|
إشمعنى الراجل اه والست لأ ؟!
إشمعنى الراجل أه والست لأ : ليه لما الراجل يزعق فى المشروع ويعلى صوته يبقى عادى جدا ولما الست تزعق الناس كلها تبصلها وتنتقدها ليه لما الراجل يخون مراته أو يعرف واحده عليها من غير جواز يبقى عادى والست لما تخون جوزها تبقى مشكله ويعلقلها حبل المشنقه ليه لما الراجل يشتم أو يقل فى أدبه قدام الناس يبقى عادى والست لما تشتم نفس الشتايم دى يبقى عيب وتبقى ست مش محترمه ليه لما الراجل يسهر برا بيته للفجر على القهوه يبقى عادى والست لو اتاخرت بعد المغرب يبقى عيب إشمعنى الراجل أه والست لأ هدف الموضوع : ليه مبنطبقش على الراجل نفس أحكامنا على الست ؟! لو كده اكيد اخلاقنا كرجال حتتغير للأحسن . |
اقتباس:
الست هي بس اللي بتتهان وهو براحته لكن انت هتقول لمين ولا لمين محدش بيسمع لحد عالعموم ثانكس توبيك ...تقبل مروري:) |
والله يمكن ده اساسه من مجتمعنا نفسه هو الى فرض من البدايه الفكره دى وفكرة سى السيد وامينه ههههههههههههههه
وبعدين بقى يقولك ده راجل يعمل الى هو عيزه لكن دى ست مينفعش تعمل كده زى الشباب والبنات برده الشاب يخرج ويروح وييجى لكن يقول لاخته متخرجيش ولا تروحى اى مكان نايس توبيك يا خالد |
اقتباس:
الموضوع فعلا يستحق النقاش |
اقتباس:
فعلا والله يا ساره .. لا حياه لمن تنادى بس بجد لو طبقنا الكلام ده أكيد الحال حيتغير نورتى اقتباس:
هو لما نطبق الكلام ده على الست يبقى الموضوع رائع جدا بس لو طبقناه على الراجل كمان حيبقى الموضوع أروع والحال يتغير كتير نورتى اقتباس:
ولا يهم حضرتك حضرتك نورتى |
مفيش حاجه أسمها عادي ودا اولاً .. لأن انا لو حصل قصادي مواقف ذى دي بالنسبه ليا مش عادي لأي طرف وناس تاني كدا كتير يعني أول موقف من الذوق ان البنت متزعقش لن طبع البنت الرقه .. لكن الراجل يعلي صوته لكن مش لدرجه الإنتقاد .. وإلا مينفعش يعلي صوته لدرجه تخلي الناس تتكلم عليه وقصدك ايه لما يزعقو ؟ موقف معين مثلا ولا من الباب للطاق !:d التانيه مش عادي خالص لأي طرف وكذلك التالته بعد المغرب ومين قال عيب ؟ لكن انت عايزها تتساوي ذى الراجل للفجر ؟ عمتاً احنا فيه ثقافات كتير اتعودنا عليها من دون اي تفكير وظلمنا بيها المراه ميرسي للتوبيك |
اقتباس:
لا الصراااااااااااااااااااااحة صقفة كبير ليك ياخالد:022yb4::022yb4::022yb4::022yb4: بجد حاجة غريبة وزى مبرضهه بننقد على ملابس البنت مشاباب ساعات بيبقا ليهم موضة ياربنا متعرفاش جيبنها مينين وحتى فى التربية فى حاجات غلط لو عملها الولد يقوللك طيش شباب ولو عملتها البنت تتعلق ويبقى يومها مش فايت بجد افتكر دة حبطلع من التربية لو ربنا صح مش حيكون فيهى المشكلة دى بس تقوووول ايه لا حياة لمن تنادى |
اقتباس:
|
اقتباس:
فعلا حضرتك والله مشاكل تربيه يعنى اللى ربى البت غلط ممكن يربى الشاب غلط انا هدفى اننا بندى الراجل حريات زياده غلط نورتى يا مريم وشكرا على السقفه |
لاننا فى مجتمع ذكورى .. احادى النظرة ... ومتقوليش ايه معنى اللى انا قولته ده:rolleyes: |
اقتباس:
انا ببص ليها من زاويه تانيه يعني ... بيخافوا ع البنات وبيقدروهم وشايفينهم كده ملائكه .. يعملوا الخير ويقولوا كلام مظبوط ...... اه والله بس انا طبعا مع فكره انه ضروره المساااااااااوااااااااااه بين الرجل والمرأه ف الحقوق والواجباااااااااااااااات ! تقبلوا مروري ! |
عشان مجتمعنا كدة
بس برضو ميمنعش ان البنت ممكن تجيب الكلام لاهلها واهم حاجة سمعتها لكن الولد مش فارقه لا معاه ولا مع اهله |
1_هي البنت بطبيعتها لازم تكون هادية ( مينفعش تقعد تزعق و تطخن في صوتها و إلا متكونش بنت )
2-الخيانة دي شيئ مرفوض على الراجل و الست ( ومعتقدش ان مجتمعنا بيقبل خيانة الرجل ) 3-برضه المفروض البنت هادية و عندها حياء على عكس الولد مش فارقة معاه لكن الضوابط تحكم هنا 4- بعيد عن مين يحضر العشا (البنت تقعد على القهوة هي كمان تعمل ايه :mad: طب احنا و اللي فينا مكفينا لازم نشتغل و نجيب الطلبات و نربي و في الآخر نفلس فلازم ننسى هموم الدنيا :romarioxp6:) بس غالبا معظم الحالات اللي انت ضربتها مش عادي حتى للراجل :stickjo4: لكن النظرة ليه طبعا أقل من النظرة لتلك الحالات إذا فعلتها المراة نايس توبيك :028ja7: |
اقتباس:
1 يعنى المفروض الراجل يزعق عادى عشان صوته مش عوره حتى ولو على اهون الأسباب 2 ولما الراجل يخون يبقى مش على الدنيا السلام مهو بيخون مع واحده ست معنى كده انه بيفسد مجتمع 3 وهل مباح للراجل انه يطلع الالفاظ دى عادى مجرد انه راجل 4 ومين يكفى الست طلباتها الشخصيه لما هو يوماتى على القهوه ومين يتعشى مع الست لما هو بيرجعلها وش الفجر متعشى جاهز وهى مستنياه ياكل معاها ثانكس جدا للحوار الشيق ده واريد سماع وجهه نظرك فى كلامى |
اقتباس:
لا حبيب قلبى أنا فاهم معناها كويس فعلا عندك حق نورت التوبيك :) اقتباس:
عشان مجتمعنا كده ؟ دى نص الاجابه والنص التانى العيب مننا كرجال اننا مفكرين ان الرجوليه فى الحاجات دى وبنبقى مبسوطين لما بنعملها ثانكس حبيبي قلبى على الرد نورت :) |
| جميع الأوقات بتوقيت GMT +2. الساعة الآن 10:14 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.