|
ممكن تساعدونى بقى عشان انا لحد النهاردة مبنامش
سلام عليكم
ارجوكم ساعدونى لإنى بجد خلاص فقدت الامل فى انى انام يوم وانا مرتاح انا الحمد لله جالى علوم تمام كدا ؟؟ انا بقى بصراحة يعنى مش عاوز اتعب فى الكلية ومش عاوز كلية 6 ايام فى الاسبوع والكلام دا انا ماصدقت خلصت ثانوية والناس بتقول علوم صعبة جداً ايه رايكم احول تربية نوعية ولا تجارة ولا اى حاجة ؟؟؟؟؟؟ |
عيب اللي بتحكي فيه
انت فاضلك كام سنة اساسا وتخلص تعليم ؟ 4او 5 سنين ؟ بعدها تشتغل ويطلع عينك وميبقاش في مذاكرة خالص بس يطلع عينك عشان تشتغل ويطلع عينك تاني وانت بتشتغل وساعتها تقول ياريتني ومش هتنفعك اسمع نصيحة موت في الكام سنة دول واطلع بتقدير عشان تعيش انسان محترم وافتكر ان مفيش حاجة سهلة والسهول لا تدوم اما سهولة وراحة دلوقتي وتتعب بقية حياتك او العكس وانت تختار |
يعنى حضرتك ترشح علوم
تمام انا معاك فى جزء كبير من كلامك لكن كلنا عارفين ان معدش حد بيشتغل بكليته ولا بشهادته وكدا كدا كله بقى بيطلع ينحت فى الصخر |
اقتباس:
|
اتعب 4 سنين عادى دى كلية قمة ودة نصيب وتحول لية تربية نوعية وتتخرج وتتطلع مدرس ويطلع عينك بردوا لية دة مشرف كمان مش مدرس علوم تقدر تشتغل فى مجال البترول او مجال التحاليل الطبية وتطلع منها دكتور تحاليل او تشتغل مهندس فى تنقيب البترول ومرتباتها كويسة جدا جدا واكيد كمان تجارة حلوة وتربية بس انت فى علوم يعنى مستقبل رائع جدا والكلية حلوة جدا انصحك شيل الافكار دى من دماغك خالص تحياتى ليك بلتوفيق
|
اقتباس:
انا سمعت الكلام اللي انت سمعته واسوأ وقعدوا يقولولي علوم يعني هتبقى اخرتك مدرس وكلمت دكتور في كلية علوم قاللي ان فيها اقسام حلوة وانه يعرف ناس بياخدوا مرتبات تقدر تقول خرافية بيشتغلوا في مصانع او معامل او غيرها ولكل مجتهد نصيب انت بس تتخرج بتقدير كويس وبعدين انت لو خدت كورسات الدنيا كلها مش هتساوي شهادة كلية علوم بالاضافة لان عمي خريج علوم ومفيش حاجة سألته فيها الا وجاوب عليا (خريج جيولوجيا) وعلى فكرة دي كانت رغبتي الاولى لكن مجموعي اعلى منها وطبعا دخلت اللي الجماعة عندي اختاروه |
شوف انت بتحب ايه
وعلوم مش صعبه للي بيحبها وليها مجالات كتيره |
ياجماعة انا جالى جميع الامراض الى تخص الجهاز العصبى بسبب حالتى النفسية السيئة جداً وخوفى ايام الثانوية العامة ومعنديش استعداد اترمى الرمية السوداء دى تانى
غير كل دا انا اصلاً ان شاء الله ناوى لو دخلت علوم اتخصص قسم احصاء وعلوم حاسب لإنى بعشق الكمبيوتر لكن الناس بتقول تربية مريحة ومش هتتعبك فى دراستها وممكن تشتغل مدرس كمبيوتر ودا بقى مطلوب جداً الايام دى زيه زى مدرسين باقى المواد انا فعلاً مش عاوز اشوف تعب الثانوية العامة تانى |
اقتباس:
|
مفيهاش تعب ولا حاجة الكلية مش صعبة اوى علفكرة عادى يعنى وبعدين شهادة علوم قوية ولو بتحب الكمبيوتر خد فية كورسات لكن بلاش كدة لا يوجد اى علاقة بين الحياة الجامعية والثانوية
|
نوعية موسيقية وفنية هم الى ليهم قدرات
على فكرة انا حابب اسم علوم جداً وحاسس بجد انها كلية قمة لكن كمان كل ماكلم حد يقولى هتدفن شبابك فيها وهتعمل زى بتوع طب واشد من طب كمان وتقعد تذاكر بس وياعالم فى الآخر ايه الى هيحصل والكلام دا ؟؟؟ |
بص
علوم كلية إما تكون او لا تكون يعني لو شديت حيلك و جبت تقدير بإذن الله مستقبلك هيبقي كويس جداً خصوصاً ان الكليات الخاصة كترت و بياخدوا اصحاب التقديرات من علوم و بيشغلوهم معيدين في الكليات الخاصة ده غير مجالات الشغل بتاعتها اما إن لم تكون فهتبقي زيها زي تجارة الا لو حضرت دراسات عليا دي حاجة تانية بقي لو عايز علوم متكسلش تاخد معلومة او تدور عليها لان فيها اعتماد علي النفس كتير جداً ...تقريباً هتعتمد علي نفسك اغلب الوقت وده كلام معارفي اللي دخلوها انا جاتلي علوم و حولت هندسة منوف ولسه النتيجة بتاعتي مبانتش وربنا يستر بس الاتنين حلوين يعني :) |
لا تبقى غلطان هما كلهم 4 سنين بقى حد يجليه علوم ويحول تجارة لااااا مستغلطاك جدا فى الحكاية دى فكر تانى وخليك فى علوم أحسن مليوووون مررررررة
|
على فكرة بقى مفيش كلية سهلة وزى ما هتتعب فى علوم هتتعب فى تجارة صدقنى بجد مفيش كلية سهلة ..
|
ياجماعة والله انا معاكم فى الرأى ,, وحاسس ان ربنا بعت لى نعمة لحد عندى ناس كتير بتحلم بيها
وبردو تفكيرى زى ناس كتير مش عاوز افرط فى المجموع ومش الرؤوس تتساوى ادخل تجارة وزيى زى الى جايب حاجة وسبعين ولا 80 فى المية !! لكن لما واحد صاحبى خريج علوم وبردو قسم احصاء وعلوم حاسب يقولى هتدفن شبابك فيها وهتروح كل يوم زى طب وهتقعد تذاكر فى البيت زى ما البنات بتعمل والحجات دى كلها انا نفسى انطلق ياجماعة , اسافر واتنطط واخرج واشتغل , اهم حاجة عندى نفسى اشتغل هو انا ليه بفكر فى تجارة او اداب ؟؟ عشان بيروحوا يومين و 3 ايام فى الاسبوع وقليلاًتجارة ما بتبقى 4 ايام يعنى هعمل كل الى فى نفسى وهشتغل كمان والحجات دى كلها وبعدين ودى اهم حاجة فى الدنيا الى سمعته من ناس كتير فى علوم انى لو مش هتخصص قسم كيمياء يبقى زى قلته كل دا يعنى القسم الى انا عاوزه الى هو احصاء وعلوم حاسب ولا له أى لزمة |
| جميع الأوقات بتوقيت GMT +2. الساعة الآن 10:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.