"عروستى أكبر منى".. الجوازة دى ممكن تتم
 

"طول عمري كنت بقول إني لازم أرتبط بفتاة أصغر مني، العادي يعني، لكن عندما قابلت زوجتي حاليًا خطفتنى وأعجبت بها جدًا، ولم أسألها عن عمرها، وعندما عرفت أنها أكبر مني بـ3 سنوات لم أهتم لأن شخصيتها جذبتني، ووجدت فيها كل المواصفات التي كنت أحلم بها".
الكلمات السابقة قالها الشاب "أحمد"، 28 عاما، لكنها لا تعبر عن حالة فردية فقط، بعد أن انتشرت بكثرة زيجات بشعار "حبيبتي أكبر مني"، خلافا لما كان سائدًا أن الشاب يتزوج من هي أصغر منه.
ففي السنوات الأخيرة لم يعد السن معيارًا للزواج بين الشباب، فنجد الشاب وأهله يوافقون على أن يتزوج من هي أكبر منه سنًا، وأن تتزوج ابنتهم من هي أصغر منها سنًا.
لكل شاب: هل تقبل بزواج فتاة أكبر منك؟
ولكل فتاة: هل تتزوجين شابًا أصغر منك؟

عادى اققبل بس لازم يكون انسان محترم واهم حاجة يتقى ربنا فيا وفى الناي لانة لو عمل كدة عمرى مهحس بقرق السن

وانا معاكِ حبيبه

مش بفضل إن البنت تكون أكبر
لأني بحس إننا ماشاء الله أعقل منهم
:d
ف مش ناقصه يبقا صغير

هو اكيد شرعا وقانونا وكل حاجة دى حاجة طبيعية جدا لكن احنا هنا فى مصر اتعودنا على شوية حاجات صعب نقدر نكسرها فده مش بيكون مقبول فى مجتمعنا اوممكن تكون القضية مش صعبة اوى فى المدن زى عندنا فى القرى وخصوصا ان احنا عندنا الزواج بيكون تقليدى مافيش افكار الحب والكلام ده فالبنت اهلها مش هيوافقوا على حاجة زى كده لان الناس هبصوالها انها مش لاقية عريس وبرده الشاب بينظرواله على انه طمعان فيهالو عندها فلوس ولو مش عندها يبقى بيجيب واحدة اكبر منه عشان مايغرمش كتير انا بصراحة مش بتقبل الحكاية دى بس هى مش غلط

ايوه عشان كده عندنا بلاحظ ان الناس مش بيوافقوا حتى على ان العريس يكون من نفس سن العروسة لازم يكون اكبر بحوالى من 3ل5سنين بس انا من وجهة نظرى فرق اكتر من5سنين دى برده مش مقبولة:)

عمتاً ,, ظاهره إن العريس يكون أصغر م العروسه مش منتشره

الموضوع بيرجع لثقافه الاسرتين ومدى تمسك كل من الفردين بالاخر ( العريس والعروسه)

مينفعش نسميها ظاهرة

ممكن نقول حالات شاذه فى الزواج المصرى

هو شرعا وقانونا وكل حاجة ينفع
ولكن من رأيى انه لازم يكون اكبر منها
دا مش بعيد لو الواحدة اتجوزت اللى اصغرمنها تكون ضربته ايام الحضانة