اخواني واحبائي اعضاء الامنتدي الكرام ومشرفيه الاجلاء
 

الحمد لله وصلت السعودية يوم الجمعة بعد رحلة شاقة طالت ثلاث ايام كاملة ولكن بفضل الله زالتعب وباشرت عملي بمدرسة جيل الريادة الثانوية يوم السبت والحمد لله تعرفت ع اخوة اعزاء افاضل ونعم الخلق قاموا بالترحيب بي وسعدت بهم كثيرا ومعي اخ فاضل مدرس رياضيات ونعم الرجال اقسم بالله يعاملني وكاني اخ له وكانه يعرفني من فترة طويلة وهو بالفعل محبوب من جميع الزملاء وسوف يشرف علي ف تدريس مادة الرياضيات المهم علشان مطولش عليكم وحشتوني مووووووووووووووووووووووووووووت وسوف نتواصل باذن الله دائما واشكر كل من دعي لي وكل من ودعني ع هذا المنتدي

حمدا لله على سلامه الوصول ووفقك الله لما يحب ويرضى

ربنا يوفقك

اية رأيك تستاهل انة الوحيد يسافر يا عماد ان عايز اسافر ولكننى متردد بيقولولى عائد قليل اية رأيك ارجو الرد

الحمد الله على سلامتك يا اخى الفاضل وبالتوفيق دوما باذن الله

وصولا و نزلا مباركا لأرض الحرمين الشرفين
دع عملك يثبت مصريتك ، و دع فكرك و جهدك يثبت أهليتك لما أسندت له
وفقك الله ، و أعزك ، و خفف عنك مشقة الغربة التي لن تشعر بها بإذن الله طالما تواجدت معنا بالقسم

حمدا لله على سلامه الوصول ووفقك الله لما يحب ويرضى وان تعود لكل احبابك بكل الخير والصحة

حمد الله على سلامتك وخلى بالك من نفسك واوعى تنسانا عايزين معلومات كثيرة من حيث المرتبات لان انا اتعرض عليا مدرس 2300 ريال ايه رايك بس بمكان يبعد عن الرياض 500كم اخوك ياسر مدرس رياضيات وربنا يوفقك

ربنا يوفقك

ربنا يوفق حضرتك دائما وأبدا

وأتمنى أن يكون هذا الزميل الفاضل
خير عوض لحضرتك عن الاستاذ ابراهيم عويضة !

الاخ الفاضل اللي بيسال عن السفر والمعيشة بص اخي انت طبيعي بتسكن سكن عزاب ماشي 200 يال يا اخي ياكلوك ويخلوك باشا لانك بتشترك مع زملائك ف الغرفة اللي انت بتسكن فيها ع حسب ممكن تكونا 3 او اربعة يعني الاجمالي بيكون 600 ريال او 800 ريال دا لو كنتم 3 او اربعة حتي لو لودك يعني هتوفرلك 2000ريال من بدري وكمان ربنا يكرمك بمتابعة طالب او اتنين والمتابعة ف السعودية معروفة وماشية اوي يعني باذن الله هتوفر دي حاجه كمان ممكن تعمل عمرة ف اي وقت مش هتكلفك اكتر من 70 ريال ولو هتحج مصاريف الحج واكلك مش هتعدي 1000 ريال باذن الله يعني توكل ع الله وسافر

ربنا يوفقك يا عماد باذن الله انت تستاهل الخير كله

بس يعنى كان لازم السفر برى يا عمده يا بخيل

مرمطه جدااااااااااااا البرى

المهم الحمد لله انك بخير ومبسوط

مش بخل يا مستر بس دوامنا ف المدرسة يوم السبت اللي فات ولما رحنا نحجز طيران كان ع 2600 جنيه وكمان انت عارف اول مره الواحد بيروح وياخد معاه حاجات اكل وانت عارف بقي

انا بهزر معاك

انا برضه بفكر اروح برى بس اما تاشيرتى تيجى باذن الله اصلها جملى

كدة طمنتنى هتكل على الة واسافر بس عايز شركة محترمة اطلع من خلالها ارجو منك مساعدتى ويا عالم يمكن نتقابل هناك