|
ناقوسا خطر
السلام عليكم ورحمة الله تعالى وعفوه وبركاته اهلا بكم اعزائي لي فترة وانا متغيب ومتوقف عن كتابة اي موضوع ولكن مع بداية العام الدراسي لفت نظري شيء فاردت ان اتحدث عنه وبكل صراحه وليغضب من يغضب ولا يشغل بالي رد فعل اي شخص ولكن علي ان اعبر عن وجهة نظري لطالما اني اتحدث بموضوعيه . انا كاتب الموضوع ومنتظر منكم نقاش حقيقي هادف ومش عيب يكون حد مختلف معايا في الرأي بس ياريت يعرض وجهة نظره في ذوق واحترام وميبخلش بيه علينا ساطرح عليكم اليوم موضوعاً لا يخفى عن أي منكم الأخلاق والعنوسه فإنّهما حقاً ناقوسا خطر وأرى ان احدهما يؤثر في الآخر تأثيراً مباشراً فكلما ازدادت العنوسه تنازلت بعض الفتيات عن بعض التزامهن واحترامهن لأنوثتهن كي يستطعنّ التعرف على شاب ما فيجدنّ فيه حاجتهنّ ايه العربي الاوفر دا خلينا نتكلم عامي احسن :d:d:d:d:d:d بالمختصر يعني يا عم انت وهو وهي :d:d لا يخفى عليكم ان البنات بصراحه اخلاقهم كل يوم بقت ف النازل والعنوسه للأسف ف زياده مستمره وبيزيد قلة الاخلاق العفيفه عند البنت بسبب دا لأنّها بتحس انها لازم تدور على عريس انا اسف كلامي ممكن ميعجبش اغلبكم بس دي وجهة نظري المهم عشان تدور على عريس فمفيش مانع لو غيرت نظام لبسها بما يخالف ما فرضته الشريعه في أن يكون رداء الفتاه " لا يصف ولا يشف ولا يشبه ملابس الرجال". واظن انكم جميعاً ترون أنّ ما هو معروف الآن من " الموضه" كله يخالف ما فرضته الشريعه على نقيض ذلك بالطبع يسعدني يومياً ان ارَ فتيات يعرفن ما يجب عليهن فعله للحفاظ على انفسهن ولا يتنازلن عن أي شيء مهما كان واولا واخيراً الجواز قسمه ونصيب يا جدعان :d:d:d:d انا يومياً لما بدخل الجامعه اول ما بنزل من المترو وادخل من باب الجامعه بلاقي مناظر نفسي لا تتحملها او لا تتحمل تصديقها اولاً بلاقي مثلا مجموعه من البنات قاعدين جنب بعض واول ما أي ولد يعدي قدامهم يبصوا عليه بطريقه كأنّهم بيقولوله احن عيننا عليك ركز شويه وتعدي 2 متر تاني تلاقي ولد وبنت بيهزروا مع بعض هزار غير مقبول بالمره ناهيك بالطبع عن ما قولته من اللبس و " الميك اب " احيانا بحس ان انا داخل اتيليه او بيت ازياء مش حرم جامعي خالص سؤال مهم : هل الجامعه ممكن تتحول لأسباب زي دي بيت ازياء؟؟ او ممكن تتحول لمصيدة للعرسان؟ او مكان هدفه التعارف؟؟ اسئله مهمه اتمنى اعرف اجاباتكم عليها انا عارف اني غلطان لأنّي بطرح نقاش من غير ما اشوف حل للمشكله الاصليه وهي من رأيي العنوسه دا طبعاً إلى جانب الاشياء المعروفه من عدم اهتمام الأسره والمجتمع ال بتنمو فيه الفتاه وغيره وغيره بس كلكم شايفين ان الحال يوم عن يوم بيسوء اكتر واحب اذكر في النهايه موقف حصل على قناه دينيه وانا لست من متابعي تلك القنوات الدينيه ولكن الموقف جدير بالذكر كان تقريباً قناة الرحمه الفضائيه على ما اذكر واحده اتصلت بأحد الشيوخ او شيخ بيحكي القصه مش فاكر لأن الموقف مر عليه اكثر من سنتين المهم هذه السيده تقول له يا فضيلة الشيخ انا مقتنعه ان البنت المفروض لها حدود المفروض تلتزم بيها بس دلوقتي مفيش عرسان فعشان البنت تتجوز لازم تكون منفتحه شويه مع الناس وتتعرف وتكلم ناس عادي عشان يعرفوها وعشان يبصولها لابد من انها تلبس لبس ملفت للنظر شيئا ما وعشان تشتغل في مكان كويس هم بيقولوا تكون جميله وشيك فلازم تهتم بنفسها شويه طيب نعمل ايه؟؟ انا سايب لكم السؤال دا نعمل ايه؟؟ اتمنى يكون موضوعي عجبكم ومنتظر تفاعلكم |
