بوابة الثانوية العامة المصرية - ||<مـــــا تتــكلمـــيـــش كتـــــــير >||

بسم الله الرحمن الرحيم
السلام عليكم ورحمة الله وبركاته

أتمنى أن تكونوا بخير يا بنات .. وكل عام أنتم بخير ..
ندخل في الموضوع ^^

وأنا أي حاجة بكتبها هنا .. بتبقى نصيحة .. ما احنا هنا أخوات ولا زم ننصح بعض
مش كده ولا إيه .. ؟ فـ ما تاخديش كلامي على إنه حاجة تانية .. ماشي ؟؟

\
/
\
/

||< مــــــــا تتكلمـــيــــــش كتـــــــير >||

أيوه .. ما تتكلميش كتير .. دي رسالة عايزة أوجهالك ويا رب تفهميها كويس
هنا على المنتدى .. مش لازم كل موضوع تدخليه
تكتبي فيه قصة حياتك D: .. عجبك الموضوع .. قولي جزاكم الله خيراً

إلا لو كان الموضوع فيه نقاش لحاجة مهمة مثلاً
فنقاشيها .. وكلامك يبقى في صلب الموضوع ..
وتخلي لكلامك نهاية .. عشان محدش يعلق عليكي .. وتفتحي حورات وكلام ..

وكمان كلامك يبقى غير موجه لحد معين .. خصوصاً لو كان ولد
الأفضل إنه يكون بصيغة العموم .. مثلاً " بارك الله فيكم " ، " جزاكم الله خيراً " وهكذا ..

طيب أنا ليه بقولك الكلام ده .. ؟

عشان كل كلمة بنقولها في أي مكان هنحاسب عليها أمام الله

عَنْ مُعَاذِ بْنِ جَبَلٍ رَضِيَ اللَّهُ عَنْهُ ، قَالَ : قُلْتُ : يَا رَسُولَ اللَّهِ ، أَنُؤَاخَذُ بِمَا نَقُولُ ؟ قَالَ :
" ثَكِلَتْكَ أُمُّكَ يَا ابْنَ جَبَلٍ ، وَهَلْ يَكُبُّ النَّاسَ فِي النَّارِ عَلَى مَنَاخِرِهِمْ إِلا حَصَائِدُ أَلْسِنَتِهِمْ ؟ " ، قَالَ حَبِيبٌ فِي هَذَا الْحَدِيثِ : وَهَلْ تَقُولُ شَيْئًا إِلا لَكَ أَوْ عَلَيْكَ ؟

ما تقوليش .. ده على النت .. وهو حقيقة .. ؟
أيوه حبيبتي أي كلمة إنتي كتبتيها هتتحاسبي عليها ..
واعتبري نفسك دايماً على النت كأنك بتكلمي حد في الواقع

يعني مثلاً جيتي في موضوع وكان اللي عامله واحد ‘ ولد ‘
تخيلي كنتي هتتكلمي معاه مثلاً في الشارع إزاي .. يا ترى كنتي هتكلميه بنفس الطريقة بتاعت النت ؟
ما اعتقدش إلا ما رحم ربي ..

طبعاً أغلبية الكلام على النت .. وممكن يطلع عفوياً من البنات فيه رقة شوية
أو دلع أو كلام من ده .. ده لأن ماحدش شايفها وكمان هي مش بتعمل كده في الواقع
فبيحصل على النت .. وده غلط يا أختي .. كلامك على النت هو كلامك على الواقع .

وعشان كده عايزة أقولك على عدة نصائح لما تدخلي الموضوعات هنا على المنتدى :

)( تدخلي موضوع مثلاً فيه نقاش زي ما قولتلك .. قولي اللي انتي عايزاه
واقفلي الموضوع على طول .. واشكري اللي عامله .

)( دخلتي موضوع مثلاً هنا مع البنات كده .. هنا بقى هتقولي أنا مع أخواتي البنات ^^
طبعاً وكل حاجة .. بس بردو ماتنسيش إن الموضوع ده في رجال وشباب بيشوفوه
فاحذري التفريط في الكلام .. الزيادة في الكلام .. وكمان الدلع الزايد بين البنات .. وإنك تقولي اسمالدلع أو كده .. ده كله ما ينفعش .

)( موضوع التهنئة بقى .. تصدقي دي حاجة دقيقة جداً .. أغلبيتنا لا ينتبه لها ... ويأخذها بحسن نية ..
لكن غفر الله لمن لا يعلم ..

قبل أن تكتب الفتيات في المنتديات فتاوى مهمة ( من موقع قافلة الداعيات )

س/ ما حكم تهنئة المرأة لرجل لتسجيله كعضو جديد بالمنتدى أو بزواجه أو بمولود له ؟

إجابة :

فضيلة الشيخ الدكتور خالد بن عثمان السبت , رئيس قسم الدراسات القرآنية بكلية المعلمين و أمام جامع الدعوة بالدمام ,

كما ذكرنا أن المرأة عورة وأنها محل لنظرالرجل وأن قلبه يميل إليها فإذا حصل منها مثل
هذا الترحيب
فهذا خروج عن حدود الأدب اللائق وإن من شأن ذلك أن يطمع هؤلاء الرجال بها وأن ترخصها بهذه الطريقة يجرئها
ولن يقف الأمر عند هذا الحد حيث تكتب وهي لا تعرف . بل أن الجريئة من النساء سترحب بمن يعرفها وتعرفه
و لربما تتواصل معه بالكتابات وتكتب مالا يصلح إلا لزوجها أو لمحارمها
فإن الحياء يمنع المرأة من أن ترحب برجل ولو كانت لا تعرف .

