|
الزمالك الرهيب المرعب والمخيف بطلاً لكأس مصر 2008
أحرز الفريق الاول بنادى الزمالك كأس مصر للمرة ال 21 فى تاريخ النادى اثر فوزه اليوم على نادى انبى بنتيجة 2-1 أحرز هدفى الزمالك اللاعب أسامة حسن من ضربة جزاء واللاعب عمرو ذكى فى الدقيقة 80 من اللقاء وأحرز اللاعب محمد يونس هدف انبى الوحيد فى الدقيقه 64 من اللقاء .
الف مبروك لجماهير الزمالك المخلصة الوفية التى كانت متعطشة لمنصة التتويج بعد غياب طويل دام لمدة اربع سنوات. الف مبروك لرجال الزمالك لكل اللاعبين الذين ادوا ماعليهم واوفو بالوعد لجماهيرهم المخلصة الوفية ولا عزاء للجماهير المأجورة الحمراء التى اساءت دوما لصورة الكرة المصرية وهاهى تعيد الكرة وتسمعنا هتافات عنصرية قذرة لنجم الزمالك ودرة نجوم مصر فى السنوات المقبلة النجم المخلص شيكابالا .... لاعزاء تلك الجماهير التى اثبتت وتثبت كل يوم معدنها الرخيص وهتافاتهم العنصرية التى ملاءت ملاعبنا وافسدت وجه الرياضة المصرية. يهنىء كل الجماهير المخلصة البيضاء وتهنىء مجلس ادارى النادى ولاعبى الفريق ونتمنى ان تكون تلك بداية العودة للبطولات والتتويج من جديد. |
مبروووووووووك للزمالك
يا رب تكون بداية جديدة |
والله إحنا زهقنا من الزمالك ومقالبه
بس نرجع نقول الحمد لله بطوله السنه دى أحسن من مفيش ألف مبروك لفريقنا الغالى الزمالك وربنا يزيدهم |
سبقتني يا ابو الولد انا لسة كنت داخلة اكتب موضوع يشعلل الجو
بيب بيب زمالك مبرررررووووك الكاس يا زملكوية قول معايا بيب بيب بيب زمالك بيب بيب عمرو زكي يا مدرسة |
والله انا فرحت للزمالك
مبروك افرحو مرة بقى |
ههههههههه
مبروك للزمالك بس العنوان تقيل شوية :p |
هههههههههههههههههههههههههههههههههههههههههه
مبروك يا سيدى بطولة من نفسكوا بس بزمتكوا مش مكسوفين من نفسكوا! يا راجل ده انبى طول الماتش بيلاعبكوا فى نص ملعبكوا! هاتلى فرص الزمالك ضيعها باستثناء الجونين و كورة شيكابالا اللى جت فى العارضة! وعد معايا بقى فرص انبى شوف كام فرصة لديفونيه وكام اوفر من المحمدى وعبد الله رجب وكام شوطة من عادل مصطفى وشوطة عيسى اللى عبد المنصف عمل اعجاز وشالها والانفراد بتاع اسلام عوض اللى فى الاخر ياللا مكتوبالكوا بس تعرف..وربنا ماتش النهاردة ده طمنى..لو الزمالك فضل كده واخدها بالبركة ابشرك وابقى افتكر كلامى ده هنكيفكوا ان شاء الله فى أفريقيا والسوبر الزمالك محتاج خط دفاع كامل وديفندرين تقال وباك ريت وفرود لو عمرو زكى مشى ومدرب محترم مافيش ضغط عالخصم وماتحسش ان فى شغل وتكتيك وفكر مدرب بيتنفذ..واحد زى محمد عبد الله ده بيتمشى فى الملعب! ومافيش حد برة بيحاسبه ولا بيقوله انت بتعمل ايه! ومعتمدين على مهارات عمرو وشيكا وجمال بس..لكن ده طبعا مش كفاية اوعى تفتكر ان انا داخل انكد عليك وابوظ عليك فرحتك افرح يا سيدى واتبسط بس فكر فى الكلام اللى قلته ده..وهتلاقى ان ده فعلا صوت العقل لو عاوزين تفوقوا من الغيبوبة اللى انتو فيها |
اقتباس:
|
اقتباس:
