|
ساعدونى بالرد
انا نفسى ادخل علمى علوم الناس بتخوفنى من الفيزياء وبتقول عليها زى مادة المكانيكا وصعبة وبيقولوا زى مادة الرياضة وانا مبحبش مادة الرياضة ممكن تساعدونى اعمل اية
|
فيزيا ايه يا عم اللي صعبة ؟ هي الناس بتقول كلام كده بالفاضي ؟
معلش أنا راجل جربت أنواع من الفيزيا وما أدراك ما فيزيا هندسة بس أقدر أقولك انك لو حبيت الفيزيا هتندم انك كرهتها في يوم من الايام التعامل مع الفيزيا سهل للغاية ... كل اللي عليك انك بتقرأ الموضوع مرة شاملة كده قراءة عادية جداً وتبتدي تحلل الموضوع جزئية جزئية وتشوف السؤال على الجزئية دي جه شكله ازاي في امتحانات سابقة وتسأل وتجاوب على نفسك وتخليك ملهم الحس وتدرك المعنى الفيزيائي اللي قدامك فعلاً ... لو عايز تفهم فيزيا ... أما لو عايز تجيب 50 في الفيزيا فإحفظها و حل تمارين فيها كتير ... لكن الفيزيا في حد ذاتها هي الحياة ... بعيب على اللي بيسمي الفيزيا بـ " مادة " ربنا يوفقك ،،، أي أسئلة اتفضل قولها |
شكرا
شكرا يا بشمهندس بس كنت عايز اعرف حاجة هى الفيزياء كلها رياضة زى ما بيقولوا اصل انا مبحبش الرياضة
|
اقتباس:
لا فيزيا ثانوي مفهاش رياضة بالدرجة اللي تتسمى رياضة فعلاً ... لكن فيها حاجة بسيطة تساعد في فهم الفيزيا ولو مفهمتهاش هتضطر تحفظها .... درس مثلاً زي الحركة الموجية ... http://www.easyscience.org/school/ph...e/pendulum.gif http://1.bp.blogspot.com/_O50u8iaXo2...%25D8%25A9.JPG http://www.easyscience.org/school/ph...one/water1.gif انت بتاخد الشكل ده بتاع الولد اللي بيرمي الحجر مع انه في نفس الوقت هو المنحنى ده .... :o اه هو والله بس الفرق ان الأولي دي حقيقة لكن الشكل ده تعبير عن الحقيقة وأكتر وصف من الحقيقة ... http://upload.wikimedia.org/wikipedi...motion.svg.png شايف تولد الحركة الموجية ؟ أهي دي الموجة يا سيدي بس بالرياضة :) http://www.easyscience.org/school/ph...ch/one/shm.gif انت شايفه بالنسبالك معقد لكنه سهل للي بياخد رياضة ... يعني ده علاقة بين الزمن والإزاحة شوف أهوه بمجرد ما قولت علاقة تتلاقيك اضايقت دلوقتي :) مع انه بسيط جداً... وأنا مش بصدد اني أشرحه دقولتي بس أنا ببين لك اللي فاهم من اللي مش فاهم .... ولما تتقدم في المنهج أكتر ان شاء الله هتفهم أكتر بس شغل دماااااااااااااااغك لأن طول مانت حاطط في دماغك ان الرياضة عقدة فهتكون إلى حدٍ ما مش مفهومة ... لكن سهل تجيب 50 فيها ان شاء الله ... بالتوفيق يا دكتور :) |
شكرا يا بشمهندس كتير على مساعدتك لو ممكن تجيب لنا موضوع كيف ازاكر فيزياء تبقى عملت فينا خير
|
اقتباس:
وربنا يوفقك ان شاء الله ويوفق كل الطلبة ... |
thank
thank you Engineer for beautiful reply
|
اقتباس:
|
لو بتحبها دوس ومتخفش
بصراحه انا عمري مفهمت فيها حاجة وكان عندي مشاكل في المواد العلمي خصوصا هي والكيمياء ههههههههه كنت بحب البايو شوية |
الفيزياء سهلة جدا والله ما فيها مشكلة
و ع فكرة نفس موقفك انا كنت فيه وبرده الناس بتقول الفيزياء تقيلة وعلمى علوم مش بينفعو فيها ياه كلام ياما اوى ولسه ح تسمع ههه حتى بعد ما تخلص الفيزياء و تحبها ح تسمع نفس الكلام ما تخافش اطمن سهلة والله واسال مجربين |
الفيزيا كنت حاساها صعبة اوى قبل ما ادخلها بس بعد كده بعد ما خلصت حاساها سهلة
بس انا شايفاها مسائل ورياضة بصراحة يعنى انا مستغربة ردود اللى بيقولوا ان مفيهاش رياضة خالص ,,, يعنى الفيزيا تقريبا 95% فهم والباقى ممكن حفظ وممكن لا يعوز فهم برضه بس على فكرة اللى بيذاكر اول بأول وبيحرص على الحل من اول السنة ومراجعته بتبقى تمام وبرضه بيكون عند مدرس شاطر وبيحل عمره ما هيستصعبها يعنى لازم يبقى عندك نية انك مستعد تبذل مجهود لانك لو عايز تدخل كلية من القمة هتاخد فيها شوية فيزيا برضه فى الاول |
| جميع الأوقات بتوقيت GMT +2. الساعة الآن 06:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.