| Nada_Mohsen |
28-08-2012 01:15 AM |
لسنة أولى جامعة القاهرة "و باقى الجامعات ممكن يسألوا لو الكلام ده هايطبق عندهم أو لأ"
نقلا عن أتحاد طلاب العلاج الطبيعى جامعة القاهرة 2012
على فكرة ... الدراسة 15/9 دا كلام مش أكيد عشان دا مبيبقاش قرار رئيس الجامعة دا بيبقى قرار وزير التعليم العالى .... رئيس الجامعة بيقول كدة جزافيا عشان الجامعات تستعد فقط ... لكن المعلومة الأكيدة حتعرفوها فى منتصف الاسبوع اللى قبل 15/9من شاشات التليفزيونات من تصريحات الوزير زى باقى الناس ومحدش كمان يعرف ظروف البلد ايه .... يعنى ممكن يوم الأربع اللى فى الاسبوع اللى قبله يتقال الدراسة 15 أو حتتأجل ..وجب التنويه .. عشان الناس اللى بتسافر متفتكرش دا كلام أكيد أو نهائى ودى مش حاجة جديدة دا بيحصل كل سنة .. اللهم بلغت ^_^
وعلى فكرة المقابلة أو ال interview بتاع سنة أولى مش حيبقى تقليدى ومش حيبقى روتينى ومش حيبقى زى كل سنة ,, ومعموله ورقة جديدة فيها اختبار نفسى يعنى أسئلة كدة بخصوص دخولك الكلية وكمان حيلاحظوا اللغة عندك وحيلاحظوا لو فيه عيوب خلقية والطول والوزن بالنظر كدة ... هو دا عادى بس الجديد ان الورقة فيها درجات وبالتفصيل حيتكتب قدام كل حاجة درجتها .. والقبول من درجة معينة.. وعلى فكرة دا نظام جديد وولا طالب فى الكلية عدى عليه قبل كدة.. ولازم الطالب يحضر اليوم ده والمفروض بيتحدد يوم واحد بعد كدة للمتخلفين عن الموعد الأصلى ... وجب التنويه .. وربنا يوفقكوا
__________________________________________________ ________
المصدر
إتحاد طلاب كلية العلاج الطبيعى جامعة القاهرة 2012
ممنوع وضع روابط فيس بوك
|
