|
كثيرون حول السفارة قليلون حول الرسول
فى البداية اعتذر عن اللغة العامية في الاول و قبل ما أكتب اي حاجة . انانا عارف ان كلامي مش هيفهمه كل اللي هيقرا النوت و في ناس ممكن ترد كدا بالبركة من غير ما تقرا كل الكلام اصلا .. الرجاء التروي قبل الرد . لما حد يحب يقول رأي موضوعي في اي شيء لازم الاول يتجرد من كل الانتماءات الفكرية و العقدية و ينظر للموضوع من نظرة مستقلة فوقية . يطلع من جسمه و يتخيل نفسه كائن مريخي بيزور الارض للاطلاع علي الاحوال الجارية و دا اللي هعمله في كل نوت هكتبها بعنوان لماذا . كما هي العادة لما بفكر في اي حاجة . مبدأ علمي في الاساس Non-biased judgementدلوقتي في اي مجتمع متحضر البشر وضعوا مجموعة من القوانين المنطقية لتحمي الانسان من جور و ظلم الانسان الاخر ليكون الكل في مجتمع يسوده سلام اجتماعي في العالم .. و سموها "حقوق الانسان" . و المفروض كل دولة تحترم القوانين المنطقية دي .واحدة من حقوق الانسان دي اسمها حرية التعبير .. حرية التعبير تعني انك تملك الحق في قول ما تشاء عما تشاء وقتما تشاء طالما لا توقع ضرر بالتعدي علي حقوق الاخر المباشرة في 3 نقاط 1- التحريض علي عنف "تعريض حياة الاخر لخطر" 2- التفرقة العنصرية "بايقاع ضرر بجرائم عنف او كراهية علي فئة معينه" 3- التشهير بتلفيق تهم بلا دليل " ايقاع ضرر مادي بتشوية السمعة بلا مبرر او سند ..ضرر مادي" ما دون ذلك لا يمكن تجريمة.في دولة زي الولايات المتحدة او بريطانيا او فرنسا او النرويج او الدنمارك و غيرها من دول غرب اوروبا و امريكا الشمالية و بعض دول أسيا ما يسمي دول العالم الحر .. لا يملك مخلوق حق سلب تلك الحرية (او غيرها عموما) لأي اسباب سوي المذكورة اعلاه.و دا نص الاعلان العالمي لحقوق الانسان Article 19. Everyone has the right to freedom of opinion and expression; this right includes freedom to hold opinions without interference and to seek, receive and impart information and ideas through any media and regardless of frontiers. http://www.un.org/en/documents/udhr/index.shtml ---------- دلوقتي بعد ما تم ذكره ... يا تري لماذا بالظبط يتم التظاهر و الاعتداء علي السفارة الامريكية في مصر و القنصلية بالار بي جي في ليبيا ؟!الاسباب هتتقال انها غيرة علي الدين من المعتدين طيب يا عم الحاج ايه علاقة مؤسسات ديبلوماسية رسمية بناس عملت فيلم من سكان هذة الدولة ؟انت مش واخد بالك ان الحكومة الامريكية متقدرش تمنع مذيع في القنوات الامريكية انه يشتم الرئيس علنا ؟هم المفروض يعملوا اية بالظبط ؟هيرد و يقول في الغالب .. الامريكان الكفرة أعداء الاسلام بيشتموا أشرف الخلق و نسكت يعني ..يا سيدي دي جهة رسمية .. "أمريكا" كدولة لا تملك أصلا منع اي رأي داخلها سواء ضد الاسلام او معاه او ضد الاديان كلها او ضد المسيحية او الهندوسية و لا اي عبده حجارة حتي ..ثم أن منين امريكا عدوة للدين الاسلامي ؟.. اذا كانت الدعوة الاسلامية داخل امريكا تعمل بمنتهي الحرية في الشوارع و علي الانترنت و علي القنوات الاسلامية و في محطات راديو و مساجد و مراكز دعوية و مصاحف مترجمة ؟ أصل يا عمنا هناك في حاجة كدا اسمها حرية العقيدة .. من حق اي شخص ان يعتقد و يجاهر بالاعتقاد بما يشاء و الدولة تحميه علي عكس بلادنا المتخلفة اللي فيها تهم زي التنصير و التبشير و نشر التشيع و غيرها يعني لو هما بلاد مسيحية و هي علمانية مش مسيحية .. يبقي هما مش بيحاربوا دينك انت اللي بتحارب دينهم .. ممكن افهم فين العداء للاسلام دا ؟ انت فكرت في اللي بتعمله ؟ يعني عندك اي هدف واضح ؟معتقدش خالص الصراحة الاسباب هنا مش منطقية و لا براجماتية و لا تهدف لأي شيء ... زي معظم الافعال المرتبطة بالايمان الديني .. بتكون سيكولوجية دفاعية غير ممنطقة ... انما لسد أي زعزعة و أو حتي أحساس بنقص القدسية عند الاخر .. و دي بالذات عشان تتشرح صح عايزة صفحات .. لكن أختصارا the undermining of a death denying belief is always an exaggerated psychological defense mechanism. أجابة سؤال لماذا المرة دي هو واحد من 3 في الدوافع لكل من نزل و شارك في التظاهر او الاعتداء (مع العلم ان التظاهر حق و لكن الاعتداء و التهديدات مش حق اولا شخص مسلم عادي شعر بالاهانة و وجه رد الفعل للعدو التلفزيوني الاعلامي الشعبي و هو الغرب عموما و أرض الدولة المضيفة لأصحاب الفيلم .. من غير ما يفكر كتير .. بس هو غضب بيطلعه من جواه و الصراحة الغلط مش عليه قوي زي ما هو علي التربية و الثقافة المنعدمة في أرض الكنانة و في بلاد العرب عموما .. هتقولي يعني ازاي لا تغير لا دينك و سب الحبيب .. هقولك كلمة الغيرة علي الدين . هي الغضب و الشعور بالرغبة في الدفاع عن الدين .. و لما يكون الهجوم بشكل فكرة .. الرد بيكون فكرة .. و لما يكون في شكل دراما تروي قصة يبقي الرد في تفنيد القصة و توضيح الحقيقة .. و توجيه البوق الاعلامي للرد علي المحتوي .. انما لما يكون في فكرة مش عاجباك و ردك يكون العنف يبقي انت مش مجني عليه انت معتدي و ارهابي رسمي .. ترهب الاخر لتسكته و في العصر دا مش ممكن يحصل اصلا.و لما يكون في اهانة بالسباب .. الافضل ليك ان تترفع عن المهين لأنه بيهين نفسه مش غيره .. و أخيرا .. للدين رب يحميه .. صح ؟و انت و غيرك و كل المسلمين و أصحاب الديانات كلهم .. مش أصحاب ملكية فكرية علي اي شخصية تاريخية او كتاب مقدس .. انما يقدسونه فقط ... و ما تقدسه انت و انا لا يقدسه غيرنا و العكس بالعكس ثانيا .. واحد تاني .. انت نازل ليه ؟ هما اللي قالولي ...طيب انت شوفت الفيلم لأ يا بيه طيب تعرف اية اللي اتعمل فيه مسيء ؟لأ و الله أمال نازل لية ؟عشان ادافع عن رسولنا الكريم عليه الصلاة و السلاممين اللي منزلك يعني ..هما قالولنا في المسجد هنروح و نتظاهر رحت معاهم(AKA the blind follower).... و دول بقا .. أصحاب الجماعات الاسلام السياسي .. لقوا فرصة ذهبية قبيل الانتخابات البرلمانية لخلق حالة نزاع اسلامي مسيحي عشان يتم استغلاله كويس في الشارع بلصق تهمة "مرشحين الكنيسة" و الاستفادة منها بغض النظر عن أي أضرار للدولة و الافراد .. المهم الكرسي و كله لعب سياسة ثالثا .... انت نازل لية عشان أطالب بمنع الفيلم من العرض و أطالب بطرد "أقباط المهجر من مصر" و نقل السفارة الامريكية لأمريكا و دا بقا اللي مش عارف حاجة في اي حاجة و اهي زيطة و بنظبط مع الناس ---------------------تحياتي للجميع و تذكروا اني حاولت الحيادية علي قدر المستطاع للخروج بأفضل تفسير للحدث |
