وعليكم السلام ورحمة الله وبركاته
اولا طبعا مبروك
ثانيا بص بقى انت دلوقتى امامك طريقان والاتنين بأختيارك وحسب امكانياتك

الاول هو انك تدخل جامعة خاصة مش تبع التنسيق يعنى ممكن من الصبح تاخد ملفك وتروح تقدم بس دى تكاليفها عالية قوى لانى الحد الادنى للقبول بيبقى منخفض يعنى مثلا جامعة mti فيها الهندسة ب 24 الف فى السنة والحاسبات والمعلومات ب18 الف فى السنة وعلى فكرة التقديم مفتوح والارقام دية عن سؤال لانى انا محتار حيرتك وعلى فكرة انا وانت مرحلة تالتة لانى المرحلة التانية فاتتنى على حاجة بسيطة ما علينا يعنى لو امكانياتك تسمحلك يبقى تدخل اى جامعة خاصة ولو عايز معلومات اكتر عن الجامعات اللى مش تبع التنسيق قولى وهجيبلك كل حاجة عنها لانى انا روحت ودخت وطلع عينى وسألت يعنى مش كلام نت وخلاص


التانى : هو انك تستنى تنسيق المرحلة الثالثة وممكن جدا ربنا يوفقك وتنزلك حاسبات ومعلومات خاصة قسم علوم حاسب والفلوس هتبقى قليلة كتير يعنى مثلا مودرن اكاديمى ب9046 والعاشر من رمضان6481 .....

انا جايب 78% وان شاء الله ناوى على حاسبات ومعلومات قسم علوم حاسب مودرن اكاديمى او العاشر او طيبة او........

لو عندك استفسار عن اى جامعة اومعهد او اكاديمية قول لانى زى ماقولتلك روحت تقريبا لكل واحدة واستفسرت وعرفت

اسف على الاطالة ويارب اكون قدرت افيدك
وربنا يوفقك ويوفقنى يارب

من راى اكاديمية المستقبل جميلة واحلى مافيها انها متخصصة فى مجالها فهى فعلا اكاديمية تكنولوجية
والاقسام الموجودة فىها كلها مرتبطة ببعض تقريبا ومعتمدة ومشتركة فى برامج جيدة بس للأسف مفيهاش القسم اللى انا عايزه بس هكتبها كرغبة فى التنسيق لانى هكتب علوم حاسبات قبل نظم معلومات


انت فيها نظم معلومات ولا دراسات فندقية وسياحية؟؟؟؟

مفيش تعب ولا حاجة بس انا هقولك معلومات عن الجامعات الخاصة بس حكاية لسه فتحه او لا اللى انا متأكد منه هتلقيهم لسه فاتحين التقديم فاروس وmti لانى لسه سألهم قريب جدا انما الباقى هزودك بارقامهم وحضرتك تتأكد وعلى فكرة ان شاء الله كلهم فاتحين لانى هندسة بس هى اللى غلقت فى بعض الجامعات

ودول كلهم اقسام مختلفة لحاسبات ومعلومات فى الجامعت الخاصة

الجامعة الحديثة للتكنولوجيا والمعلومات MTI Modern University in Egypt
كليه علوم الكمبيوتر 18الف جنيه
27272118 - 27272119 - 27272145 - 27272146 - 27272147 -(002) 02

جامعة مصر الدولية Misr International University
الحاسب الآلى 22 ألف جنيه
Faculty of Computer Science:
Ext: 408
E-Mail: computer.science*miuegypt.edu.eg


جامعة مصر للعلوم والتكنولوجيا Misr University for Science & Technology
وتكنولوجيا المعلومات والتكنولوجيا الحيوية 10 آلاف جنيه واتأكد من المبلغ ده لانى مش متأكد 100%
02-38354686
20-38354692

جامعة الأهرام الكندية AHRAM CANADIAN UNIVERSITY , ACU
علوم الحاسب 16 ألفا و500 جنيه
3833 3078 -02
19228

جامعة cic الكندية Canadian International College , CIC
تكنولوجيا المعلومات 9 آلاف جنيه
02-26132060


جامعة المستقبل Future University in Egypt
الحاسبات والتكنولوجيا 18 ألف جنيه

وبالتوفيق ان شاء الله وانا موجود لو عايز اى معلومات تانية وعلى فكرة انت ممكن ينزلك حاسبات ومعلومات تبع التنسيق ربنا يوفقك يارب ويوفقنى