انا جبت 95.5 ومحتار علوم ولا رياضه انصحونى
 

السلام عليكم انا فى 2ث و جبت 95.5% يعنى195.5ومحتار علوم ولارياضه مع العلم ان رغبتى كانت علوم لكن المجموع مش حلو اوى انصحونى ارجوكم بسرعه وطبعا اكيد شفتم تنسيق 2012


انا مش شايف نفسى فى رياضه وكمان درجاتى


رياضه 48

كيمياء 48
انجليزى 21.5
عربى 28
لغه ثانيه 50


بس محتار فعلا نفسى فى علوم ولكن المجموع رياضه يعنى مفيش امل فى صيدله خالص
خايف ادخل رياضه لاسباب كتير

مش بحبها مش بفكر كويس فى حل المسائل يعنى نازم الامتحان يجى سهل ومسائل مباشره علشان اقدر احله وخايف الامتحانات تيجى صعبه ملحقش اى هندسه خالص تانى سوال ايه احسن مستوى رفيع يجيب درجات فى السليم ومش ناوى على كليات خاصه انا حسبتها انا محتاج السنه الجايه انى اجيب 202 +4.5 مستوى رفيع ويبقى المجموع الكلى 195.5+202+4.5=402 صيدله القاهره ايه رايكم سهله ولا صعب انى اجيب 202 فى 3 ث+4.5 درجات مستوى رفيع
انا مش بكره الرياضه لكن بحب احياء اكتر بكتير

ربنا عارف انا قد ايه عايز صيدله بفكر فيها من ابتدائى

رياضة طبعااااااااااااااااااااااااااااااااااااااااااااااا ااااا انت مش شايف التنسيق بتاع علوم عامل ازاي و لو انت حابب العلوم خش بس انت كدة صعب انك تخش طب او صبدلة خليك في رياضة احسن

بس اهم حاجة انك تركز في 3 و تزود مجموعك في 3 و مجموعك مش وحش علي فكرة و اهم حاجة 3 مش 2 انا كنت جايب في 2 98 و جيت في 3 جبت 88 فخلي بالك و اوعي تنقص في 3 و رياضة فرصك فيها احلي بكتيييييييييييييييير

لو مش ناوى على كليات طبية خاصة يبقى رياضة طبعا

كواحد كنت في علوم وجبت 405.5 ولحقت كليه بالعافيه بقولك الرياضه حلوه

اكيد رياضة انا جبت 400 علوم وملحتش غير بيطري

رد
 

انا مش شايف نفسى فى رياضه وكمان درجاتى


رياضه 48

كيمياء 48
انجليزى 21.5
عربى 28
لغه ثانيه 50


بس محتار فعلا نفسى فى علوم ولكن المجموع رياضه يعنى مفيش امل فى صيدله خالص
خايف ادخل رياضه لاسباب كتير

مش بحبها مش بفكر كويس فى حل المسائل يعنى نازم الامتحان يجى سهل ومسائل مباشره علشان اقدر احله وخايف الامتحانات تيجى صعبه ملحقش اى هندسه خالص تانى سوال ايه احسن مستوى رفيع يجيب درجات فى السليم ومش ناوى على كليات خاصه

رياضة يا باشا ممكن تخوش هندسة و ممكن علوم لو جبت حتى فى السنتين 95% لكن لو جبت نفس المجموع فى علمى علوم تخش معهد فنى صحى او تمريض للمجال الطبى فانصحك خوش رياضة اضمن

رياضة أكيد

درجاتك كويسة بالمناسبة باستثناء الإنجليزى
بخصوص المسائل الصعبة خلى مدرسك يدربك عليها بس
و حل كتير و هاتعدى النقطة دى بإذن الله .. و اعتبر المسائل الصعبة نوع من التحدى ليك

بخصوص المستوى الرفيع أنا واخد الإنجليزى
بس لو الأضمن بالنسبالك يبقى عربى

انا مش بكره الرياضه لكن بحب احياء اكتر

لا ادخل رياضة صدقنى احسنلك واضمنلك انا كنت جايب ف تانيه 96 بس كنت احياء ف تانيه وطلع عينى ف تالتة وجبت 99 وكله على بعضة بقى 97.5 ويدوب لحقت طب بيطرى لكن الهندسة واخدة من 94.5 فا احسنلك رياضة
ومتقنعش نفسك انك ما بتحبش الرياضة انا طول عمرى كنت بقول مش هعرف ادخل طب بيطرى لانى بخاف م الحيوانات ولما جة التنسيق واتحطيت ادام الامر الواقع اضطريت احب الكليه ومتفتكرش ان صيدله هتفضل على 402 دى اكيد هتعلى لانهم كل سنة بيقللوا الاعداد عن السنة اللى قبلها فخد باللك ونصحتى ليك رياضة واى استفسار اتفضل

لو مبتحبش الرياضه ممكن تحول ادبى وتبقى ضامن اعلام او سياسه و اقتصاد وممكن تكمل رياضه ولو لا قدر الله ملحتش هندسه حكومه ممكن تخش معهد هندسى خاص وبسعر معقول او تربيه وتطلع مدرس او حتى حاسبات بس لازم تشيل عقده الرياضه من دماغك وتحاول تفكر فيها بطريقه مختلفه لان رياضه 2 مش فسحه بالتوفيق