سؤال بسيط عن سنوات دراسة الطب
 

بسم الله الرحمن الرحيم
أنا كنت عايز أسأل سؤال عن سنوات دراسة الطب الفعلية قصدي من أول ما تدخل كلية لحد ا تقدر تزاول المهنة

دلوقتي انت هتدرس 6 سنوات وسنة امتياز وبعد كدا 4 سنين للتخصص وحط عليهم 3 سنين تجنيد
يعني المجموع الكلي 14 سنة من أول ما بدأت دراسة في الكلية لحد ما تبدأ تشتغل وتزاول المهنة

هل حساباتي صحيحة ؟
ولا هل فيها نقص او معلومة خاطئة ؟
وشكراً

3 سنين جيش لو عايز تبقى ظابط احتياط
سنه لو عسكرى عادى او ظابط متخصص

يعني موضوع الجيش اختياري ؟!

أكيد :022yb4::022yb4:

طب مش كتيرة الواحد يقعد يدرس 12 سنة كاملة
من غير حتى عائد مادي الا بعد ما يبدأ يزاول المهنة ؟

صاحبى ادخل هنا http://www.facebook.com/moaz.abdalrazek

كلية الطب كلية مرموقة و ليها مكانة كبيرة
بس المشكلة عدد سنوات الدراسة فيها
لانها محتاجة صبر و تفوق طول السنين
و حساباتك صحيحة و عليهم كمان السنوات اللي هتاخد فيها الماجيستير و الدكتوراه لو ناوي بعد كده :o
انا الصراحة لسه هدخل تالتة ثانوي
ادعولي بقى الحق صيدلة:d

ممممممم
بصراحة سنوات الطب البشري المديدة والكثيرة
تجعل الواحد يعيد التفكير مرة بعد مرة في الموضوع
بس تفكر في صيدلة يقولك هتطلع بقال
تفكر في اسنان يقولك مليانين البلد
ربنا يكتب اللي فيه الخير

عبدالله مع احترامى لكل الكليات الطبية فعلاج طبيعى طب المستقبل بجد وشغلها نار ودكتور طبعا ومن اول يوم من اصغر لاكبر واحد فى الكلية هيقولك يا دكتور كلية رائعة بجد

للأسف مفيش منها غير في القاهرة
يعني غير مناسبة لمعظم أهل مصر

لية غير مناسبة انت ولد يعنى تقدر تاجر شقة او المدينة الجامعية وتعد فيها يعنى مش ازمة

انا محتار بين الطب والفنيه العسكريه الصراحه

لا متحتارش ادخل طب وابقى اشتغل ظابط دكتور يا سيدى

هي السنة الأولي في كلية طب بيسموها إعدادي طب أم أولى طب؟
و يعنى إيه سنة امتياز ؟

لا بتبقى اولى طب وسنة الامتياز دى سنة تتدريبية يعنى مش دراسة يعنى بتروح المستشفى وبتعالج ناس عادى بس طبعا بيبقى تحت اشراف يعنى علشان يبقى عندك خبرة وتكون عندك ممارسة بلتوفيق