|
مما قرأت اليوم ( متجدد )...
http://www.ef7am.com/Files/GN/Tagweed/both_2.gif منورين يا شباب ... النهارده بئه معانا فكرة جديدة قمة في الإبداع من صاحب وفي ليّ ... أكرمه وأكرمكم الله :) طبعاً إحنا عارفين أول شئ أمرنا الله به ايه ؟ لا حول ولا قوة إلا بالله نسيت ؟:d http://4.bp.blogspot.com/-BrJObc--FT...8%B1%D8%A3.jpg كانت أول كلمة هي إقرأ إنت عارف لما ربنا يبعت سيدنا جبريل برسالة إلى خير البشر محمد صلّ الله عليه وسلم ليخرج الناس من الظلمات إلى النور ... والبداية هي http://t3.gstatic.com/images?q=tbn:A...qzeg80F8krly8g لماذا لم يقل الله .. إسمع ؟ إكتب ؟ ألـّف ؟ سبحانه وتعالى جعل رسالة الأمة في كلمة بليغة هي إقرأ ولا نقرأ أي شئ هكذا بل http://i712.photobucket.com/albums/w...iqra-bisme.jpg أخوتي ... بالقراءة كنا أول العالمين وعندما تركنا القراءة أصبحنا أخر العالمين أما أن لنا أن نعود لرشدنا ؟ لتعد أنت أولاً وسيتبعك الباقي .... " أنت الجماعة ولو كنت وحدك " دي كانت المقدمة :d الفكرة بئه بسيطة خالص .. كل ما تقرأ موضوع في أي مجال " علوم رياضيات رياضة تنمية بشرية ثقافة بناء الحضارة قصص روايات تاريخ ....) " هتكتب زي ما تحب هنا اللي انت فهمته من القراءة بحيث انك تفيد اصحابك ونتناقش فيه ونعلم بعض أسس الحوار السليم والمناقشة و الدفع إلى العمل بأمر الله تعالى http://www.ksu.edu.sa/sites/KSUArabi...8%B1%D8%A3.jpg والموضوع مفتوووووووح للجمييييييييييييع كبير كان أو صغير ،،، يلا منتظرين ابداعاتكم ... مين هيبدأ ؟ :022yb4: |
أنا معاكم إن شاء الله
|
ينفع سياسة:d |
اقتباس:
عشان نفهم نفسينا ومجتمعنا ايه رايكم ؟ |
يا جماعة انتوا فاهمين غلط ؟
أي حد قرأ حاجه يكتب ملخص بسيط ليها في سطور بس مش أكتر يلا انطلقوا |
النهارده قرأت عن الفرق بين عقل الرجل والمرأة وقدرت أفهم منه كتير جداً فروق بين عقل الرجل وعقل المرأة: ==================== - (العقل): يزيد عدد الخلايا في عقل الرجل عن تلك في عقل المرأة بحوالي 4 % في حين تزداد شبكات الاتصال في عقل المرأة أكثر من الرجل وهذا يؤدى إلى أن يكون عقل المرأة كشبكة الانترنت كل المواضيع متصلة ببعضها وهذا بدورة يؤدى إلى أن المرأة تستطيع أن تقوم بأكثر من أمر معا وفى آن واحد كالطبخ ومشاهدة التلفاز والتحدث فى الهاتف على عكس الرجل لا يستطيع فعل ذل...ك فعقلله كالصناديق المنفصلة بعضها عن بعض إذا تحدث فى الهاتف يجب أن يتوقف عن الطبخ وهكذا. - (العواطف): اتصال عقل المرأة يجعلها أكثر احتفاظا بالعواطف والكلمات وأدق ملاحظة عن الرجل الذى لا يمثل له الموضوع ما يمثله للمرأة فإذا صدمت المرأة عاطفيا من الممكن أن تدمر حياتها تماما على عكس الرجل إذا صدم عاطفيا يلقى الصدمة فى صندوق الحب ويغلق الصندوق ويذهب ليعمل شئ آخر فلا يتأثر بنفس تأثير المرأة. - (العلوم): المرأة أكثر قدرة على تعلم لغات جديدة والتحدث بطلاقة ولباقة عن الرجل وذاكرتها اللغوية أقوى من الرجل بينما الرجل بارع فى الرياضيات والمنطق والحسابات والعلوم المختلفة وضعيف فى تعلم أى لغة جديدة وحفظ كلماتها وتبين نتائج الاختبارات تفوق الإناث على الذكور فى اختبارات الحفظ واللغات المختلفة على عكس الرياضيات التى يبدو ملحوظا تفوق الذكور على الإناث فيها. |
فكرة جميييلة جداا بس انا مشكلتى انى مبحبش اقرا كتب خااالص ونفسى اقرا بس مش عايز ابدأ بداية غلط تكرهنى فى القراءة
|
اقتباس:
يبقى مش هتبدأ خالص:d:d:d |
اقرأ وإصبر على القراءة فستعشقها ....
