|
محتـآرهـ
السلام عليكم ورحمة الله وبركاته لو سمحتم آناا كنت علوم وكنت جايبة96.95% وفي الانجليش 48 وحولت تجارة وباذن الله داخلة تجارة انجليش ومقدمـة صيدلة خاصة ممكن تقولوا ليا آنهي آحسن صيدلة خاصة ولا تجارة انجليـش؟ في ناس بتقولي هتدفعي فلوس عشاان تكسبي بس إسم دكتور ..اما من ناحية مستقبلها بقى..ففي كتير صيادلة دلوقتي والمرتبات صغيرة لحد ما افتح صيدلية كمان..وان تجارة انجليش بقا ليهاا مستقبل آحسن دلوقتي بنوك وشركات ومرتبتها حلوهـ وفي ناس بتقول عكس كدهـ انا محتارهـ آوي وكماان انا لو هدخل الخاصة فهيا هتبقى بعيدة عني ساعتين و اكتر ع ما اوصل هناكـ ولو هدخل تجاره انجليش حد يقولي المفروض اخد كورسات انجليش امتى وفين ؟ ياريت حد يساعدنـي |
الحكومى افضل خليكي تجارة انجليش حلوووووووووة اوى وكمان مش صعبة زى صيدلة وحتى لو نجحتى ف الخاصة بمجهودك هيقولو ناجحة بالغش يعنى ملهاش لازمة
|
شكـــــــــــراا ..بس هيا تجارهـ إنجليش لها برستيج زي الدكتورهـ كدهـ؟
|
اها جدا انا اصحابى والله جايبين السنة الى فاتت وهما ادبى 97 ودخلوة ومجموعهم يدخلهم اعلام والسن وسياسة واقتصاد ليها برستيج عالى عشان شعبة الانجليزى ف اى كلية معروف انها حاجة كبيرة فاية انكم مش بتبقا الدفعه الواحدة منكم بتتخرج بالالفات
|
شكراا لحضرتكِ..وانا والله كل مااشوف حد بسآله..ويارب ييسرلي الموضوع دهـ
|
وعليكم السلام ورحمه الله وبركاته
شوفي انتي حابه ايه أكتر ومتنسيش صلاة الاستخاره طبعاً :) |
انا الاتنين حلوين بالنسبالي بس المشكلـة نظرة المجتمع لتجارهـ مش قد كدهـ للاسف يعني ..يعني بمعنى آصح مش ليها برستيج والشغل مش مضمون خايفة مش آشتغل
والمشكلة ف صيدلة خاصة انها بعيدهـ وغاليـة بس انا كنت نفسي ادخل صيدلة.. دلوقتي مش عارفه.. |
متهيالى انتى رغبتك القوية صيدلة عشان انتى بصيتى على البرستيج اكتر من نظرتك للمستقبل ومفكرتيش اذا كانت صعبة او سهلة وكمان مفكرتيش فى مستقبل الكلية من ناحية الشغل والمرتب وكده
اذا كانت رغبتك فى صيدلة من غير ماتفكرى اتوكلى على الله ومش مهم اذا كانت بعيدة عنك او قريبة طالما انتى حبيتى الكلية اكيد هتواصلى فيها ده افضل بكتير لو دخلتى كلية انتى ملكيش رغبة فيها وربنا يستر لان فيه طلبة كتير دخلو كليات ملهمش رغبة فيها واتعثرو فى الدراسة فاهم حاجة الرغبة والرغبة الاكيدة وربنا يوفقك يادكتورة |
طب ليه مفكرتيش في كلية العلوم او الفنون الجميلة اوالتطبيقية او السن؟
كمان ليهم مستقبل حلو في الشغل و برستيج |
علفكرة انا خاص والخاص مش هيقولوا بينجحوا بلغش الخاص افضل من حيث مستوى التعليم علفكرة وبريستيج ومستوى وهتتخرجى عارفة شغلك كويس تجارة انجلش كويسة بس خريجينها كتير بلاش بدام ربنا ميسر ادخلى صيدلة افضل بلتوفيق
|
انا سمعت ان تجارة انجلش حلوة فى الشغل وبيبقوا مطلوبين فى البنوك عن تجارة عربى بس انتى لو بتحبى مواد صيدلة ادخليها بس لو بتفكرى فى المستقبل اعتقد انه بيعتمد على مدى اجتهادك وعملك سواء فى دى او دى
|
نعم النصيحة طالبة
جزاكى الله خير الجزاء |
شكرا بجـد ليكـوا ..وآنا خلاص الحمدلله آستقريت على تجارهـ انجلش يارب تكون خير ليا ..لآن آصلا قدمت ف كذا جامعة خاصة لصيدلة ومش آتقبلت في كله مش كنت متوقعه اننا مش آتقبل ..بس الحمدلله ربنا مش رايد ..بس البيت عايزني آدخل صيدلة بآي طريقة بس دلوقتي مفيش اماكن ف آي مكان آكيد ..فانا قدمـت في تجارهـ وقدمت كمان انجليـش وقالوا ان مجموعي كبير ف الانجليش وقالولي لو اجتهدت هتعين ف الجامعه وابقى دكتورهـ بردهـ هيبقى فيها برستيج لو عايزهـ..فيااريت تدعـولي ..ولو حد في تجارهـ انجليش ياريت يفدني ..يقولي ايه المواد اللي هدرسها وهروح كورسات ايه ومن إمتى |
تجاره انجلش طبعا
|
ادخلي تجارة انجلش وتوكلي ع الله ومستقبلها حلو جدااااااااااا وسهل تشتغلي اول ماتخاصي دراستك انما الخاص بلاش منه وربنا يوفقك :) |
| جميع الأوقات بتوقيت GMT +2. الساعة الآن 03:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.