ارجوا الرد
 

يا جماعة لو سمحتوا ساعدونى
المدرس بتاعى كاتب فى تعريف حاجز جهد السطح(هو اقل جهد يكفى لمنع خروج اى الكترون من سطح المعدن) بينما مدرس زميلتى كاتب( (هو اقل جهد يكفى لخروج اى الكترون من سطح المعدن)وانا لما فتحت كتاب المدرسة ماقدرتش احدد اية اللى صح ولما سالت الاستاذ اقنعنى بتعريفة وزميلتى كمان مقتنعة بتعريف استاذها مع العلم انى اعرف المدرسين الاثنين واثق فى كليهما
ياترى اى تعريف صح ارجو الرد سريعا
لانى خايفة يجى فى الامتحان


فى رعاية الله

التعريف هو:::هو الحد الادنى من الجهد الازم لتحرر الالكترونات من سطح المعدن

هو قوى الذب بين الايونات الموجبة والالكترونات الحرة فى المعن التى تمنع الالكترون مغادرة سطح المعن

شكرا للجميع للرد ولكن لو سمحت ياfedo dedo استحملنى شوية وقوللى ما هو الجهد الحاجز
وياريت لو حد عندوا كلام تانى يقولة عشان انا السنة اللى فاتت المدرس بتاعى قاللى حاجة غلط فى الكمياء ومن حظى الرائع جت فى الامتحان وطبعا حليتها غلط وما اكتشفتش دة غير بعد اللجنة ولولا كدة كان زمانى قفلت الكمياء طبعا الحمد لله على كل حاجة
ارجوكوا انا مش عايزة دة يحصل كمان السنة دى وياريت لو يرد حد من المدرسين الافاضل
فى رعاية الله

كلام استاذك هو اللي صح وده معروف

اما الاستاذ التاني فشكله اتلخبط او غلطة مطبعية ولا حاجة

لان حاجز جهد السطح ده اللي بيمنع الالكترون من انه يسيب الذرة

يعني دلوقتي اينشتين قال انه لما فوتون تردده قد التردد الحرج يسقط على الذرة بينبعث الكترون لكن مش بينطلق بقه بره الذرة..طب ليه

علشان حاجز جهد السطح..بعد ما الالكترون بيخرج الذرة بتبقى ايون موجب والالكترون سالب فبيحصل تجاذب بيمنع الالكترون من التحرر فلازم يكون الفوتون اكبر من التردد الحرج علشان كمان يتغلب على حاجز جهد السطح...يارب اكون قدرت اوصل المعلومة

اما الجهد الحاجز فده في الترانزستور وده اقصى جهد يكفي لمنع انتقال الالكترونات من البلورة n للبلورة p وانتقال الفجوات من البلورة p للبلورة n ...ياريت تقري الحتة دي من كتاب المدرسة وتفهميها منه الاول قبل ماتذاكريها من اي مصدر تاني

يلا بقى السلام عليكم ورحمة الله وبركاته

احسن حاجة احفظيه من المثالى عشان تبقى مطمئنة

التعريف الاول صح انا قرأتها فى كتب كتير واول مره اشوف التعريف التانى ده
ان شاء الله الاول صح

الجهد الحاجز مش داخل الترانزستور بل فى الوصله الثنائية
المنطقة الفاصله بين الn و pوالتى تخلو من اللكترونات و الفجوات بل تحوى الايونات السالبه و الموجبة والتعريف صح

يا جماعة الاتنين صح وانا مسئول عن الكلام ده لكن التعريف الاول احسن لكن الجهدين اساسا متساويين

انت فعلا قدرت توصل المعلومة شكراااا جزيــــــلا
بالنسبة للجهد الحاجز انا قريت من المثالى انة بيكون فى الوصلة الثنائية عموما ماعتقدش انها مشكلة لان الترانزستور بيكونnpnاوpnp لكن الحقيقة انا ما لقيتش المصطلح دة فى كتاب المدرسة انا قريتة اكتر من مرة
وعشان كدةاتاخرت فى الرد بس انا فعلا مش لاقياة عموما شكرا مرة تانية للرد
يللا بقى ؛فى رعاية الله

انشاء الله دة اللى حيحصل
شكرا للرد ؛ فى رعاية الله

شكرا للرد
فى رعاية الله

اى تعريف
جزاك الله خيرا
فى رعاية الله

ازاى التعريفين صح وهما عكس بعض ؟وهل الجهديين المتساويين هما حاجز جهد السطح والجهد الحاجز
طب ازاى ودى فى الوصلة الثنائية والثانية بتكون خاصة بكل معدن؟؟ولا انت تقصد حاجة ثانية؟؟؟؟؟؟؟؟؟؟
شكراااا جزيلا للرد
فى رعاية الله