|
عرفتوا يا جماعة ليه البنات بتحفظ كويس أكتر من الولاد ؟
|
اقتباس:
أنا قريت مقال مشابه ممكن أكتب ملخصه ؟ |
ملخص المقال :- من الشائع عند معظم الناس إنه هناك فرق في التفكير بين الرجل و المرأة فهل دة صح ؟ هنعرف دلوقتي الأبحاث العلمية أثبتت إن :- - حجم مخ الرجل أكبر و لكن عدد الألياف العصبية في مخ المرأة أكتر - الرجل بيفكر أكتر بالمادة المادية بالمخ و لكن المرأة تفكر أكتر بالمادة البيضاء اللي تعتبر أنشط فدة بيخلي التفكير عند المرأة أسرع و في اختبار أجراه العلماء لقوا إن نسبة الذكاء تقريباً متساوية يعني النتائج كانت متقاربة جداً و لكن أثناء الإجابات نفسها وجدوا إن المرأة بتستخدم مساحة أكبر من المخ لكن الرجل بيستخدم مساحة أقل . و حتى في اختبارات الـiq نسب الذكاء لقوها مش بتختلف بين الرجل و المرأة لكن دة شيء نسبي من فرد لفرد بغض النظر عن النوع . ______________________________________ لكن الطبيعة اللي اتخلق كل فرد بيها ما تمنعش إنه يقدر يغير تفكيره أو ينميه لإن المسئول أكتر عن قدرات الإنسان هو عقله و العقل بيتعامل أكتر مع الأفكار المقتنع بيها و دة بيطغى على طبيعته البشرية و العقل الباطن قدراته غير محدودة فلو اقتنع بفكرة معينة اقتناع تام هيصدر منه كل الأفعال و الأفكار اللي تثبت الفكرة دي يعني أكيد مفيش حاجات في التفكير مقتصرة على المرأة و حاجات تانية على الرجل طيب ليه الأغلبية فعلاً بنلاقيها كدة ؟ يعني بنلاقي المرأة مشغولة بالتفكير في حاجات معينة و الرجل في حاجات تانية زي ما ناس كتير بتقول الرجل بيكون أفضل في الرياضيات لكن المرأة في اللغة دة بيكون السبب الرئيسي فيه هو ( الــــبـــيـــــئـــة ) _____________________________________ إزاي البيئة بتغير طريقة التفكير بين الرجل و المرأة ؟؟ طبعاً إحنا ملاحظين إنه ناس كتير بتقعد تقول الاولاد شاطرة جداً في الفيزياء و الرياضيات و مواد التفكير المنطقي لكن البنات أشطر في اللغات و أي حاجة عايزة حفظ هو فعلاً الموضوع دة ملاحظ في معظم الطلبة بس المفروض نسأل إيه السبب في دة ؟ - التربية في الأسرة من الأساس بتكون من ضمن الأسباب بمعنى إن مثلاً لو عندهم طفلة صغيرة بيكون كل تفكيرهم –في الغالب- لما يجيبولها لعبة مثلاً بيجيبولها عروسة أو دبدوب أو أي حاجة هي أصلاً مش بتستفيد بيها لكن دة ممكن في نفس الوقت ينمي عندها التفكير الاجتماعي و العواطف لكن لو عندهم طفل ولد بنلاحظ إنهم بيشجعوه على التفكير أكتر يعني ممكن يجيبوله حتى عربية و بما إنها قابلة للفك و التركيب فدة بينمي عنده التفكير المنطقي و الابتكار لإن الطفل مهما كان ولد أو بنت فهو بطبعه فضولي فالأسرة بتشجع الأولاد أكتر من البنات في الموضوع دة و طبعاً فيه حكمة مشهورة بتقول " التعليم في الصغر كالنقش على الحجر . " ففعلاً الأطفال في السن دة بيتشكل تفكيرهم - تاني حاجة برضو في طريقة التربية بنلاقي الأسرة بتشجع ابنها على ممارسة الرياضة حتى لو كرة القدم لكن مش بتهتم أوي بالموضوع دة مع البنت – غالباً و ليس كل الأسر – فأكيد طبعاً الرياضة ليها دور أساسي في تنمية العقل فدة برضو بيأثر - تالت حاجة ممكن تكون موجودة في أماكن التدريس زي المدرسة و الدروس بنلاقي غالباً مدرسين و طلاب كتير عندهم فكرة إن الأولاد أذكى من البنات كإنها حقيقة علمية و كتير بيقولوا كدة و أكيد كتير مننا سمعوا الموضوع دة فطبيعي دة بيكون تأثيره محبط شوية - العلماء علشان يثبتوا خطأ الفكرة دي أجروا اختبار بين بنات و أولاد – مترسخ في تفكيرهم موضوع إن الأولاد أذكى – فالبنات نسبتهم قلت جداً - عملوا اختبار