ايه ده كله ده بس ع كده انت فى جامعه ايه
موضوع رائع ومفيد شكرا |
اقتباس:
شكراً ع ذوقك ونورتي التوبيك بمرورك العطر بس مش قدمتي أي رأي او جاوبتي ع اسئلتي ليه؟ |
لازم البنت تلتزم بمبدأ هو ارضاء الله في كل التصرفات والافعال والملابس فربما لم يكتب لها الله الزواج في الدنيا واخفي لها الافضل في الجنه فلا يجب ان تبيع مبدأها ودينها من اجل اي شيء فمن يريد ان يتزوج يبحث عن المرأه العفيفه المحترمه التي تصونه في حضوره وغيابه يبحث عن تلك التي تحفظ وتربي له اولاده يبحث عن تلك التي تذكره بربه وتكون امينه علي اسراره واسرار بيته فكيف يختارها ذالك الرجل وقد فرطت في دينها وجرحت نفسها بتلك النظرات الشهوانيه القذره نتيجة علي اهمالها فأنا اري ان نسبة العنوسه تزيد بسبب تفريط البنت في دينها ولبسها لذلك عندما يبحث الرجل عن فتاه تناسبه لايجدها فأري ان السبب هوالبنت نفسها والعلاج عندها وهو ان تحفظ وتصون تلك الامانه وترعي الله في كل تصرفاتها موضوع رائع جدااااااا بكل معني الكلمه احييك اخي جزاك الله كل خير ورزقك الزرجه والذريه الصالحه |
مشكلة مجتمعنا ان فى حاجات معينة بنحطها فى قائمة الحرية الشخصية مع انها المفروض يبقا عليها قيود وبعدين لو هتتكلموا على مشكلة العنوسة فانا شايف ان المشكلة فى الظروف السيئة المادية بتاعة الشباب والتبرج بتاع الفتيات مهواش حل للمشكلة بل دا بيبقا اكتر تعقيد للمشكلة لازم ياجماعة يكون فى توجيه ورقابة اسرية على البنات للحد من هذه التصرفات لان احنا كدة بنفسد مجتمع باكمله وانتوا عارفين ان نفس امارة بالسوء وبكدة كمان نكون حلينا مشكلات المعاكسات والتحرش ال***ى المبتذل ولازم نبدا بدايه صع عشان نصلح من احوال المجتمع ....اللهم اصلح شبابنا واستر بناتنا .........
|
في البداية أحب أشكرك علي الموضوع يا باش مهندس لإن ده فعلا واقع عايشينه بس من ناحية البنات ولبسهم عشان الجواز والامور دي فده بيختلف من بيئة لأخري وتربية البنت كمان يعني مثلا فيه بنات لو اطربقت السما علي الارض مش هتتنازل عن مبدأها وعن أخلاقها وعن اللي أهلها ربوها عليه وبتبقي عارفة ومؤمنة كويس ان كل شئ نصيب ونصيبها هيجيلها هيجيلها ولكن فيه بنات تانية سوري بتبقي مش محترمة أصلا يعني دي حاجة مش غريبة عليها من نظام لبسها أو ميكب او ....الي آخره وبرضه فيه بنات بتبقي ملتزمة بس بسبب الموضوع ده بتتنازل عشان لا تلقب بلقب عانس بس زي ما قولت في البداية ده بيختلف من بيئة لبيئة بس كمان الغلط مش من البنت لوحدها لإن الولد كمان شريك في كده (البعض طبعا) بمعني الشباب دلوقتي شاغلهم الشاغل انهم يدوروا علي الجمال فقط وبعدين بيفكروا في الاخلاق فطبيعي البنت بتحاول انها تفك عن نفسها شوية عشان مطالب الشباب وده طبعا كل اللي بقوله مش علي الكل اذا كان شباب ولا بنات وده مجرد رأي تقبل مروري |
مشكلة الشباب وهى المهم اننا نوفر لشباب فرص عمل تتيح ليه شقة ومرتب ثابت يفتح بيت ونستغل طاقة شبابنا فى نفع البلد والشاب المصرى يمتلك من القدرات العقلية والبدنية تخليه يبهر العالم و احنا مجتمع قاتل لابنااااااءه فيها ايه يعنى؟ لما البنت تعدى ال30 و40 و50 ومتتجوزش اجرمت يعنى فى حق الناس للاسف غالبية الامهات بتعامل بناتها انها جت عند سن معين ومجوزتش تبقى بنت فاشلة فى حياتها حتى لو ناجحة على المستوى العلمى والاخلاقى الحكاية كلها ثقافة مش اكتر
