|
هل احنا هنروح المدرسه كل يوم صحيح والمستوى اتلغى ولا ايه مع العلم انا داخله 3 ثانوى
مين عارف يا جماعه هنروح المدرسه كل يوم ولا ايه
وهل صحيح المستوى اتلغى ولا موجود على الى رايحين 3 ثانوى جاوبونى |
ممكن نروح شهر بعدها نقعد فى البيت
محدش بيروح دة بيختلف من مدرسة لتانية هههه مين قال ان المستوى اتلغى؟ دة ممكن للنظام الجديد |
لا احنا آخر دفعه في النظام ده فالمستوى موجود عادى
لو هيتلغى هيكون للي بعدينا |
لا احنا عندنا مستوي وكل حاجة وحكاية اننا نروح المدرسة ما افتكرش لاننا اخر سنة وهيكونوا مهتمين اوي بتانية واولي ثانوي وبس لكن الله اعلم واعلي وانشاء الله خير يا سارة
|
لا انتوا هتبقى عادى زى قبل كدا يعنى زيطة بردو
انما الدفعة اللى بعدكوا اللى هيا احنا هو اللى هيطبق عليها الكلام دا |
اقتباس:
على فكرة المستوى موجود او مش موجود مش هتفرق لان لو انتي مثلا المستوى هيزودك برضو الناس هتزيد ولو مش موجود هيبقى برضو الناس مش هتزيد يعني المعادلة متساوية |
اقتباس:
لأن المدرسة عندنا ف ثانوية عامة هيبقى فى عشر درجات على السلوك وحضور المدرسة بدل المستورى |
اقتباس:
ايه الملل ده ههههههههه انا مش بحبط ولا حاجة والله انا بهزر بس مصر كلها هتبقى كده كمان دي خطوة كويسة عشان الناس تبدأ تبعد عن الدروس شوية بشوية عشان هى اللي فسدت التعليم |
اقتباس:
لا مش خطوة كويسة ولا حاجة والدروس هتفضل زى ما هيا اذا كان انا بروح ف تانية اهو 7 دروس وأصلا لو لازم يحصل تغيير يبقى لازم المنظومة كلها تتغير المشكلة مش ف الدروس ولا أى حاجة م الكلام دا خااالص |
مهو يا جماعه انا خايفه لنروح المدرسه ده غير الدروس الى بنروحها ومش هنلحق نذاكر حاجه دفى اولى ثانوى طبعا بنروح كل يوم وكنا بنروح الدروس كنا بنرجع ميتين ومبنذكرش حاجه والله
|
اقتباس:
لا طبعا دى اكيد نكته ده ف المشمش يا ساره احنا اخر دفعه نظام قديم يعنى احنا مش فى الدماغ صحيح هنتنفخ فى الامتحانات لكن فى الدراسه هيهتموا باولى و تانيه لان مناهجهم جديده و موال ازرق و احتمال ياخدو فصولنا بالمره :d انما حكايه هنروح لا مش هنروح متخافيش و سيبيها على الله و ربنـا يوفق الجميع |
نروح مدااارس !!!!!!:mad:
بعد الشر طبعا :p بصي معتقدشي هيشدوا علينا في حكاية الحضور و الغياب و الكلام ده بس هيهتموا ببتوع النظام الجديد و الله اعلم الوزير الجديد هيعمل ايه :( اما المستوى متلغاش علينا لاننا اخر دفعة في النظام القديم و الله اعلم برضوا:( |
والله الواحدمبقاش عارف حاجه يا جماعه ايه الصح وايه الى مش صح شويه يقولو هنروح وشويه يقولو لا واحنا تايهين فى النص هوانا عايزه ايه عايزه اننا منروحش طبعا
|
اقتباس:
اذا كان السنه اللى فاتت ما روحتش ولا يوم والمستوى علينا عادى علشان احنا اخر دفعه فى النظام القديم |
اعتقد هنروح فترة وبعد كدة خلاص بس موضوع المستوى احنا فى درس الاحياء المستر قال احتمال يتلغى بس انا شايفة اننا دفعنا تمنه يعنى احنا مدينين الحكومة
|
| جميع الأوقات بتوقيت GMT +2. الساعة الآن 08:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.