بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - محتااااارة جدا>>t.t (https://www.thanwya.com/vb/showthread.php?t=459567)

محتااااارة جدا>>t.t

السلام عليكم

انا صراحة كنت عايزة استشيركم فى المادة الادبية فى ثالثة ثانوى
انا علمى علوم و جبت ما شاء الله فى تانية 99,7
و محتارة اوى بين الفلسفة و المنطق ) ( و علم النفس و الاجتماع )

صراحة انا حبيت علم النفس من مسلسل كده و حاسة انى نفسي ادرسه و بحس انى بحترم
علماء النفس من الاخر عندي علم النفس حاجة كبيرة اوووى ماشاء الله

اما الاجتماع مش عارفه عنه حاجة بس حاسة انه صعب شوية ؟! مش عارفة !

اما الفلسفة و المنطق ..
درسته فى اولى ثانوى و كنت مبلمة طول السنة فاهمة بس مش بعرف استرجع المعلومات
المهم جيت آخر السنة ذاكرتها و كانت سهلة جدااااا و جبت الدرجة النهائية الحمد لله

المهم المشكلة ان كل صحابى اخذوا فلسفة
لان مدرسة الفلسفة متاحة و الكل بيجيب 50

بس صاحبتى السنة الى فاتت جابت 49.5 فى الفلسفة
و هيا الثانية ع الجمهورية

و مدرسة الفلسفة هيا الى بتعطى علم النفس برده بس مش تخصصها

و انا نفسي اخذ علم النفس بس خايفة اشذ عن الجميع

و مش ممانعة فلسففة

استخرت ربنا بس لسة محتارة !!

ممكن تساعدونى

اصل بيقولوا الفلسفة اى كلام يمشى صح
اما علم النفس لازم بالنص ...

ممكن تردوا عليا بسرعة عشان الدرس قرب جدا
مش عارفة اروح اى درس

و الفلسفة هتبدأ الاول ؟!

.....علم النفس.....

طب ليـــــــــــــــــــــــــه ؟؟؟؟؟

اقتباس:

المشاركة الأصلية كتبت بواسطة marry sam (المشاركة 4800046)

طب ليـــــــــــــــــــــــــه ؟؟؟؟؟

علم نفس اسهل من الفلسفة لان كلامه مفهوم وممكن تذاكريه من غير درس
الفلسفة رخمة وحاجات متدخلش الدماغ.
واعرف ناس بتبقى ساقطة وجايبة 50 فلسقة 50 علم نفس
والصراحة مش عارف حضرتك بتسألى ليه.
المتفوق بيعرف يذاكر اى مادة من غير خوف ولا قلق
نصيحة.خدى علم نفس وانتى تضمنى 50 فيها

م شاء الله

بصي م دام حضرتگ حابة علم النفس يبقى خديه
وبخصوص إنّگ حاسة علم الإچتماع صعب ... هو سهل بس بتهيألك إنو صعب ..
وعموماً گل مادة بتبقى سهله بالمذاگرة

وربنا يوقفك :)*

علم نفس
50 وانتى باشا محتاجة بس اسبوع كدة فى شهر خمسة تطحنى فى المذكرات وامتحانات كويس قوى ومع ايام الامتحانات واقلك مبروك 50 وانتى باشا حتى لو مفتحتهوش طول السنة
بس طبعا لو بتدخى طول السنة مع مدرس مثلا او بتذكرى اول باول وحفظ كويس وحطى تحت الحفظ مبيت خط مع حل الامتحانات يبقى 50 وانتى حطة رجل على رجل

اقتباس:

اها انا شايفة كده مشكلتى بحب ابقى مع صحابي عشان لو معرفتش حاجة بس خلاص اتوكل ع الله علم نفس

اقتباس:

م شاء الله

بصي م دام حضرتگ حابة علم النفس يبقى خديه
وبخصوص إنّگ حاسة علم الإچتماع صعب ... هو سهل بس بتهيألك إنو صعب ..
وعموماً گل مادة بتبقى سهله بالمذاگرة

وربنا يوقفك *

يآآآآآآآآآآرب ..^^

مرسي جدآآآآ ...

شكلى هخدوه ان شاء الله

اقتباس:

ان شاء الله
بس اجيب كتاب خارجى ايه ؟؟؟
جزآآآكم الله الف خير

المذاكرة

كتاب المدرسة كافى جدا
وممكن مذكرة المدرس علشان تبقى ملمومة
الحل
كشكول الاول فقط+اسئلة كتاب المدرسة الصغننة دى
+الامتحانات

ومبروك عليكى 50

علم النفس أسهل و أفيد من الفلسفة مليون مرة
و مبروك على المجموع

هههههههههه الله يبارك فيك >> مقدما يعنى .. قول يارب
شكرااا جداا جداا

اقتباس:

علم النفس أسهل و أفيد من الفلسفة مليون مرة
و مبروك على المجموع

يارب .. الله يباركلك

علم نفس سهل جدا وتقدرى تجيبى ال50 بكل سهولة يعنى بمجهود قليل ومفيش حاجة صعبة مع اللى بيذاكر وانتى لازم تذاكرى علشان تحافطى على مجموعك
وربنا يوفقك يا جميل وتدخلى الكلية الى انتى عايزها وتتفوقى فيها

مبروووك يا دكتورة ان شاء الله ^_^
ربنا معانا كلنا يا رب
احم معلش انا قدك لسة بس اعتقد علم نفس كل اللى اعرفهم و كانوا علم نفس قفلوة :) بيقولوا سهل و مضمون
بس انا اخدت اقتصاد عشان مليش فى الحفظ و بحب الرياضة بس طبعا علم نفس تحفة جدا ;)

علم نفس طبعا
المادة دي من الاخر مضمون فيها الـ 50 ان شاء الله
وعلم الاجتماع عبيط اوي ويتقفل بصباع رجلك الصغير
وانا يا ستي لا اخد فيه دروس ولا بتاع وجبنا فيها الـ 50
وانصحك تزاكري من كتاب المدرسة وسيبك من ملازم المدرسين:)