|
اقتباس:
|
عندك حق بجد أنا اعرف ناس باعت مبادئها وان شاء الله معتش هعرفها تخلت عن مبادئها مش عشان يجيلها عريس لأن كل بنت عارفة ومتأكدة ان الشاب لما يختار أكيد هيختار بنت محترمة ومش مشى معاها قبل كدا بس مش عارفة عشان اى
وبالنسبة لحكاية الجامعة دى فى كذا سبب انها بقت بيت أزياء زى ما بتقول أولا بيبقوا طالعين م المدرسة مكبوتين وبيبقى هاين عليهم يعملوا ف المدارس الثانوى نفس العمايل بس هيعملوا اى بقى ما باليد حيلة بيبقى فى تشديد أكتر من قبل الناظر والمدرسين وكدا يعنى ثانيا قليل أوى لما تلاقى بنت داخلة الكلية عشان العلم نفسه انما بتبقى أغلب الأسباب لدخول الكلية مثلا الوظيفة وان يجيلها عريس كنت سمعت مقولة قبل كدا واحد أجنبى بيقولك إذا أردت أن تتعلم فاذهب إلى المكتبة وإذا أردت أن تصاحب فاذهب إلى الجامعة كمان إحنا ف زمن بجد كترت فيه الفتن وأى بنت محتاجة لنصيحة ودلوقتى أصلا يعتبر اللى متمسك بدينه أوى كأنه قابض على الجمر فالحلول طبعا يبقى أولها من جهة الفرد نفسه سواء ولد أو بنت انهم يقربوا من ربنا يعرفوا ان كل حاجة هتيجى ف وقتها ومن البنت تصبر شوية وتلبس محترم ومن الولد انو لو لقى بنت بالشكل دا ميعبرهاش بمعنى انو ميديهاش اهتمام بس |
اكاد اضحك منكم الصراحه كل هذه الهرتله سوف تحذف بليل شكرا للكوميديا |
ا[size="4"][center]
لسلام عليكم [/center]واحمدا الله على السلامة على هذه العودة يا بشمهندس وطبعا مش محتاجة اشكرك على طرح هذا الموضوع لانك لو اطلعت برضه على موضوع يلا جامعة والى دخلو الجامعة وبيحكو يوميتهم الى انت بتقول عليه دة اكتر شئ بيعانى منه الجميع البنات والولاد علفكرة ااما بقا بنسبة لعلاقة العنوسة والكلام دة ففرئى ان العلاقة بينهم اوكى موجودة بس مش السبب الرئيسى حتقولى ازاااااى حقوللك لان لاسف فى مجوزين وبيبقى معاهم عيال فى ايدهم وبرضه لابسين كدة ومعرفش بقا الامور لى اسمه جوزها دة عااااااااااااااااااى اا بقا لاسباب الظاهرة دى ففرئ اكتر شئ وسبب بجد هو قلة الايمااااااااااااااااااااااااااااااااااااااااااااا اااااااااااااان وان فى خلل كبير فى العقيدة ودة اتاكد من لما روحت مسجد الكلية وكان من صمن الدروس الى بتقولها الداعية يعنى بنت زينا يعنى بس مشاء الله عليها المهم كانت بقتول ان البنت بتكبر وتتربه ومفيش عقيدة صحي لييييييييييييييه مهو لو فى عقيدة صح كان امانت تمام اليقين ان الجواااااااااااااز دة رزق حيجلها ولو حتى قاعدة فوق القمر لا بجمال ولا بشكل الى بتهتم بنظافتها ونفسها الى هو الاهتمام الطبيعى مش التبرج والى بنشوفه يعنى دة مفروض انها بتعمل كدة لشئ لذاتها ان الل هجميل يحب الجمال فعلشان كدة انا احب ابقى زوق فى اختيار لبسى بما يحلله لى الشرع وابقى انسانة جميلىة بخلقى وكلامى واسلوبى لان دة الشئ الى مفروض يكون عليه كللللللل مسلم اما بقا انى اتبرج لمجرد ان دة حيخلى العريس يجى او لفكرة الشهيرة الى اغلب الامهات بتقولها لازم اظهر بضاعتى لناس وظبطها علشان العريس يجى بجد اسلوووووووووووب رخيص ولاسف برضه عمر العريس محيجى الا لو مقدر ومكتوب انه يجيى ولاسف اغلب الجوزات الى مبنية على المعاصى والقرف دة صعب تكململ وحتى لو كملت بيبقى البيت مليان هم ونكد والشاهد على