|
حد يقلي رايه في ال guc
انا جبت 98.8 وجتلي المنصوره عشان التوزيع الجعرافي وكده
بس قدمت في الجامعه الالمانيه علي اساس مستوي الدراسه هناك اجمد ( هندسه ) وكده اتقبلت وكله تمام بس كله قلي ازاي وكده ومجموعك وهتساوي نفسك مع الي جايب مش عارف كام وخاصه منظره و الخ بقي من الكلام ده فاكيد محدش فيكم هيقلي حاجه تضرني فكل واحد يقلي رايو فيها من الناحيه العلميه وهي فارقه عن الحكومي وكده ولا منظره وخلاص وربنا يوفقنا كلنا ان شاء الله |
افضل جامعة ف مصر ف الهندسة
تعليم فيها هناك ممتاز انا مقدم فيها برضه مجموعي 92 سؤال ..هما بعتولك ايميل الرد ؟ |
كويسة جدا سيبك من رغي المصرين وشوف مستقبلك وبعدين الي جايب 80 او 75 ودخلها دا مش ممكن كان عندو ظروف وهيذاكر سيبك من رغي المصرين
|
انا مش هقولك رايي بس هقولك راي الي في سنة خمسة guc
ادخل علي youtube اسم الفيديو Voice Of GUC : Why did you join the GUC Part 1 |
احسن هندسة في مصر
انا جايب 99.5 و دخلتها و لقيت طلاب متفوقين كتير داخلنها انا ترتيبي في المجموع علي اللي داخل قاهرة 8 في الguc انا رقم 12 فمحدش يضحك عليك و يقلق الطلاب الفشلة كتير و كده و 6 من اوائل الثانوية العامة دخلوها خلاص علي فكرة هما بيقبلوا من مجاميع عالية جدا يعني اللي سمعته انه لحد دلوقتي اقل واحد اتقبل 93% و لسه هيكلموا ناس تانية بس مش هينزل عن الرقم ده كتير ، المجاميع القليلة الوحيدة اللي ممكن تتقبل اللي بيعملوا early admission و دول بيبقوا نسبة قليلة اصلا |
ياهووو mostafa_nagy01
|
|
اقتباس:
|
بص لو ميسر ليك ادخل طبعا اوعى متتدخلش ودة مش عن سمع زمايلى فيها هندسة وصيدلة واحدة اتخرجت بيشتغلوا فى اكبر الشركات الهندسية باعلى مرتبات متخرجة السنة دى وبتاخد 8 الاف اول مرتب ومن غير واسطة مجرد اسم ال gucبس تعليم وتدريب على اعلى مستوى منظرة اية بس وعلفكرة الجامعة مبتقبلش اى حد ابن الرئيس محمد مرسى اترفض يعنى الجامعة رائعة ومستوى تعليمى ممتاو انا فى جامعة 6 اكتوبر علاج طبيعى زلز كان فى فى gucعلاج طبيعى كنت دخلت هناك بلتوفيق
|
يعني انت اتفرجت علي الفيديو ايه الي جه في بالك من ناحية الجامعه
|
طيب رايك برضه قوله اكيد لو تعرف حد دخلها كده
|
انا سالت ناس جوه الجامعة و ناس في المانيا و ناس في سوق العمل
و كله بيقول انها رائعة جدا و بتقدم مستوي تعليمي عالي اللي لازم تعرفه حاجة بسيطة جدا ان المزايا بتاعة الجامعة بيستفاد منها الطلبة اللي بتتفوق فيها لان هما دول اللي بيسافروا يدربوا بره و انا اعرف شخصيا ناس مسافرة و ناس بتدرب بره لو هتبقي طالب عادي مش هتفرق كتير عن اي جامعة تانية في مصر |
اقتباس:
هما نوعين نوع اللي يحسسك انه اتظلم في الجامعة و اتنصب عليه و كده و جزء تاني يحسسك انه في احسن جامعة في مصر و غالبا دول بيبقوا طلبة متفوقين و بيجيبوا تقديرات عالية جدا انا لسه بحاول اعمل فكرة عن الجامعة بس اللي ابتديت افهموا ( احتمال صح او غلط ) ان كل اللي داخل الجامعة كان فاكر انه هيسافر المانيا علي طول و يبقي مهندس عالمي و الشغل ده و ده في رايي تفكير ساذج جدا و الطلبة هنا اتقسمت جزئين جزء اكبر اللي يعتبر طالب عادي بينجح و ممشي اموره في الجامعة بس مش حاسس انه خد اللي متوقعه و ده غالبا بيقولك انه مقلب كبير بالذات مع الصعوبة اللي سمعت طلبة كتير بتعاني فيها جزء تاني و ده الطلبة المتفوقة شويه اللي بتجيب تقديرات عالية و دول اللي بيهتموا بيهم جدا في الحامعة و اللي بيسافروا بره و منهم بيعمل الماستر بتاعه بره و دول اللي سمعت منهم ان الجامعة ممتازة يا تري فكرتي صح و لا غلط ؟؟؟؟؟ |
اكيد صح طبعا
|
اقتباس:
اخيرا لقيت حد بيفهم فعلا كلامك مظبوط احب اطبقه على الجامعات الاخرى كل ما تسأل واحد عن جامعة او معهد او اكاديمية يقولك انها بايظة و النجاح عادى سواء ذاكرت او لأ فى حين انك ممكن تلاقى ناس بردو بيقولولك انها احسن مكان و الجملة دى بتقولها العيال اللى خايفة على مستقبلها و عايزة تفرح اهاليها و تشرفهم .... طبعا guc لا غبار عليها و خصوصا فى الهندسة و انا فى رأيى انها احسن من الامريكية ..... انا طارق ملتحق حديثا بمودرن اكاديمى و اللى كل ما اسأل على النت يقولولى و حشة و النجاح عادى بس انا لما رحت اقدم لقيت ناس جايبة تقديرات عالية و بيقولولى ان الكلام ده غلط اللى عايز ينجح بينجح فقط بمجهوده و اللى مش عايز يسقط .... و ربنا يوفقنا جميعا |
| جميع الأوقات بتوقيت GMT +2. الساعة الآن 03:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.