الله اكبر و السفير خنزير وغنيمة! انا مذهول كيف يرأنا هذا الغرب الاحمق همج ومتخلفون .. منتهى التحضر ايها السادة http://a1.sphotos.ak.fbcdn.net/hphot...87727023_n.jpg http://a8.sphotos.ak.fbcdn.net/hphot...61293574_n.jpg قال رسول الله صل الله عليه وسلم من امن رجل على دمه فقتله فانا برى من القاتل وان كان المقتول كافرا قال فضيلة الشيخ : محمد متولى الشعراوى كنت أناقش أحد الشباب المتشددين : فسألته هل تفجير ملهى ليلي في إحدى الدول المسلمة حلال أم حرام ؟ فقال لي : طبعا حلال وقتلهم جائز .. ... فقلت له : لو أنك قتلتهم وهم يعصون الله ما هو مصيرهم ؟ قال : النار طبعاً .. فقلت له : الشيطان أين يريد أن يأخذهم ؟ فقال: إلى النّار طبعاً فقلت له : إذن تشتركون أنتم والشيطان في نفس الهدف وهو إدخال النّاس إلى النار ! وذكرت له حديث رسول الله صل الله عليه وسلم لمّا مرّت جنازة يهودي أخذ الرسول صل الله عليه وسلم يبكي فقالوا : ما يبكيك يا رسول الله ؟؟ قال : نفس أفلتت منّي إلى النار فقلت له لاحظ الفرق بينكم : كيف تفكّرون وبين رسول الله صل الله عليه وسلم الذي يسعى لهداية الناس و إنقاذهم من النار ! أنتم في واد والرّسول صل الله عليه وسلم والإسلام في واد أخر الاسلام دين يسر ودين معامله حسنه وكلمه طيبه |
|
|
السلام عليكم
جزاك الله خير روعة استاذ ساهر المفكر الأسلامى الشاب الأستاذ ساهر عبد العزيز |
|
|
مصر:لا تحرك رئاسى سوى الشجب والادانة .. التحرك الشعبي منتهى الهمجية الهند:التحرك الرئاسى شجب وادانة .. التحرك الشعب عمل اكبر فيلم عن حياة الرسول بريطانيا: شجب وادنة .. الاقلية المسلمة والمنظمات المسلمة نشر الاف النسخ من القرأن المترجم وتعريف بحياة الرسول |
اقتباس:
شكرا لك يا محمد |
ولكن نتجه الأن الى النقد البناء
عفوا الم يضطهد المسلمون فى بورما؟؟؟ ألم ترفض بعض الدول الحجااااااااااااااااااااااااب ؟؟؟؟؟؟؟؟؟؟؟؟؟؟؟؟؟ كلام حضرتك رائع جداااااا ولكن كيف نرد على من تجرأ وغلط فى رسولنا الكريم صلى الله عليه وسلم ؟؟؟؟؟؟؟ كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
|
اقتباس:
اقتباس:
هذه احد اوجه الرد يا محمد باستثناء بلد ال90مليون |
اقتباس:
هذا بجانب الملاحقة القانونية لهؤلاء المتطرفون ... ثانيا الايمان التام ان الرد الافضل هو الرد بعد مدة طويلة .. اى نسيان الخلافات فيما بيننا والعمل على مصلحة مصر فقط .. هل تعلم ان هذا الامر قام العديد من الكتاب باستغلاله سياسيا للتشكيك فى دين المعارضة .. لا تتصور حجم الاهانات التى يتلقها التيار اليسارى .. الذى هو جزء من الوطن من من يظنون انهم ممثلون للاسلام .. بجانب ان كل شخص يلتزم بمبادئ الاسلام فى حياته .. وسريان حمة علمية فينا تجعلنا فى مصاف الدول المتقدمة .. واتباع الاسلام ايها السادة وليس شيوخه |
اقتباس:
ممكن حضرتك توضح الكلام الى حضرتك كاتبه |
السلام عليكم
اولا استاذ ساهر بخصوص اللي حصل امبارح فكان اثاره لكلام الاخ اللي كان عامل الردود وبلاش نتكلم في الموضوع ده تاني وعلي العموم انا عن نفسي اقولك انا اسفه لسوء التفاهم اللي حصل بس كان كلامي كله مش موجه لحضرتك والله وبخصوص الموضوع ده احب اشكرك علي الموضوع وجزاكم الله خيرا تقبل مروري |
| جميع الأوقات بتوقيت GMT +2. الساعة الآن 10:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.