|
Help : ازاى اجيب درجه حلوه فى الانجليزى
ازيكم كلكم
عاملين ايه يارب تكونوا بخير انا النهارده طالب مساعده منكم و ياريت تساعدونى انا فى 3 ثانوى و نفسى اجيب درجه حلوه فى الانجليزى و مش عارف اشتغل ازاى السنه دى فى الماده الغبيه دى انا وقعت فى 2 و مش عاوز اقع فى 3 ياريت تساعدونى احل كتب ايه و الورك بوك ايه نظامه و لو فى كتاب فيه اجابات قولولى عليه و انا معايا كتاب سنيور لكن ناس بتقولى وحش بعد ماجبته و لو حليت مش هعرف اصحح لنفسى ياريت تقولولى اعمل ايه فى انجليزى 3 |
بص أنا مش هقولك غير انك تحل كتيييير وتراجع الحل مع المستر وتقريبا الملخصات كلها واحد يعني المنهج واحد بس اللي بيفرق طريقة عرض المادة في كل ملخص فشوف انت مرتاح لانه ملخص واشتغل منه وبعدين الانجلش ده بالزاد انت اللي تقدر تحدد تذاكره ازاي؟؟ يعني شوف ايه نقاط ضعفك فيه يعني مثلا لو ضعيف في القواعد فحاول تشوف أستاذ يكون شرحه كويس وتفهم منه القاعدة وتحل عليها أما لو كان الترجمة عشان القطعة أو البرجراف أو حتي سؤال الترجمة فدي حاجة انت تقدر تحلها بنفسك في انك تحفظ أكبر قدر من الكلمات وكمان تتدرب علي سؤال find the mistakeكتير لانه هو اللي بيضيع درجات في الامتحان |
مشكله الانجلش ان الامتحان نصه بس ويمكن اقل من نصه هو إللى من المنهج والباقى مجهودات ذاتيه منك إنت |
اقتباس:
21 درجة من 50 درجة الباقى كله skills |
اقتباس:
صح كده عندك حق فعلا |
انا مش عارفة المفروض اقول رايى فى الانجليزى ولالا لان مجموعى النهائى فيه 47ونص بس اقدر اقول ايه سبب نقصى انا فى تانية كنت مهتمة الى حدما وكنت بحفظ الكلمات اللى علينا وكلمات من بره المهم فى اخر السنة الحمدلله نقصت نص درجة بس وياريت الناس تهتم بجد سهل جدا تجيبوا النهاية بس انتوا ذاكروا جيت فى تالتة وقلت انا مستوايا كويس فى القواعد وبعدين انا مش محتاجة احفظ كلمات من بره وشوية وقلت مش لازم درس الانجليزى اصلا وهبقى اذاكر الكلمات الجديدة كل فترة وده لانى كنت عارفة انى دايما مش بغلط فى القواعد او كده وجيت فى الامتحان واخدت عقابى على الغرور ده وفعلا ماغلطتش فى القواعد لكن غلطت فى القطعة ونقصت فى قطعة واحدة درجتين اتنين ودى حاجة صعب تحصل لان كده تقريبا عندى نقطة واحدة فيها صح وده كان عقاب ليا عشان التقصير المهم ماحدش يقول انا هنقص عشان مستوايا وحش فى الانجليزى اللى هيذاكر هيجيب اعلى من اللى مستواه كويس اهم حاجة تهتموا باللى المدرس يقول عليه وماتقيموش مستواكم
|
انت احفظ كلمات وحل كتير بس وافهم الجرامير بس
كده هتكون تمام وهتجيب درجة كويسه جدا |
اقتباس:
طب واللى ضعيف ف كل دا :rolleyes: |
اقتباس:
احفظي كلمات ترجمة كتير وذاكرى الجرامر كويس انا على فكرة في سنة تانية كنت بروح درسين في الانجليزي بس درس طول السنة والتاني كان معاه ايام المراجعة كده وجبت 24/25 بس مش ناوى اكررها تاني :av4056bb7jp3: |
اقتباس:
بس عندنا مدرس ف المدرسة مشاء الله عليه أكيد سمعت عنه الأستاذ السيد السيسى دا كان بيقولى انتوا لازم تفتحوا القاموس وتقراوا فيه وتشوفوا حروف الجر والحاجات دى .... طيب كنت بتروح عند الأستاذ مسعد ولا الأستاذ أحمد أبو هولة ولا الأستاذ أحمد أبو غنيمة ونهون فيهم أحسن |
شكرا على درودكم دى كلها و مساعدتكم
لكن انا باردو بحس انى مهما عملت مش هوصل لحاجه لانى مهما حليت مش هعرف انا صح و لا غلط |
اقتباس:
انا بروح عند الاستاذ مسعد اما روحت مراجعة كنت عند ابو هوله بس مش سبت مسعد انا في 3 دلوقتي عند مسعد انا معاه من اول اولى ثانوي يعني من ساعة اما جيت مصر مجربتش حد تاني |
اقتباس:
|
اقتباس:
يعنى كدا أروح درس واحد وخلاص :rolleyes: |
طيب تسمعوا عن كتاب جيم الجديد بيقولوا حلو
حد جابه |
| جميع الأوقات بتوقيت GMT +2. الساعة الآن 10:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.