متعقدش نفسك
 

السلام عليكم ورحمة الله وبركاته

كل سنه وانتم طيبين

بصراحه حبيت انصح كل اللى فى القسم نصيحه عن تجربه

بلاش تعقد نفسك

يعنى دلوقتى اللى جاب مجموع مش ولا بد يقول انا فشلت انا ضيعت نفسى على فكره هو ولا فشل ولا ضيع مستقبله
هو ممكن فى اى كليه يدخلها ينجح ويتفوق ويبقى معيد فيها كمان بس ده لو اجتهد وحمس نفسه

كمان اللى لسه فى ثانوى ويعقد نفسه من الفيزيا ولا الكيميا الخ

عقل االانسان ذى الكمبيوتر بالظبط
تخيل لو انت عندك فايل على الكومبيوتر او اللاب ودوست ديليت واتمسح ممكن تقول للكمبيوتر رجعلى الفيل لأ طبعا

اهو انت عقلك كده بالظبط لو قلت الكيميا صعبه مخك هيتبرمج على ان الكيميا صعبه ولو عملت المستحيل عمرك ما هتحس انها سهله


يعنى انا داخله اولى ثانوى واول ما اخدت حصه فرنساوى كنت متنحه مش فاهمه ايه اللى الاستاذ بيقوله

واقنعت نفسى ان الفرنساوى وحش ومش هعرف اذاكره وكده اتعقدت منه

وبعدين جيت النهارده قلت لا كده مش هينفع اسيب الفرنساوى مسكت كتاب ميرسى وقعدت اذاكر الحمد لله حفظت اللى اخدته وحضرت للحصه اللى جايه كمان



وده هدف التوبيك ده لا تسيأس ومتعقدش نفسك



يلا بقى كل اللى يقرا التوبيك ده يدعيلى بالتوفيق والا:stickjo4::stickjo4:

جزاك الله خيرااا:av4056bb7jp3:
ربنا يوفقك و تحققي كل اللي تتمنيه:rolleyes:

ربنا يخليكى ميرسى على مرورك

هو على فكرة انا انهارده لما مسكت كتاب برافو و بذاكر ليسون صفر حسيت انه ممكن فعلا يكون صعب شوية على اللى لسه واخده
بس معلومة هو الفرنساوى فى اوله كده و بعد كده هتلاقيه فل معاكى
فحاولى تجتازى المرحلة دى عشان متحسيش بأى تعب

بس انا عن نفسى حاطط فى دماغى ترابيس من الجغرافيا و التاريخ و مستحيل اقول عليهم سهلين

ان شاء الله وربنا يوفقنا

ليه كده هم فعلا رخمين وعايزين حفظ بس يعنى ممكن لو جبت كتب الامتحان تسهلك الموضوع فى الحفظ

وزى ما قولت فى التوبيك عقلك ذى االكمبيوتر اللى هتقوله هينفذه
انا عن نفسى فى تالته اعدادى لما عرفت المعلومه دى قعدت اقول لنفسى الدراسات سهله الدراسات سهله الدراسات سهله لحد ما بابا دخل عليا وقال الحمد لله البنت اتجننت :blush:

فعلا هو الفرنساوى مش صعب على اللى يذاكره
وميرسى على مرورك نورتى التوبيك

ميرسى على مرورك نورت التوبيك::022yb4::022yb4::022yb4::022yb4:

ربنا يخليكى يا حبيبتى نورتى التوبيك وربنا يوفقك