|
قضايا ضم المدة السابقة لتعيين 3/2011
ياريت نخصص صفحة نكتب فيها الأخبار الخاصة بمن قام برفع قضية ويكتب اسم محافظته
حتي يمكن الإستفاده وتبادل الخبره انا محافظة الدقهلية وقمت برفع القضية لسه هيتحدد لها جلسة واعرف ميعادها في شهر 9 القادم |
يا ريت يتم تثبيت هذا الموضوع .
ويا ريت تخبرينا بالاوراق التي اخذها المحامي منك .وما هي المدد التى يمكن ضمها هل مدد التعاقد ام الاجر؟؟ |
متابع باهتمام
|
ـ إن شاء الله ما ضاع حق وراءه مطالب
|
اقتباس:
اللى عرفته من مصادر موثوقة وفاهمة فى الموضوع ده كويس سواء من الادارة او وكالة الوزارة ان المعلم المساعد اللى امضى 3سنوات قبل تعينه فى كادر معلم مساعد ليس له الحق فى ضم المدة وانما تضم المدة للمعاش فقط ولاثبات ما كان يخصم منا اثناء التعاقد المميز ومعلم مساعد من تامينات لم توردها وزارة التربية والتعليم للان وذلك لان ده من شروط هيكلة قانون الكادر انك تبقى معلم مساعد 3سنوات الدرج الوظيفى بالكادر يعنى بسنوات الخبرة لكن ضم الخدمة السابقة قبل التعيين لن يرفع فى الدرجات المالية او اى شئ اخر اللهم غير موضوع فلوس المعاش فقط فتاكدى انتى ايضا من عندك حتى لا ترفعى قضية ويتم صرف فيها اموال ولاتجدى مثلا لان ده قانون ونحن كلنا كمعلمين مساعدين وافقنا عليه وقتها وللعلم بقيام الثورة او بدونها كده كده تعيين 1/3/2011 كان هيتعين لمرور شرط ال3سنوات بتوع الكادر وده بردك فى قانون الكادرمتحدد(او مايقرب لذلك فى بعض المحافظات) بالتوفيق باذن الله |
كلام حضرتك مثبط ومحبط
ليه انام لما الحكومه تحن انا ولله الحمد رفعت قضيه كل ما خسرته 200 جنيه مقدم والباقى لما اكسب القضيه والناس اللى متوليه هذه الامور هما نفس المسئولين عن التسويه ولكم الشكر والتقدير |
التسلسل الوظيفي لمهنة المعلم تبدأ بـ (معلم مساعد) .. ولذلك (في رأيي )يجب ضم سنوات العمل كمعلم مساعد إلي سنوات العمل الفعلية والتي تحتسب كفترات بينية للترقي للدرجة الأعلي ..
يعني .. تعيين 1/3/2011 يجب أن يحصل علي معلم أول من تاريخ تعاقده كمعلم مساعد .. يعني لو واحد تعاقد معلم مساعد 2008 يبقي المفروض العام القادم 2013 يتقدم للحصول علي ترقية معلم أول .. ده المفروض .. لكن بسكوت المعلمين الجدد وعدم توحدهم وعدم مطالبتهم بحقهم فإن تعيين 1/ 3/ 2011 سيحصل علي ترقية معلم أول في 2016 يعني بعد عمر طويل وده ظلم بين .. لأن أيام ما كنا معلم المساعد لم يكن هناك فرق في اداء المهام الوظيفية بيننا وبين المعلم .. بالعكس ده كان هناك تفرقة مادية ومعنوية |
يا ريت لو فيه حد ضم المدة من أي محافظة .. يدخل يعرفنا
|
اقتباس:
بس ياسيدي 3 سنوات معلم مساعد + 5 معلم = الدرجة الثالثة بمعني ان حضرتك لابد من 8 سنوات علي الدرجة الثالثة في الإنتقال للدرجة الثانية = معلم أول وبالتالي أن شاء الله لو حصلنا علي حكم اتوقع نصة كالتالي ( يتم احتساب الأقدمية من تاريخ أول عقد علي أن يظل علي الدرجة الثالثة 8 سنوات من تاريخ أول عقد ) لأن احنا متعاقدين قبل صدور قانون الكادر وأعقد لو تم تغير تاريخ بداية سريان الدرجة في الصحيفة ده هيفيد في المرتب وفي الترقية مش في المعاش فقط وبعدين كل واحد يحسب كده هيفضل علي الدرجة الثالثة كام سنة من تاريخ أول عقد ملاحظة بسيطه انا بأدخل بإسم بنتي الصغيره وأنا عمري 30 سنة ده بس عشان جتلي رسايل خاصة |
اقتباس:
