علم نفس ولا اقتصاد واحصاء
 

شباب انا داخل 3 ثانوى ومحتار بين المادتين انا عايز حاجه خفيفه ومضمونه ومش عايز اشيل همها يعنى اخدها وارتاح علشان 3 ثانوى فيها مذاكره كتير لوحدها انصحونى ؟

انا خدت علم نفس وجبت فيه خمسين الحمد لله وهى مادة سهلة اوى انصحك انك تخدها

انا رياضة بس اخدت علم نفس .. لان الاقتصاد و الاحصاء كأنهم مادتين و بياخدوا درسين لكن علم النفس بيقولواا خفيفة .. بالتوفيق

علي فكرة لو انت اصلا علمي يبقي احسنلك تاخد اقتصاد واحصاء عشان هي بتخلص في اول السنة في شهرين بس وبعدين بتركنها مش بتفتحها غير في المراجعه فهي هتريح مع علمي لكن لو ادبي عادي ممكن تاخد علم نفس
انا كنت ادبي وخت اقتصاد واحصاء وجبت فيها 49 مع اني مذكرتهاش غير اول السنة واخير اسبوعين

بص انا اللى فهمته ان علم النفس هتحتاج مذاكره اكتر شويه بس مضمونه وانا باذن الله هختار علم نفس وصلي استخاره وشوف عايز ايه واختاره

انا اخدت علم نفس وجبت فيها خمسين الحمد لله وهي جميلة جدا بس تتزاكر باستمرار انصحك خدها لان احصا واقتصاد مادتين ولو حبوا يعقدوكو ف الاسئلة هتنقص درجات خليك ف المضمون وربنا يوفقك

دي تجربتي ودا الكلام اللي الناس اللى فبلي قالوه والله لو حضرتك عندك اي راي تاني او تجربة خاصة بيك ممكن تقوله

وبالتوفيق للجميع

بص علم النفس سهل جداااا تجيب فية 50 وكلو كلام من الواقع يعني هتعرف تعبر

شكرا لحضرتك

علم نفس نفس نفس سهل جدا وجبت 50 فيه
يلا توكل ع الله

ياريت يا (مستر اتش يونس ) الاسلوب يكون راقي شوية لانى بصراحة شايفة ان مش غلطانة ف حاجة دا رايي

بصوا بقى انا الحمد لله اخدت اقتصاد واحصاء وجبت فيه خمسين والمادة دى اسهل
المواد اللى شوفتها فى حياتى الاحصاء ذاكرتها لوحدى اول شهرين وبعدين قعدتت احل امتحانات لاخر
السنة والاقتصاد مش محتاج حفظ اوى زى علم النفس بجد كانت مادة لذيذة خالص
انصحك وعن تجربة بالاقتصاد والاحصاء

انا جبت فى علم النفس 50من 50 انصحك تاخذها مادة جميلة جدا