بص يا جميل قبل ما ترمى كلام والسلام تبقى عارف اللى فيها أولا عمر جماهير الأهلى ماكانت مأجورة ولا عمرها خدت فلوس من حد وانا عارف انا باقول ايه كويس لانى عضو فى رابطة مشجعى الأهلى وعلى فكرة احنا ياما اتعرض علينا اغراءات من ناس كتير علشان نحققلهم بعض مصالحهم الشخصية وكان ردنا دايما الرفض لاننا بنعمل حاجة مقتنعين بيها وشغلنا ده كله علشان الأهلى فقط والأهلى فوق الجميع وفوق حسن حمدى وفوق الخطيب وفوق جوزيه وفوق مصلحة اى حد..مش بنفكر غير ازاى نخدم الأهلى ونحافظ على حقوقه وبس ودى رسالة بنأديها وكل الناس المحترمين اللى يعرفونا كويس بما فيهم زملكاوية بيشهدولنا بكده..مايجيش بقى واحد زى حضرتك مش عارف اللى فيها يرمى كلمتين سخاف زى دول ويرمى اتهامات على ناس محترمين ونزاه بالباطل وبتهيألى حق لكل بنى ادم انه يشجع الفريق اللى هو عاوزه يعنى انا راجل أهلاوى والزمالك معروف ان هو دايما المنافس التاريخى الأول للأهلى مهما حصل ومر بكبوات لكن هيفضل برضه الزمالك عاوزنى اشجعه! بالنسبة للهتاف ضد شيكابالا فده امر طبيعى بيحصل فى كل ملاعب العالم ومش هتقدر تمسك حد من لسانه وتقوله ماتشتمش..كرستيانو رونالدو أحسن لاعب فى العالم بيتشتم فى كل ملاعب انجلترا وياما جماهير الزمالك شتمت لاعيبة الأهلى حتى ابو تريكة واخر موقف انا شاهد عليه فى مباراة الاهلى والزمالك الأخيرة 2-0 سباب ضد شادى محمد..ماطلعناش قولنا بقى ان جماهير الزمالك عنصرية والكلام الي مالوش لازمة ده لان فى الاخر كلنا مصريين وشيكابالا راجل صعيدى من أسوان واللى اعرفه ان الصعيد كله أهلاوية وضيف على كده كمان الأهلى عنده جلبرتو وفلافيو بشرتهم سمرة يبقى ازاى هنشتم شيكابالا شتايم عنصرية! بجد عيب الكلام ده نصيحة اخيرة منى ليك ياريت تفكر فى كل كلمة قبل ما تقولها وتبقى دارس الموقف كويس قبل ما ترمى اتهامات عالناس بالباطل أرجو انى اكون قدرت اوصلك وجهة نظرى سلام يا جميل ومبروك عالكاس ومستنينكوا ان شاء الله فى أفريقيا والسوبر |
اية الاهلوية المتعصبه اللي فيك دية خدها بروح رياضية
|
اقتباس:
لما اتشتم ويترمى عليا اتهامات بالباطل وادافع عن نفسى ابقى متعصب وماعنديش روح رياضية؟! |
ياعم محنا ياعما اتشتمنا وبعدين هي ماجورة دية اللي زعلتك اوي
بس انا فهمت من رابطه مشجعين الاهلي لازم يقول كدة ههههههههه ياعم يوم ليك ويوم عليك مش كل يوم معاك ههههههههههه |
اقتباس:
برضه مافهمتيش انا عاوز اقول ايه لو كنتى بتحضرى ماتشات وعارفة جو الاستاد هتفهمى انا عاوز اوصلك ايه وبرضه عمرنا الحمد لله ماكنا مأجورين وفكرى كده هيبقى احساسك ايه لو الكلمة دى اتقالت عليكى |
انا فعلا مش بحضر متشات لاني مخي مش كورة للدرجة دية
بس عايزة اقولك الزملكوية ياما اتشتموا من الاحمر وشتايم اصعب من كده بكتير انتوا متقبلهاش علي نفسك بس احنا قلبنا كويس وبنسامح |
فعلا الزملكاوية ياما اتشتموا من الاهلاوية والزملكاوية طول عمرهم بيشتموا فى الأهلاوية
لكن دى ثقافة شعب ومش هتقدرى تغيريها بين يوم وليلة وزى ماقلتلك مش هتقدرى تمسكى واحد من لسانه وتقوليله ماتشتمش سواء أهلاوى أو زملكاوى لكن احنا عن نفسنا والكلام على أعضاء رابطة مشجعى الأهلى AFC بنركز كل مجهودنا على تشجيع الاهلى فقط طول ال90 دقيقة وتأليف الهتافات المناسبة لكل مباراة وتنظبيم عملية التشجيع داخل المدرجات وتحضير دخلات المباريات وعلى فكرة احنا اللى بنتكفل بكل تكاليف الدخلات وبنلم من بعض فلوس ومابنخدش فلوس من حد وتقدرى تدخلى على موقع الرابطة وتعرفى مبادئنا وكل حاجة عننا منذ تأسيس الرابطة وتتأكدى ان احنا عمرنا ماكنا مأجورين WWW.AHLAWY.COM |
| جميع الأوقات بتوقيت GMT +2. الساعة الآن 09:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.