لغتين يا إما فارسي أو عبري...المهم هى كانت علمى بقولك..ودخلت الكلية دى وهى دلوقتى خلصت سنة رابعة وطالعة التانية على الدفعة..هتتعين معيدة إن شاء الله هى بعد تالتة ثانوي كانت نفسيتها تعبانة وكانت عيانة اوى من كتر الزعل وركبولها محاليل وخست جدا..كانت حالتها صعبة أوى!! لكن دلوقتى هى مش مصدقة نفسها..هى لو كانت دخلت كلية تانية مش ممكن كانت تقدر تكون كدا! محدش عارف ربنا كاتبله الخير فين....اشتعلى واعملى اللى عليكي...متخليش حاجة تدايقك سواء أهل أو أصحاب..لو أهلك بيلوموكى وبيضغطوا عليكي فى حاجة اعرفى انهم شايفين انها عشان مصلحتك...لو معندكيش اصحاب خلى أهلك هما اصحابك...واصحابك يبقوا زمايل ليكي..عشان هتحتاجى يكون ليكي زمايل..متربطيش سعادتك بأشخاص أبدا غير أهلك ولو هتربطي سعادتك بأصدقاء هتحتاجى وقت طويل اوى عشان تعرفيهم كويس بعدين بقى تبقى تربطى سعادتك بيهم!! |
| جميع الأوقات بتوقيت GMT +2. الساعة الآن 01:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.