1- صور العقود 2 - صورة استمارة 103 3- صورة من قرار التعيين 4 - جواب لجنة فض المنازعات بالمحافظة ( طبعا حضرتك بتقدم طلب في المحافظة " لجنة فض المنازعات " وبتحدد جلسة وبيدوك جواب وفي الغلب يكون رفض مفيش مشكلة ) 5- صحيفة احوال الإلكترونية . 6- طبعا ممكن المحامي يكون معاه صورة احكام مشابه أو صورة لقرار هو بيضيفها ( هو فعلا دعم بس مرضيش يطلعني عشان سر المهنة " المحامي ابن خالي " عشان محدش يفهم غلط ومش هياخد اتعاب ) 7 - توكيل المحامي 8 - بتدفع رسوم في حدود 25 جنيه 9 - بتصور شوية ورق من الصور الي فاتت علي فكرة المفروض يكون معاك صورة طبق الاصل من العقود وإستمارة 103 |
اقتباس:
اولا-لا يوجد في قانون الكادر ما ذكرته ثانيا-وفقا لقانون 47 لسنة 1978 في المادة 27 يحق ضم جميع المدد سواء كانت متصلة او غير متصلة (بالاجر او التعاقد) ثالثا-عن خبرة لا تصدق هولاء الجهلة لاني عرضت على هؤلاء القانون السابق الذكر لكن بسبب جهلهم قالوا ليس لديهم فكرة عن هذا القانون واتهموني باني ااتي باشياء مزوره الاهم اعرف ناس في الازهر رفعت قضية لضم سنوات الاجر وكسبتها |
اقتباس:
احنا من تاريخ تعيينا اصبحنا على الثالثة لذا ليس لنا حق بضم المدة للترقى اقتباس:
http://kenanaonline.com/users/atef4english/posts/222829 المهم فيه الجزء ده: جدول معادلة وظائف التعليم الوظيفة التعليمية الدرجة المالية المعادلة المدد البينية بدل الاعتماد٪ كبير معلمين العالية - 150٪ معلم خبير مدير عام 5سنوات 125٪ معلم أول (أ) الأولى 5سنوات 100٪ معلم أول الثانية 5سنوات 75٪ معلم الثالثة (أقدمية سنتين) 5سنوات 50٪ معلم مساعد الثالثة 3 سنوات - انا دخلت على القانون وقريته كويس من اول مانزل احنا ونحن معلم مساعد ليس لنا اى درجات مالية بالنسبة للازهر اللى ضم المده مش مدرسين كانوا معلم مساعد وانما مكافأة شاملة فقط وللعلم فيه متعاقدين بالتربية والتعليم لم يدخلوا امتحان الكادر بمعنى انهم لم يكونوا معلم مساعد دول من حقهم رسمى ضم الخدمة وليس نحن سواء كانوا خريجى تربية ام لا انا لا اعترض بالعكس لو لنا حق مشروع يجب الحصول عليه لكن نتكلم فى قانون كلنا وافقنا عليه اما تعاقدنا معلم مساعد (حتى لو لم نكن نعرف تفاصيله) وللاسف بلدنا بلد قوانين تنفذ فى الصالح العام وليس صالحنا يكفى وقت التعيين كلام ناس ربنا يهدى لهم نفيهم (كفاية انكم اتعينتوا ) كما لو كان خبر التعيين ده صدمة غير متوقعة بالتوفيق للجميع باذن الله وربنا معنا |
ارجو من الادارة وكل من يعرفها ان يبلغها بان تثبت الموضوع لاهميته
ولكم الاجر والثواب من الله العلى القدير |
محافظة الجيزة /ادارة البدرشين
أنا تعيين 3/2011 سمعت انا الادارة بدأت تستلم أوراق ضم المدة من فترة فذهبت وسألت فى قسم التسويات فأخبرتنى الاستاذة فى القسم أنهم أرسلوا أول 50 اسم تقريبا كعدد للتنظيم والادارة للنظر فى ضم مدة تعاقدهم فتمت الموافقة على طلباتهم وبالفعل ضموا مدة التعاقد والله أنا أما ذهبت الى الادارة وقابلت المسئولة فى التسويات ( الشديدة الادب والاحترام فى الرد والاستفسار) ورتنى الموافقة اللى جت من التنظيم والادارة لضم مدة أل 50 اسم المرسلين فقمت وقدمت طلب ضم مدة من مدة التعاقد 1/10/2006 حتى تاريخ التعيين 1/3/2011 ومعها صحيفة الاحوال من الادارة والافادة من المدرسة بالعمل فى فترة التعاقد وقدمتها فى الدفعة الثانية لانهم بيجمعوا الطلبات ويرسلوها على دفعات كل دفعة تقريبا 150 طلب وقام الكثير من المعلمين بالفعل وأرسلوا طلبات الى الادارة لو أى حد عنده استفسار هذا رقم تليفونى 01069933600 |
اقتباس:
وإن شاء الله موظفة التسويات (شديدة الأدب والاحترام) لن ترفض طلبك . |
| جميع الأوقات بتوقيت GMT +2. الساعة الآن 08:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.