بوابة الثانوية العامة المصرية - سؤال محير الجميع والاجابة بسيطة !!!

http://www11.0zz0.com/2012/09/13/03/173262671.gif
بصراحة انا مش شايف اننا ممكن نقول ان فى قسم افضل من قسم مهما كان القسم
لان اولا كل قسم وليه مجال شغله
ثانيا كل قسم بيدرس حاجة مختلفة وليه ميول مختلفة
ثالثا من ناحية موضوع الشغل بقى ده واللى محير الناس كلها عمر ماهيكون فى قسم فالكلية موجود ملوش شغل يمكن يكون شغله قليل او شغله كتير
بس اكيد الواحد لما يبقى ظاهر فالقليل احسن من الكتير
يعنىمثلا جيولوجيا عموما سواء جيولوجيا او جيوفيزياء او بترول فعلا فرصها مش كتيرة بس بتخرج منها عدد صغير جدا لايقارن بخريجى قسم الكمياء باى نسبة من النسب
وفى كتير من الناس كميائيين مش لاقيين شغل او بيشتغل فى مكان بعيد شوية عن تخصصه
دخل الجيولوجى او الجيوفيزيائى اكتر بكتير من دخل الكميائيى

الفرص موجودة بس للى حابب الحاجة مش للى كان داخلها عشان يشتغل وخلاص
السنة دى كمان حصل زى السنة اللى فااتت بالضبط بالنسبة لجيولوجيا بترول اللى بتكون بمصاريف وخريجى قسم جيوفيزياء
اللى خدوا اعفاء الجيش كانوا حوالى 5 طلبة وكلهم اشتغلوا وفى ناس من بيترول لسة مشتغلتش

تعرف ليه
عشان لما بتروح تعمل مقابلة وبيحس انك فاهم وحابب الحاجة بجد بيقبلك حتى لو تقديرك مش عالى اوووى
ومنين يجى حب الحاجة الا لو انت فعلا داخلها عشان تدرسها وتسمتع بيها مش عشان الشغل وتدور على شغل
انت لوربنا كتبلك هتشتغل هتشتغل نصيبك هتاخده
فحاول تختار الحاجة اللى انت حابب تعملها او تختار الجزء اللى ممكن تختاره من نصيبك

ادرس اللى انت حابب تدرس وشايف نفسك فيه وعارف انك هتبحث وتعمل حاجة جديدة فيه ومتمشيش ورا رائ اى حد لا ن الميول مش واحدة
http://www11.0zz0.com/2012/09/13/03/433230974.jpg