هل يقبل عقد ايجار كمستند للتحويل الورقى الى جامعة القاهرة؟
 

السلام عليكم و رحمة الله و بركاته،
هل يتم قبول عقد الإيجار كإثبات للسكن بدلا من وصل الكهرباء و غيره عند التحويل الورقى لجامعة القاهرة فى حال وجودها خارج النطاق.. و ما مدى فعاليته لقبول التحويل؟؟
ارجو الإجابة و توجيه النصح :)

مش عارفه بصراحه يارب حد يفيدك

ممكن سؤال

هما طلبوا ايه علشان التحويل الورقى؟

اعتقد لا . لازم وصل كهربا او مياه او تليفون عدي عليه 6 شهور


صورة لبطاقتك الشخصية
- صورة من بطاقة الوالد
- صورة من شهادة الثانوية العامة
- صورة من بطاقة الترشيح
- وصل كهربا , مياه , تليفون باسم الوالد معدي عليه حد ادنى 6 شهور
- مبلغ 300 جنيه

شكرا ليك على الرد

طب لو كان الوصل باسم والدتى او حتى باسمي لسفر والدى ينفع ولا لأ؟
هل لو انا مش ساكن فى الشقة و موقف الخدمة بتاعة الكهربا او الميه دلوقتى يتقبل التحويل لو قدمت المستندات؟؟
و ما هو التحويل حسب رغبة الطالب فى الكلية و ما هى نسبة نجاحه (ملوش علاقى بتحويل تقليل الاغتراب)؟؟

شكراً جزيلاً و ارجو الرد فى اقرب وقت ممكن

يا جماعه ياريت حد فاهم يرد عقد ايجار شقه يقبل وله لا

احنا شقتنا ايجار جديد وصل النور باسم صاحب الملك

طالب 94
لو الوصل باسم ولدتك او باسم حضرتك اوك مفيش مشكله
ولازم العنوان اللي ف الوصل هو نفسه عنوان حضرتك لان دا يعتبر اثبات بأن حضرتك ساكن ف الشقه دي

سبب التحويل بيكون لتقليل الاغتراب او رغبه ف الدراسه حضرتك ليك اختيار اين من السببين

Blackmask200
لا حضرتك لازم يكون الوصل باسم والد حضرتك

بس رغبة الدراسة انا اعرف انه بيتم رفضه و نسبة قبوله ضعيفة جدا على العكس من تقليل الإغتراب.. يا ريت حد يفيدنا

يعنى انا لو ساكن فى الصعيد و قدمت طلب تحويل رغبة الطالب و معنديش اى سكن فى القاعرة هيقبلووه؟؟
كذا واحد قاللى مش مضمون حسب رغبة الطالب و قاللى اللى مضمونه اوى تقليل اغتراب.. يا ريت حضرتك تتأكد من الموضوع ده لان انا هاعتمد على كلامك ده..

هقولك الخلاصة ... عقد شقة بس لا لا لا مش هينفع وده اكيد 100 ف ال 100 ... لان اى حد ممكن يضرب عقد شقه ... تانى حاجه لو من محافظة تانيه ينفع تحول بعد متقعد سنة ف كليتك وده بغرض التحويل لقسم غير مناظر زى بترول او اجهزة طبيه او طيران ... لازم وصل نور او كهربا او ميا عدى عليه 3 شهور اما ان يكون ب اسمك او يكون بنفس عنوان الشقة اللى انت ساكن فيها

يا باشا اسمع مني الخلاصه انا حولت من بنها لعين شمس عقد شقه لازم يكون موثق في الشهر العقاري

انت ممكن تشوف اي حد من العائله وتاخد وصل نور او وصل غاز او فاتوره تليفون

حضرتك لو مقدم من الصعيد للقاهره هما معندهمش مشكله خااالص بس لازم بيكون مع حضرتك وصل مياه و كهربا و تليفون و عدي عليه 6 شهور وطبعا دا باسم الوالد او الوالده

الكلام دا انا متأكده منه لاني محوله ورقى وسألت ف الحاجات دى كتيييييييييييير جداااااااااااا وانا اما روحت حولت اعطوني ورقه اكتب فيها الاسم والعنوان والمجموع وشويه حاجات كده وكمان سبب التحويل انا سألت فيه ناس هناك وموظفين من الجامعه قالوليلى ممكن تكتبى تقليل الاغتراب او رغبه ف الدراسه


ياريت اكون فهمت حضرتك صح وقدرت ارد


تحياااااااااااااتي

دلوقتى حضرتك تقصدى وصل كهربا او مياه بتاع عنوانى (اللى هو خارج القاهرة) ولا تقصدى الوصل لازم يكون لعنوان داخل القاهرة (علشان يقبلوا الطلب)؟

شكراً جزيلاً على الرد