|
عايزه الرد ضروري ضروري ضروري بسرعه
ياجماعه انا محتاره مابين السن وتجاره انجلش ....المفروض اكون قررت من زمان علشان التقديم خلاص وعملت استخاره كذا مره ومطلعتش حاجه ...وبابا وماما بيقنعوني بتجاره انجلش علشان قالولي السن ملهاش مجالات شغل عندنا وخصوصا اني اقاليم واخواتي قالولي السن احسن كفايه انها كليه قمه وليها برستيج فمش عارفه ....بجد محتاره ارجوكوا ساعدوني :bosyht9:
|
لو شغل يبقى تجارة لو تعليم وخلاص السن
|
انا شايفة ألسن والله أعلم.......
|
تجاره انجلش طبعا اوعى تفوتى الفرصه
|
طيب ليه يعني تجاره انجلش احسن ؟؟؟؟
|
تجارة انجلش جامدة انا هدخلها ان شاء الله عشان مستقبلها جميل جدا
بس السن جميلة برده محدش يقدر يقول عليها وحشة بس انا افضل تجارة :/ |
انتى كبنت تجارة احسن لك الا بقى لو هتشتغل فى مجال الارشاد السياحى او شركات السياحة الكبيرة ودى موجودة فى القاهرة واسكندرية وشرم الشيخ بقى والحتت الى ع البحر الاحمر دى
هل انتى تقدرى تروحى تقعدى فى الاماكن دى لوحدك ؟؟ لو تقدرى يبقى توكلى على الله وخشى السن وحذارى تدخلى قسم روسى لإن اخويا فيه وبيلطم منه ومن دكاترته ومن صعوبته وكل حاجة فيه وحشة بلاش روسى بالتوفيق |
اعتقد السن افضل بكتير من تجارة انجليش
ومستقبلها افضل ربنا يوفقك |
اكيد السن طبعا احسن كفايه انك معاكى لغتين دا غير انك ممكن تشتغلى فى اتخن مجال باللغتين دول ومجالتها كتير وبعدين تجاره انجلش برده دلوقتى بقت محتاجه واسطه انا صاحبى لسه متخرج فى تجاره انجلش بقاله سنه ولسا مشتغلش يعنى فلوس على الفاضى على فكره تجاره انجلش مصاريفها 7 الاف جنيه على ايه السن احسن ميه مره
|
انا افضل السن
خصوصا انها مش منتشره المنيا وعين شمس بس يعني خريجيها قليلين كمان تجاره انجليش على حد علمي وادبي :d بقت بتنسيق داخلي جوه تجاره يعني مش مضمونه |
تجارة انجلش احسن من حيث الشغل والمرتبات
بس لو بتدورى على بريستيج و position اجتماعى يبقى السن وبرضه ليها وظائف كويسة ومحترمة جدا وانا رأيي ان السن احسن من تجارة بمراحل |
| جميع الأوقات بتوقيت GMT +2. الساعة الآن 06:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.