اجازة سفر
 

كيف اقوم بعمل اجازة للسفر الى الخارج علما باني مدرس بالازهر الشريف
افيدوني افادكم الله

راجع الارشيف المثبت ستجد كل ما يلزمك باذن الله

بص ياسيدى
حات النموذج بتاع الاجازة للتعاقد الداخلى والخارجى من المعهد او المنطقة.
املى النموذج من المعهد .(لاحظ ان الشيخ بيختم 3 اختام: اخر مستطيل اللى فيه اخلاء العهدة / وعلى جنب الورقة بعد انتهاء بياناتك / وخلف الورقة اول مستطيل عند موافقة الرئيس المباشر)

بعد كدة اطلع على المنطقة الازهرية وهما حيوجهوك(حتختم من المنطقة حوالى 11 او 12 ختم + حتدفع مبلغ حوالى 460 جنيه للتكافل)

بعد كدة حتروح الحسين فى مصر وهو حيقولك تعمل ايه بس خد معاك اقرار ذمة مالية فاضى
بعد الحسين حتروح الدراسة المشيخة الجديدة وتدفع حوالى 250 جنيه.وطبعا حتختم شوية اختام بردة حوالى 6 اختام.
بعد كدة حتروح مدينة نصر الحى السابع قطاع المعاهد الازهرية تختم ختم وبعدين جنبه مباشرة مجمع البحوث الاسلامية حتسلم الورق بتاعك هناك وطبعا صورة كارته المرتب مختومة صورة طبق الاصل وصورة التاشيرة والعقد الاصلى والباسبور و 15 جنيه دمغة ودوسية.

طبعا مشوار مصر ده فى يوم واحد بس روح بدرى يعنى تكون فى الحسين الساعة 8.30 او 9.00
بالتوفيق.ارجو ان اكون افادتك وممكن بردة تبحث فى المنتدى حتلاقى الموضوع بالتفاصيل المملة.

مجرد اضافه بسيطه بعد اذن استاذ شريف لو حضرتك مدرس وتخصصك ثقافى لازم تختم موافقه وكيل الازهر من المشيخه قبل ما تروح قطاع المعاهد عشان مترجعش تانى

وبالتوفيق فى اللفه

والدمغه خدها معاك عشان عم صبحى فى البعوث موسه حامى بديك الدمغه والملف ب24 جنيه مع ان تكلفتهم 16 جنيه دا لو مسافر السعوديه

اما بقا لو عمان يا ريس تتطوق فى ورقه حمرا (( 50 جنيه ))

ولا عزاء للمؤسسه الدينيه

وخد افادتين للمنطقة واحدة للشئون القانونية وواحدة للجزاءات وافضل تاخد ورقتين مختومين من المعهد وتنقل الصيغة من المنطقة

فى التربية والتعليم
يتم انهاء كل شيئ بسهولة ويسر
من المديرية التعليمية فى كل محافظة
أما الأزهر حاجه .............