دة نسبة الطلاق المبكر الى وصلت لارقام تخض بجد ولكن قبل لوم بصراحة عل ى البنات دول بلوم على الاهل الاب والام الى بيشوف بناته لابسة كدة وعاااااااااااااااااااادى ولا ابنه يكون شغال يعلق بنات وبعلم اهله ويعنى لسة بقا شاب وةيعيش حياتة وينى ان لى اخوات عااااااااااااااااااااااادى والى يسبسي النت والتلفزيون على البحرى عاااااااااااااااااااااااااااادى والواد صلى مصلاش عاااااااااااااااااااااااااادى دة غير لو اكلمنا على ان كل طرق الحرام لاسف بقت متسهلة والغرب وال*****ة بيدخل من كل مكان اذان دى النتيجة الطبيعة لاسف الا مارحم ربه فالحل يبداء من اصلاح القلوب وبصراحة انا شايفة ان فى الجامعة وحكلم عن جامعة انا مثلا فى من اول المنتقبات والملتزمين وجميعات بتجيب ندوت لاكبار اخصائين التنمية البشرية زى استاذ ماجد سعيد عامل ندوة يوم الثلاثاء الجاى فى جامعتنا عن الحب بين الشباب والبنات داخل اسوار الجامعة يعنى من اول مناس مطلحة لحد لاسف ناس مفسدة لاقصى درجة ممكن يتيخلها بشر وعينى عينك وفى عز النهااااااااااااار دة غير فن الام الى تعقد تكلم مع بنتها وتسمعها وتمسعخا احتيجتها الى زيها زى اى بنت وتفهمها وتوعيها وتربيها بجد فين دة وطبعا الاب نفس الكلام ولاسف برضه كل مبيمر وعااااااااادىوعاااااااااادى فكل الى الواحد يقدر يعمله ينجو بنفسه ويحاول على اد ميقدر يصلح الى حولية لاننا بجد فى زمن فتنة اسفة على اطالتى بس بجد الموضوهع كبييييير وخطير لان بيقتل مش فى اى شئ دة عرض اخوتنا وبتنتنا وخلقهم وسمعتهم والغرب بيضبربنا فى اضعف جزء واهم جزء وهى المراءة رحمنا الله جميعا يارب[/size] |
مممممممممممممممم ربنا يهدينا جميعا ...............
كل انسان خطاء وخير الخطائين التوابون ................... |
اقتباس:
نورتيني بمرورك العطر |
اقتباس:
هو فعلاً سوء الظروف الماديه احد العوامل وانا عملت توبيك هنا قبل كدا عن الموضوع دا الظروف الماديه ومطلوبات الزواج بس انا بتكلم من منطلق تاني انت مش واخد بالك ان عدد البنات بقى اضعاف الولاد يعني حتى لو الولاد ظروفهم الماديه زي الفل بردو مشكلة العنوسه موجوده إلا لو كل بنت رضيت ان يكون ليها دره ودا مستحيل طبعا |
اقتباس:
وعلى فكره انا من اكتر الناس ال لما كان بيحصل نقاش مع حد على موضوع اللبس كنت بقوله ان اللبس مش مقياس للأخلاق اصلا وكنت بقوله نفس كلامك ان البيئه ال اتولدت فيها هي العامل المؤثر والمسبب في دا بس من منطلق تاني كان صاحبي بيرد عليا ويقولي بس بردو اكيد لما كبرت عرفت ايه الصح وايه الغلط يعني حتى لو اتولدت ع الغلط بس بعدين لما عقلها بينضج بتقعد تسأل نفسها وتعرف الصح والغلط وكونها استمرت ع الغلط ف دي مشكله ثانياً طبعاً الولد بيسبب مشكله بس انا كلامي بيركز على الفتاه فقط لأنّها في الاغلب هي ال بتتضر من دا اما الولد مهما حصل هيجراله ايه يعني؟ اما البنت بعيداً عن اي شيء يكفي سمعتها ونظرة الناس ليها اما الولد هيقولوا عيل طايش عادي فمينفعش تيجي بنت وتبرر تصرفاتها بإنّ الولاد عايزين كدا وهل هي مطلوب منها انها تنفذ كل ال الاولاد عارفينه؟ ثم بصراحه انا مش عاجباني كلمة " تفك شويه" وكأنّها لو لابسه محترم تبقى مخنوقه او متدايقه!! نورتيني بجد بمرورك :) |
| جميع الأوقات بتوقيت GMT +2. الساعة الآن 07:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.