صدمة مجموعى !!!!!!
 

بسم الله الرحمن الرحيم
بعد صدمة مجموعى 81% حاسس انى مش هعرف ذاكر السنة الجاية
مش عارف اعمل ايه

يعنى لو ربنا وفقك وجبت 99% فى سنة تالتة بالمستوى بس نصيحة لو علمى حول ادبى
المجموع الكلى هيبقى 90% مجموع مش وحش تلحق تربية وتجارة واداب واثار وفنون جميلة

قولى الحمد لله على كل شئ و سيبى حمولك على الله
و تعتبرى السنة الجاية سنة جديدة خالص و ابدأى من اول و جديد
و ربنا معاكى يا رب و يكرمك
:)

لازم تتخلص من الحالة دي في وقت سريع عشان مفيش وقت يضيع من السنة الجديدة ,
وعشان تتخلص منها اول حاجة توكل علي الله حق التوكل , وتيقن ان اللي فات مش هيرجع تاني , بالعامية كده اللي حصل حصل
دلوقتي حط هدف جديد قدامك للسنة دي وان شاء الله تحققه , عندك كليات ممتازة اذا زودت مجموعك السنة دي ان شاء الله وبلاش تحسبها , قول يارب واجتهد

هههههههههههههههه هههههههههههههههههههههههههههههههه هههههههههههههههه


هههههههههههههههه هههههههههههههههههههههههههههههههههههههههههههههههههه هههههههههههههه


معلش اصلى جايب نفس المجموع فمش عارف اقول ايه

دا نصيبك


انت ادبى لو علمى حول وخليك ادبى

ده اولا

ثانيا هتلاقى نفسك ادركت الموقف وتماشيت معاه

انا اعرف ناس كانو ف تانيا 85 وف تالتا 96


اه والله
تقريبا ف رنج دا

انت حاول وسيبها ع ربنا دا نصيبك

انقذ ما يمكن انقاذه ولسه معاك فرصة السنة الجاية , لو أنت علمي أنصحك تحول أدبي إلا لو انت ناوي تدخل كليات ومعاهد خاصة !

بالتوفيق ان شاء الله .

لو مذكرتش هتندم والله
انت ذاكر واعمل اللى عليك علشان متحسش انك قصرت خلى عندك امل فى ربنا وقدر الله وما شاء فعل والخيرة فى ما اختاره الله فى كليات جميلة كتير وفى ناس بتدخل كليات قليلة وبتتفوق فيها وتكون فيها دكاترة
بس الزم تذاكر وتشيل من مخك ووهم انك مش هتعرف تذاكر
خلى فى دماغك انك عايز توصل ل100%وكمان ال5 درجات بتوع المستوى وان شاء الله تقد توصلهم بس اهم حاجة تذاكر اول باول مش صعب الوصول للنهائية
ربنا يوفقك وتدخل كلية تتفوق فيها