سؤال بخصوص اللاب توب
 

دلوقتي انا دخلت علوم حاسب فأنا كده يعتبر متخصص من أول سنه فانا عايز اعرف ايه مواصفات اللاب اللي انا هحتاجه و ايه المميزات اللي لازم تكون فيه ؟؟؟

core i 5 processor - 4 gb of ram - 500 gb hdd - 1gb graphics عالاقل

طب يا بشمهندس مؤمن تنصح ان اللاب توب يكون ماركة ايه او شركة ايه؟؟ و ف نفس الوقت يكون سعره كويس شوية

على فكرة انا اللاب توب بتاعي ألماني الصنع siemens fujitsu ah531 وشغال تمام الحمد لله وداخل عالسنة , انا كنت عاوز اجيب ديل او اتش بي او توشيبا بس لقيتهم بيتقفلوا فى الصين ولقيت سيمنز ألماني اصلي ففضلته عليهم للسبب دا , هات واحد فى حدود 3000 جنيه وهتكون امكانياته اللى انا قولتها فوق سواء ديل او اتش بي او سيمنز او توشيبا او لينوفو او اييسر او اسوس او سامسونج المهم مش تطلع برة القايمة دي :)

تمام...انا ممكن اشوف سامسونج او ديل او توشيبا او اتش بي...بس مش عارف ليه بستريح لمنتجات سامسونج :)

اهم حاجة يكون ليه ضمان وتوكيل .

شكرا يا معلم مؤمن دابما مظبتنا كده :d ربنا يخليك والله :d

هههههههههه حلو اوي اللقب دا بيحسسني اني صاحب محلات فاكهة :)

بقولك يا بشمهندس مؤمن هوه اللاب هنحتاجه ان شاء الله من اول سنة اولى ولا ممكن يتأجل أصل انا كنت هجيب حاجة سوني عاليه شويه ف كنت عايز آجله شويه

و انا كمان عندي نفس السؤال لأني عايز اجيب حاجة من الأخر بس قدامي كام شهر على ما قدر اشتريه...
و كنت عايز اسأل هو اللاب توب احسن ولا الكمبيوتر الديسك توب...يعني انا ممكن اجيب كمبيوتر بمواصفات عالية جدا و كويسة او اجيب لاب توب.. انهى افضل؟؟

الف شكر يا بشمهندس...انا خلاص قررت اجيب لاب توب باذن الله و احتمال كبير اوى اجيب سيمنز الالماني زي اللي معاك لان في اكتر من واحد رشحهولي عشان سعره كويس و امكانياته عالية

الشكر لله , ألف مبروك مقدماً يا باشمهندس ايهاب وبالتوفيق دايماً يارب واوعى اما تكبر فى الكلية تستخسر مشورة لطلاب جداد لأن بجد زي ما لقيت ناس ساعدتك ووقفت جنبك وانت فى البداية لازم تعمل زيهم وتقف جنب ناس اصغر منك عشان ربنا يباركلك فى مذاكرتك ومستقبلك ان شاء الله .

الله يبارك فيك...
انا مهما كبرت مستحيل ابخل على اي حد باى معلومة مهما كانت تافهه او صغيرة لانها اكيد هتفرق معاه كتير زي ما انتا مبتبخلش علينا بخبرتك دايما يا بشمهندس :)
و ربنا يوفق الجميع