|
بجد محتاجه رأيكم ضرورري
انا حطيت موضوع قبل كده ومحدش رد بلييز عايزه حد يقدر يديني رأي صح انا هندسه المطريه وتنسيق الاقسام جابلي ميكانيكا باور بس انا مش حباها ابداا وبعشق الرسم وكان نفسي اوي اجيب عمااره دلوقتي انا بفكر اضحي بسنه واحول عماره السنه الجايه بس كلوا بيقولوا حرام تضيعي سنه من عمرك
محتاجه رأيكوا وجزاكوا الله خييير |
بصى هو قدامك كذا حل .....
ممكن تقدمى طلب تحويل للقسم اللى انتى عاوزاه عادى والكلية بتجمع كل الناس اللى عاوزة تحول قسمها وتشوف الامكانية وبيحافظوا ع العدد وكمان اللى مجموعه أعلى دا اللى نسبته أعلى انه يحول.. فأنتى وحظك بقى وربنا معاكى أو ممكن تحولى لكلية تانية للقسم اللى انتى عاوزاه بس أسالى الأول ف الكلية اللى انتى رايحاها ممكن للقسم دا وللا لا ... بس الايام دى قبل ما التحويل يقفل أو آخر الحلول أنك تضحى بسنة ... أو ممكن تتأقلمى على ميكانيكا وتحبيها وهى مش وحشه ع فكرة (انا مدنى)....... بس أهم حاجة اللى ربنا هيكتبهولك ان شاء الله حبيه وارضى بيه وماتدرسيش حاجة غصب عنك وربنا يوفقنا كلنــــــــــــــــــــــــــــــا يـــــــــــــــــا رب |
أنا مع الباش مهندس محمود في كلامه ...
أنا كهربا باور لكن ميكانيكا للبنات تقيلة بصراحة وطبيعة الشغل مش هتكون مودك خالص والله أعلم وربنا يوفقك |
ما هما قالوا لازم اكون جايبه مجموع القسم الي عايزه احوله وانا للاسف مش شيلاه وبرضه حوار اني احول جامعه تانيه قالوا مينفعش احول لقسم في جامعه تانيه وموجود عندي في كليتي
طيب انا كده لازم انجح في باور السنادي عشان احول السنه الجايه ولا ممكن مروحش الكليه وافضل اخود كورسات وكده ؟ مرسي على ردكوا يابشمهندسيين |
بس أنا معايا فى كليتى ناس محولة كتير من محافظات تانية وعندهم الأقسام دى فى كليتهم .... وتقريبا ع حد علمى ان عمارة تنسيقه بيبقى تحت يعنى ممكن تلحقيه عادى والأفضل متسمعيش كلام من حد فى حوار الشئون دى الا من الاداريين اللى ف الكلية مش أى حد يعنى والنظام بيختلف من كلية لتانية .. السؤال بقى اجابته صعبة بصراحة لان ممكن تكملى فى ميكا وتحبيها وتكملى فيها أو انتى مش قابله ميكا خالص وعاوزة عمارة فهتقعدى السنة دى أتأكدى تانى بس من الاداريين ف الكليات قبل التحويلات ما تقفل
|
طيب انا هروح اسأل على كده وربنا يحلها من عندو مرسي جدا يابشمهندس
|
الشكر لله ... عندنا فى طنطا لسه قابلين 91 طالب من كليات تانية ... بس كان المجموع عالى شوية من 888 بس فى اقل ف كليات تانية اكيد
|
| جميع الأوقات بتوقيت GMT +2. الساعة الآن 08:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.