تاني لبنات تانية بس قالولهم إن الاختبار دة هيحدد مين أذكى البنات و لا الأولاد فالبنات في الاختبار دة نسبها ارتفعت جداً عن أي اختبار تاني - جربوا حاجة تانية و جابوا طلاب أذكياء و قالولهم إنهم هيعملوا اختبار بينهم و بين طلاب نسبة الـiq عندهم أعلى – بس الموضوع دة مكانش صح – ففشل الطلاب اللي هما أصلاً أذكى فمن دة نستنتج إن الأفكار ليها دور كبير في طريقة التفكير ... فالإنسان اللي أصلاً عايز يتميز في مجال معين مهما كان تفكيره فهو يقدر يتميز و دة بالقراءة و التفكير و العمل الجاد و مجرد إن الإنسان يحاول يستخدم عقله أكتر هيلاقي نتائج غير متوقعة فعلاً . ________________________________________ >>>> هو دة مش من مقال واحد بس لكن من كذا مقال كنت قريتهم و لخصتهم . و بعتذر إني كتبت كتير بس مقدرتش ألخص أكتر من كدة لإن المقالات طويلة جداً ... |
انا قرأت بالامس (اليوم لسه :d ) عن المتتابعات و المتسلسلات
هقول ملخص ببسيط المتتابعة هي مجموعة من العناصر تربطها قانون عام واحد مثلاً 1، 2 ، 3، 4،.....،ن دي متتابعة حسابية مثلاً : 1، 2، 4، 8 ، 16 ،..... متتابعة هندسية زي ما درسنا في تانية ثانوي مجموع المتتابعة الحسابية 0.5ن (أ+ل) حيث ان أ هو الحد الاول ، ل هي الحد الاخير مجموع المتتابعة الهندسية = أ(ر^ن -1)/(ر-1) حيث أ هو الحد الاول ، ر هو الاساس اللي بيضرب في المتتابعة كل مرة المتسلسلة هي مجموع عدة عناصر يربطهم قانون واحد مثلاً 1 + 2+ 3+4+....+ن يعني كأنها مجموع متتابعة بالضبط دراسة تقارب و تباعد المتتابعة دي كانت جديدة عني ببساطة دراسة التقارب و التباعد هدفها اني اعرف هل المتتابعة دي كل ما بتقدم في الحدود بتصغر ولا بتفضل تكبر تصاعدياً يعني مثلاً 1 + 0.5 + 0.25+ 0.125 + .....+ن المتسلسلة دي متسلسلة تقاربية ، لنها تقريباً حدودها بتفضل تصغر لغاية ما توصل لحد معين لو جمعتها لعدد لا نهائي من المرات لو جبت مجموعها كمتتابعة هندسية الي ما لا نهاية هتساوي 2 نستنتج ان المتسلسلة التقاربية لازم الاساس فيها يكون |ر|<1 اما المتسلسلة التباعدية هي زي المتسلسلة دي 1+2+4+8+16......+ن دي بتتزايد جداً حتي ان مجموعها الي عدد لا نهائي من الحدود = مالا نهاية برضه المتتابعة الحسابية مجموعها الي عدد لا نهائي من الحدود بيساوي مالا نهاية او سالب ما لا نهاية يعني |ر|>1 في متتابعة تذبذبية يعني ر=-1 بس دي متذبذبة تذبذب منتظم و في متتابعة تتذبذب تذبذب غير منتظم ر<-1 ده ملخص لما قرأت :) |
اقتباس:
بس بردو البنات فالحة ف الرياضة والعلوم وكل حاجة انت بتقول الاولاد اكتر من البنات فيها احنا ف مدرستنا مفيش غير البنات اللي بتقفل ف الرياضة يعني طلعنا اشطر منكو ف كل حاجة :bosyht9::bosyht9::bosyht9::bosyht9: |
http://files2.fatakat.com/2012/6/13392779011383.gif ما الحكمة في أن الله جعل الماء الذي نشربه عذبا أي ليس له لون ولا طعم ولا رائحة ؟ فلو كان للماء لون : لتشكلت كل ألوان الكائنات الحية بلون الماء الذي يشكل معظم مكونات الأحياء "وجعلنا من الماء كل شئ حي أفلا يؤمنون" . لو كان للماء طعم : لأصبحت كل المأكولات من الخضار والفواكه بطعم واحد وهو طعم الماء !! فكيف يستساغ أكلها ؟؟ "يسقى بماء واحد ونفضل بعضها على بعض في الأكل إن في ذلك لآيات لقوم يتفكرون". ولو كان للماء رائحة : لأصبحت كل المأكولات برائحة واحدة فكيف يستساغ أكلها بعد ذلك؟! .
شكرا جزيلا على الفكره الرائعه يا بشمهندس :078111rg3: |
| جميع الأوقات بتوقيت GMT +2. الساعة الآن 02:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.