|
استفسار.....
السلام عليكم ورحمة الله وبركاته ياجماعه كان فى استضافه للدكتور يسرى الجمل وزير التربيه والتعليم فى برنامج "البيت بيتك" لو فى حد هنا شافه بصراحه مش فاكره امتى بالظبط بس كان بيقول ان دلوقتى فى سنه فاضيه (اولى ثانوى) فى سنة 2010 هيبقى الصف الثالث الثانوى هو اللى فاضى يعنى هيبقى فيه الراسبين واللى مأجلين مواد فقط هيبقوا حوالى 10000 طالب وكليات القمه زى الطب والهندسه وكده وبالذات الطب فيها كتير يعنى مش محتاجه فبيقولوا انهم هينزلوا التنسيق يعنى الطب مثلا بدل ما كانت بتاخد من 99% هتاخد من 95% بس والهندسه كذلك والله اعلم انا مش متاكده بصراحه بس اللى يثبت الكلام ده انه كان بيقول ان فى طلبه السنه دى ممكن تأجل (تسقط نفسها) علشان تدخل السنه الفراغ دى بصراحه انا كل ما اكلم حد يفكرنى بهزر والموضوع ده مضايقنى اوى ياريت لو فى حد يعرف حاجه عن الكلام ده يقولى ضرورى علشان انا مأجله ماده من اول السنه ومش عارفه ايه اللى هيحصل فى السنه اللى هدرسها فيها ارجو الرد فى اسرع وقت ممكن وربنا يوفقنا جميعا يارب استودعكم الله |
مفيش حد هيرد عليا ولا ايه؟؟؟؟؟؟؟؟؟؟؟؟؟؟؟؟
|
بصى يا ستى
أولا كلامك مش مضبوط ليه؟ لأن الناس دى مش عبيطه الناس دى عارفه ودارسه قبل النظام دا وثانيا كليات القمه إستحاله تنزل عن المجموع الخاص بها والكليات بدل ما تاخد 1000 لا هتاخد 10 لان إستحاله واحد جايب 80/100 مثلا يدخل ألسن أو جايب 90/100 يدخل طب وتيقنى إن الناس دى عامله دراسه جدوى قبل ما تطبق دا |
اقتباس:
|
اقتباس:
بالنسبه لكلام حضرتك انا فكرت فى كل ده ومع احترامى لحضرتك احب اوضح حاجه بسيطه انه هيبقى فيه طلبه راسبين وطلبه ماجلين مواد ففى السنه الفراغ دى هيكون العدد قليل هيودوه فين؟ ولو رفعوا التنسيق مش هيلاقوا طلبه تدخل كليات القمه وممكن يظلموا ناس تانيه فينزلوا التنسيق بحيث يقدروا يوزعوا الطلبه على الكليات والطب مثلا بدل ما تاخد 1000 تاخد 100 بس يعنى هتبقى دفعه قليله من الطلبه يعنى كل كلية طب هتاخد 100 مثلا يبقى كليات الطب مجتمعه تستوعب 1000طالب وكذلك طب الاسنان والصيدله والالسن والاعلام والهندسه والدفعه لايمكن تقل عن 100 يعنى مش هياخدوا 10 ومن هنا لابد ان ينزل التنسيق كمان ده كلام الوزير مش كلامى يعنى انا مش جبت حاجه من بره او سمعت الخبر ده من حد ده الوزير بنفسه قال كده اتمنى ان تكون قد فهمت وجهة نظرى يا استاذ ضياء وانا بشكر حضرتك جدا على اهتمامك بالموضوع والرد عليه و بسكر الاخت بسمه كمان ولو فى حد تانى يعرف حاجه عن الموضوع ده ياريت يبلغنى ضرورى ولكم منى جزيل الشكر |
انا برضوا عايز اعرف كل حاجة عن الموضوع دة حتى مصاريف الدروس حتتقلب لجزارة ولا اية ؟
انا السنة دى فى تانية والصراحة مش ضامن اجيب 80% لظروف كتير وكنت عايز اعيدها واخدها من الاول وان شاء الله مش حاقل عن 95% بس خايف قوى من حكايت السنة الفراغية دية وبعدين مش حاتفرق معايا اذا كان التنسيق حيقل او حيفضل زى ماهو لانى ان شاء الله مش حاقل عن 95% انا كنت عامل موضوع ياريت تقولولى اعمل اية واسف اذا كنت دخلت فى موضوعك يا eyes_smile دة اللينك بتاع موضوعى ياريت كله يقول رائيه http://www.thanwya.com/vb/showthread.php?t=46700 |
برده مش عرفت اى جاجه عن الموضوع ده
هو مفيش حد بيرد ليه؟ |
مثلا لو فرضنا ان واحد مبيذاكرش جاب 70% و دخل طب طبعا مش حيقدر يستوعب المواد اللى فى الكلية وبالتالى حيسقط فيها كتير ويترفد ويتحول على كلية تانية اقل فى المجموع وهكذا لحد مايثبت على كلية يقدر يستوعب موادها او معهد
يعنى من الاخر النظام دة مش حيطلع دكتور فاشل... ولا اية رائيكم ؟ |
اكيد صح
كمان لو مش اطبق الكلام ده هيعملوا ايه؟ هيقفلوا الجامعات علشان مكتفيه ومش عايزه طلبه ولا علشان الطلبه الراسبين اللى هيبقوا موجودين فى السنه دى؟ طيب والطلبه اللى مأجلين وجايبين مجاميع عاليه ومن حقهم كليات القمه هيودوهم فين؟ اكيد لازم الكليات تكون مفتوحه والا الاهالى كده ممكن تقدم شكوى وتبقى مشكله وقلت قبل كده ان الكليه من هتقبل اقل من 100 طالب واللى ماجلين ممكن يبقى عددهم قليل بالنسبه للكليه الواحده علشان كده التنسيق هيبدا يقل صح كده ولا فى راى تانى؟ |
ياجماعه ايه الكلام ده
دحنا كده دخلنا فى تعليم سلطه ولا ايه وولو الموضوع ده خلاص انا مش هتخل الامتحان وهعد فى البيت لحد 2010عشان ادخل الكليه الا تعجبنى لالالالا ده مش كلام حلو خالص |
بالظبط كده وده اللى الوزير قاله فى البرنامج ان فى طلبه كتير هتسقط نفسها علشان تلحق السنه دى 2010
ميرسى جدا على مشاركتك معانا |
محدش هيسقط نفسه ولا حاجه لأنها سنه مش شهر ولا حاجه هو العمر بعزقه
|
اقتباس:
بس لما تكون السنه دى فيها احتمال كبير لتحقيق هدفك يبقى هتعمل اى حاجه علشان توصله حتى لو كانت سنه..ى سنه يعنى مش 10 يعنى اعتبر نفسك ازهرى يعنى اخدت سنه 6 |
| جميع الأوقات بتوقيت GMT +2. الساعة الآن 02:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.