ايه الحكايه
 

السلام عليكم ورحمة الله وبركاته انا عندي استفسار ارجوا الاجابه منكم انا داخل 3ث ومستقر على علم النفس بس بصراحه مش فاهم ايه نظام التصحيح لان طلاب متفوقين نازلين بال8 درجات مش عارف ليه فهل ده ظلم والا ايه لانى خايف

ايه مفيش رد

خوفتني كده .. !!!
أووف انا زهقت صرااحة ..!!

ياجماعة مفيش اى مشكلة ان شاء اله كل حاجة تكون بخير

التصحيح موضوعى
اكيد اللى ناقص درجات مكتبش الاجابه كامله او اخطأ فى فهم بعض الاسئله
لكن الامتحان بيجى مباشر من الكتاب
المنهج محتاج منكم مراجعه مستمره
وكان فيه 50 كتير العام الماضى

هو علم النفس عاوز تكتب كل حاجة تعرفها عن السؤال
بمعنى اصح مفيش كلمة فى الكتاب متكونشى حافظها صم زى اسمك

الموضوع بسيط الى بيخلى الطالب يفقد درجات هو نقص الاجابه ممكن تكون اربع نقاط وهو كاتب ثلاثة وبالطبع لو الاجابه استمرت كده هيفقد درجات وانصاص

مفيش قلق ان شاء الله
علم النفس اصبحت مثل اي مادة :
التصحيح ليس به مجاملات .
والامتحان يحتوي علي جميع اجزاء المنهج.
ويجب ان تكون الاجابة نموذجية اي تفرق بين الطالبي المتفوق والطالب الغير متفوق وهذا ضروري لياخذ كل طالب حقه.
ولكن لي عتاب علي بعض طلاب العلمي الي بيخدوا علم النفس مادة ادبية نظرآ لسهولتها البعض من طلاب العلمي بيهملوها
ومش بيذكروها الي اخر السنة وعايزين يجيبوا خمسين بسهولة دة مش صح لابد من مذاكرتها جيدآ وعدم اهملها لانها مثل الفزياء والرياضة 2 والاجياء عليها خمسين درجة بل بالعكس لابد ان يهتموا بها اكثر منهم لان الخمسين فيها مضمونة عن باقي المواد العلمي.
وهناك حاجة اخري بعض المدرسين يتعاملوا مع المادة كما كان قديمآ اي طالب هيكتب اي حاجة هايجيب خمسين ودة مش صح بصراحة هناك ايضآ تقصير من (( بعض المدرسين في تدريس المادة ) وليس الجميع بالطبع بدليل هناك طلاب كثيرة لدينا حصلوا علي الخمسين درجة .
عرفنا احنا بننقص ليه.

يا جماعه التصحيح مفهوش اى ظلم انا شوفت بنفسى العيب ان كان فيه ناس كاتبه الاجابه مش كامله وناس فهمه الاسئله غلط

انا برضوا لسه بدرس علم النفس 3ث بس اكتشفت ان الكلمه ممكن تنقص وممكن تغير اجابه السؤال

كلام حضرتك على راسى
بس هو انا لحد دلوقتى أخدت باب علم نفس وفصل علم اجتماع
ومش شايف ان المادة تفرق بين متفوق وغير
فالجميع متساووين ولكن الحفيظ هو اللى بيكسب
لأن المادة عبارة عن حفظ ( عفوا ) وتكب اللى حفظته فى الامتحان ;) بس كدا
( طبعا بتوفيق من ربنا )

انا بذاكر من مذكرة الاستاذ بتاعى هيا كويسة بس انتى ذاكرى من اى مذكرة منظمة وبعدين راجعى اللى ذاكرتيه من كتاب المدرسة
اللى انا بعمله ( ومش عارف صح ولا لا )
بمسك المذكرة جزئية جزئية وافهمها لنفسى احاول اربط كلامها بأى حاجة جنبى
وبالورقة والقلم تقعدى تحفظى
وبعدين بدخل على واجب المدرس سؤال سؤال
واحاول اكتب من نفسى مش انقل من المذكرة علشان الحفظ يتثبت اكتر واروح اراجع الواجب مع المستر
والحمد لله بيمشى الحال http://thanwya.com/vb/life/icons/icon111.gif

فى طلاب كتير جايبين 50 علم النفس ماده جميله ومن السهل تجيب فيها الدرجه التهائيه بس اهم حاجه اتعود على الاجابه التموذجيه مثلا نزل امتحان السنه اللى فاتت ونزل نموذج الاجابه الرسمى عشان تتعود على الاجابه الكامله

انا ان شاء الله هجرب نفسي فيه لكمان اسبوعين كده
و هشوف
و هحاول اعمل بنصائح حضرتك بس المشكله عندي .. همم
اصل انا بتعب من المذاكره بالكتابه ..^^
بس هحاول ..ان شاء الله
شكرا شكرا شكرا