اهانة المدرسين
 

التهجم على معهد ازهرى بالاسماعيليه وضرب مدرسه بالشباشب قدام الطلبه وتمزيق الطرحه وشد الشعر شوفتوا الاهانه ياترى الازهرهايعمل حاجه

لا حول ولا قوة إلا بالله

لماذا حدث كل هذا ؟!

لابدمن محاسبه الجاني بسرعه

المعهد كله عمل اضراب لحد لما يجيبوا حقهم لانهم اهانوا جميع المدرسين

يا استاذى مع كامل التعاطف

بس اكيد فيه اسباب .

مش معقوله حد هيدخل ويشد مدرسه من شعرها ويضربها

الا لو كان فيه سبب وسبب قوى كمان

والا يبقى حد مجنون !!!

اذا عرف السبب بطل العجب ماهو السبب

ابتسم انت في الازهر اللى كان شريف

السبب ان المدرسه قالت للولد جدك مش جابلك الكتب ليه ولاهو بيجى يفتح زوروا المهم اتفقوا اصلا ان المدرسه هاتتعاقب ولكن خالفوا الاتفاق وحدث ماحدث المهم ان لما المدرسين عملوا اضراب لانهم اتهانوا جميعا وعايزين الولديمشى لانه بيقول اى حد هايعمل فيا حاجة هانعمل فيه زى الابله ردوكيل الوزارة على مدير الادارة فى التليفون مشى جميع المدرسين من المعهدوهات غيرهم فورا المدرسين عارفين ان فى ولاد مظلومه بس كلهم خايفين يدخلوا الفصول وكمان الاهانه كانت كبيره حتى لوغلطت المدرسه بلفظ تتعاقب مش يحصل هذا الهجوم على المعهد وترويع الطلبه وقعدوا يجروا خايفين فين بقى حق المدرس

يا سيدى والله حصل اكتر من كده واحنا طلبه

لى زميل مسك مدرس واداه قلمين بس كان المدرس يستاهل

وولد بعد مننا بدفعتين المدرس ضربه بالقلم عشان مش معاه كراسه

ساب المعهد وراح جاب ابوه نزل ربنا ما يكتبها على حد ضرب وتلطيش فى المدرس لحد ما بانله صاحب

وفى الاخر حقك عليا وباس راسه وشكرا

يعنى لازم تبقى سلبى علشان تكمل نضرب ونتهزأ ومعلش (عجبى عليك يازمن)

هذا الحوار كلله اصلا لا يليق ان ينشر هكذا تاخد حقها بالقانون ولا ينشر مثل هذا لان ذاك الامريسيئ لنا جميعا

اتفضل يعم خد عندك ناس هتاخد حقها بالقانون المفروض تغيير كللى فى كرامة المعلم وعمل حصانه له من مثل تلك الامور البذيئه
إصابة مدير مدرسة ومعلمين لتعدى ثلاثة من الأهالى عليهم

الأربعاء، 19 سبتمبر 2012 - 20:07
http://img.youm7.com/images/NewsPics...1214164955.jpg اللواء صلاح عكاشة مدير أمن كفر الشيخ
كفر الشيخ - محمد سليمان
http://www1.youm7.com/images/graphics/igoogle.gif
أصيب كل من فؤاد الزواوى، مدير مدرسة أحمد عرابى الابتدائية بغرب مدينة كفر الشيخ، بكدمات فى اليد والمعلمان جمال النمر ومحمود الطباخ المصابان بكدمة فى اليد والقدم لتعدى مجموعة من أهالى طالب عليهم، حيث تم احتجاز طالب يدعى"حسنى. ا. ع" لعثور مدير المدرسة على آلة حادة بحوزته ويدعى "حسنى. ا. ع" كان يرعب الطلاب بها على حد أقوال مدير المدرسة فى المحضر الجارى تحريره.


وأكد المعلمون أن المدرسة تحتوى على 1700 طالب وطالبة وأثناء الفسحة يتم تأمين الأسوار من خلال تواجد المدرسين بجوارها نظراً لانخفاضها، وهناك من الشباب من يقفزون لداخل المدرسة، إما لتخويف تلاميذ المدرسة أو لمعاكسة طالبات مدرسة فاطمة الزهراء الإعدادية للبنات الملاصقة لمدرسة أحمد عرابى الابتدائية، وأثناء تواجد المعلمين بجوار السور قفز "حسنى" لداخل المدرسة فتم الإمساك به وبتفتيشه تم العثور على سكين بحوزته، وقام مدير المدرسة باحتجازه وفور علم ذويه قاموا بالهجوم على المدرسة واعتدوا على المدرسين، وأصيب مدير المدرسة بكدمة وكذلك المعلمين.

وشهدت المدرسة حالة من الهرج وتدافع الأهالى للاطمئنان على أبنائهم لما سمعوه من هجوم الأهالى بالعصى والأسلحة البيضاء، وأصيب الطلاب بحالة من الفزع وأغلق عدد من الأهالى باب مدير المدرسة عليه، وعلى عدد من المعلمين خوفاً من تعدى البعض عليهم.

وتوجه عدد من رجال الشرطة التابعين لقسم ثانى للمدرسة، وألقوا القبض على ثلاثة متهمين تم احتجازهم بالقسم، واحتجاز الطالب، وجارٍ تحرير المحضر بالواقعة وعمل تقارير طبية للمصابين بمستشفى كفر الشيخ العام.

ما دام غاب دور البيت و انتهت الاخلاق و اهين المعلم فانتظروا أكثر من هذا
يوم ان تحفظ الدولة كرامة معلميها لن يجرؤ ولي أمر أو طالب على التعدي على معلم
الشئ الثاني
متى ستوجد داخل كل مدرسة و معهد على الاقل 2 أمناء شرطة أو أمن لحماية المعلمين و الطلاب على حد سواء
كل هذا فوضى تعليم، و الادهى من ذلك لن يحدث شئ طالما في الازهر خصيصا ، فالمعلم مهان و مهان

كلامك صح يااستاذ مصطفى واحنا معاك فى هذا الكلام

واسفاه على حال التعليم فى مصر سواء عام او ازهرى
بجد شيء صعب جدا وخصوصا هذة الايام الناس لم تعد تطيق بعضها
اظن من الصعب ان نستطيع ان نبى نهضة فى وجود هذا الانفلات الاخلاقى فى كل مكان فى الدولة ليس فى التعليم فقط بل فى كل ربوع مصر
لا امل فى وطن لا يعرف قيمة التعليم والمعلم
كان زمان بيقولى اللى متعلمشى الادب فى بيته بكره المدرسه تعلمه *** الان اولياء الامور يقولون انا مش عاوز ابنى يتعلم انا جايبه يقعد وخلاص
والله يحزن قلبى عندما ارى مدرس اخر فى مكان اخر يكون له مشكلة مع مدرس بخصوص ابنه ويعتدى على مدرس زميل له ام بالكلام او بالمشاجرة لاتفه الاسباب
ربنا يستر على حال هذه البلد