منقطعين الشرقيه ... اللي عنده معلومه يرد لو سمحتوا
 

لو سمحتوا حد عنده معلومه عن عمل عقود مميزه للمعلمين اللي انقطعوا و رجعوا في التظلمات بعقود مكافاه شامله 110
احنا سالنا في الاداره و قالوا سامعين عن تعيينات لكم في شهر ديسمبر القادم يا ريت اللي عنده اي خبر يعرفنا لان في محافظات عملت عقود مميزه لكل غقود المكافاه الشامله الا هذه المحافظه العقيمه

والله هماطلبوا مننا الاوراق في دوسيه ودي بيقولوا أخر مره نقدم فيها ورق وأنتظروا أخبار كويسه أقلها يتعملكوا عقود مميزه وسمعت أن بتوع ال5% أتعينوا وجه لناس جوابات التعيين

ال 5% عندنا طلبوا منهم صورة الرقم القومي و اقرار القيام بالعمل و قالوا علشان التثبيت بس ماقلوش امته التثبيت ده
يا ريت اللي عنده اي معلومه اكيده عن عقد مميز او تثبيت ما يبخلش علينا

لو سمحت هما مقالوش التعين لعند شهر كام

احنا سمعنا ان الدفعه الاولي و التانيه من التظلمات هيتثبتوا الاول بس امته محدش يعرف

طيب والمتعاقدين ليه هيثبت التظلمات وهيسيب المتعاقدين

احنا المنقطعين فى محافظة المنيا رجعنا بعقد اتفاق مع المحافظ ب50 جنيه فى الشهر مبلغ كبير بيرهق ميزانية الدولة علشان كده ولاقبضونا ولاثبتونا ونسيونا

وزير الماليه قال في لقاء تليفزيوني ان المحافظات عندها عجز في المعلمين و ميزانيتها بسيطه فبدل ماخريج تربيه يقعد عاطل مش لاقي شغلانه و مالوش التزامات نشغله ب 100 جنيه لحد ما يفضاله درجه و يتثبت
طبعا منتهي الاستغلال و الجشع و الاحتقار للمعلم
عقد السخره اللي ب 110 مجرد استخفاف بالمعلم و قال عايزين التعليم يتعدل
الناس دي اكيد بتشتغل نفسها

قالوا ان التثبيت للدفعه الاولي من التظلمات لانهم اشتغلوا قبل كده فترات طويله و انقطعوا لظروف خاصه بس الله اعلم هيكون تثبيت علطول او عقد مميز اوتعيين يلا منهم لله في اللخبطه اللي احنا فيها
بس العقود الجديده معرفش هيتثبتوا زي التظلمات او لا
دا اذا ثبتوا التظلمات اصلا احنا خدنا ع الكذب