حد يساعدنيييييييييييييي بسرعه
 

تجيب امتياز او جيد

ممكن تفسر بعد اذنك؟؟؟؟؟

السلام عليكم بق أنا زيك بالظبط عاملت موضوع علشان استفهم باردو وولد اداني الرابط http://www.helwan.edu.eg/science/fil...ge=197&lang=ar و

يعنى القسم دة فى علوم صعب يدخل باى تقدير لازم جيد جدا او امتياز و ينفع ليك بس لازم تجتهد فية شوية انا مش علوم بس اصحابى بيقولولى بلتوفيق

نظام الدراسة من اول السنة بتختار مجموعة من اتنين سواء علوم ارض او علوم فيزيائية وبعدين حكاية المواد الاجبارية ديه فى القاهرة وبس عشان مطبقة نظام الساعات المعتمده انما حلوان مش مطبقاه فبالتالى هما اللى بيحددوا المواد وده احسن عشان تعرف تتخص فى اى قسم انت عاوزه عشان فى القاهرة فى حاجة اسمها مواد اختيارية زى جبر واحصاء فى العلوم الفيزيائية والجيوفيزيا والجيولوجيا فى العلوم الارض انما فى حلوان المواد هما الللى بيحددوها مش انت بتحددها وتنجح فيها وتجيب تقدير عشان تخش القسم اللى انت عاوزه فاعتقد ان حلوان احسن من ناحية التخصص من القاهرة عشان مفيش شروط ... ومش شرط انك تجيب تقدير زى القاهرة ولو عايز تخش قسم الجيوفيزيا تخش علوم ارض وتخصص فى تانية جيوفيزيا بس من ناحية هو صعب ولا لأ هو ارحم من العلوم الفيزيائية انا صحابى مسمين قسم علوم الحاسب قسم الكفرة من كتر مهو صعب جدا وقسم الرياضيات بس لو ناوى على العلوم الفيزيائية خش كيمياء احسن فى تانية وابعد عن الفيزياء والرياضيات عشان دول فى علوم حاسب وجامدين اوى اما الجيوفيزيا فهو اسهل منهم... خلاصة الكلام انت مش هتختار مواد انت هتختار القسم بس وهما هيقولوك المواد اللى هتاخدها

اه معلش انا نسيت اقول حاجة حكاية الرغبات ديه بيعملوها عشان لو لقوا ان القسم داخل فى ناس كتير وهو مثلا عايز 100 واحد والمتقدمين 200 يبتدوا يخدوا بموضوع التنسيق الداخلى مثلا زى المجموع وكده بس حلوان مبيحصلش معاها كده عشان المتقدمين بيبقوا قليلين مثلا السنة دى 350 واحد انما عين شمس 700 وشوية عشان كده عين شمس عاملة تنسيق داخلى للى عايز يخش قسم الجيوفيزيا وبعض اقسام هما حاطين شروط مش حلوه مثلا السنة اللى فاتت عشان تخش قسم الجيوفيزيا تجيب 382 فى مجموع الثانوية ايه الغباء ده ما اهو انا لو جايبهم كنت اخش حاسبات احسن ولا ايه

تسلم يا كبير بس لو حتي عملوا تنسيق بفضل الله انا مجموعي اعلي من تنسيق الكليه بثلاث درجات

طب كويس الحمد لله بس غالبا مبيبقاش فيه خالص والف مبروك