ومثل هذه الكتابات تقوم مقام العبارات والإنسان إذا عرف أنه يحمل رمزاً عرفت هذه
المرأة فإنه تعرف شخصيتها وان لم تعرف بذاتها .
فإذا كانت المرأة تقول أنها تدعو إلى الله وأنها تلتزم بشرع الله عز وجل وتعاليم الإسلام فكيف تكون مجترئة على الترحيب
بالرجال بحجة أنهم أعضاء جدد فأين الحياء الذي توصف به المرأة وقد جعله الله عز
وجل سمة تميزها فهاهي صارت تجترئ هذا الاجتراء .

ها ..؟ الأمر وضح قدامك ولا لسه .. يا بنات .. الأصل فينا العفاف

فبلاش نبقى لأي حد حتى ولو بالكلام .

)( أفرض بقى كان موضوع عام .. مثلاً يعني كان موضوع عن الدراسة أو المجموعات اللي بنشوفها

طلاب سنة كذا أو كذا وتجميع ليهم .. ويقعدوا يتناقشوا في أمور الدراسة بتاعت السنة اللي هما داخلينها

هتاخد نفس الأحكام بتاعت المواضيع اللي فوق بظبط ..
وهتزيد فيها بقى إنك بلاش تبقي ثرثارة ...

مش أي حاجة تعلقي عليها ومش وأي حد تقعدي تتكلمي معاه ..
شوفي اللي انتي عايزاه وخلاص واشكري اللي عمل الموضوع .. كدا خلصتي اللي عليكي .

واحفظي نفسك أختي في الله ما تستهتريش بأي كلمة تخرج منك وتكتبيها

أنا أعرف ناس .. أما يتكلموا مع حد
بيفكروا الأول في الكلام يشوفوا ده هيقربهم من ربنا ولا هيباعدهم عنه ؟
الكلمة دي هتتكتب في ميزان حسناتهم ولا العكس نعوذ بالله ؟
فعلاً وهو ده المفروض يبقى حالنا

حتى في الكلام المباح اللي لا حسنات ولا سيئات عليه ..نفكر إزاي ناخد حسنات عليه
ونخلي كل حياتنا طاعة وعبادة لربنا

واحنا مخلوقين لإيه غير كده .. قال الله تعالى : { وَمَا خَلَقْتُ الْجِنَّ والْإِنسَ إِلَّا لِيعْبُدُونِ } الذاريات : 56

فأي حاجة في حياتك استغلي إنك تحوليها بالنية لطاعة وعبادة لربنا

كمان يعني عايزة أنبه لحاجة .. كنت نبهت عليها في الموضوع ده قبل كده

سيبك من الشبهات ... وقولي ما بقبلش صداقة أولاد ‏

وهي تكرار حرف الهاء ( ههه ) للتعبير عن الضحك أو كذا
والله بحس إن ليها صوت ^^ فعلاً شكلها مش حلو خالص
خصوصاً لما تخرج من بنت ..

فين حيائك يا أختي؟

فين علمك إنك في مكان مختلط ؟

فين مراقبة ربنا سبحانه وتعالى ليكي ؟

سبحان الله حتى لما شوفي واحدة كده .. لا تخرج الكلمة إلا بحساب
بتاخد في نفسك كده شموخ .. وتحترميها .. وتخافي تكلميها
فـ المرء مخبوء تحت لسانه

وتذكري وفكري جداً في الكلمة دي إنك هتحاسبي قدام ربنا .. قولتي الكلمة دي ليه؟

وكان فايدتها إيه ؟

وكان السكوت أحسن في الموضع ده .. ليه ماستكيش ؟

طيب أخيراً بقى عشان عارفة إني طولت عليكي

عايزاكي تراجعي الفتاوى دي < مهمة جداً >

ما حكم تهنئة المرأة لرجل لتسجيله كعضو جديد بالمنتدى أو بزواجه أو بمولود له ؟

ما حكم استخدام الرموز التعبيرية ؟

ما حكم المزاح بين الرجل والمرأة من جهة أو المرأة والمرأة في وجود رجال ؟

هناك كُتاب لهم تعمق في مجال الأدب والنثر رجلاً كان أم امرأة ونجد عبارات تشجيعيه بين الجــنــسيــين ؟

ونهاية أختي في الله .. أسأل الله لكِ ولي ولجميع بنات المسلمين

الهدى والصواب والعفاف .

والسلام عليكم ورحمة الله وبركاته

.................................................. ........................................ أختك / تسبيحــات http://www.vb.eqla3.com/images/smilies/rose.gif