|
مصر خلاص خدت التوكيل
مصر خلاص خدت التوكيل
توكيل المجون و الخلاعة......توكيل الدكتور اللى مبيعرفش يمسك سماعة........توكيل تعليق الاخطاء على اقرب شماعة......توكيل تعليم الصياعة.....توكيل اللى يتكلم صح يرموه فى البلاعة......توكيل السجاير والولاعة.... توكيل الدلع والمياعة....توكيل بابى و مامى واللى لحد ما يموت واخد على الرضاعة......توكيل اللى اللى يغلط له عند الكبار الشفاعة...... مصر خلاص خدت التوكيل توكيل هيفاء ونانسى واليسا.....توكيل النفوس الخبيثة.....توكيل الناس اللى على الكنوز حريصة.....توكيل النوايا الخسيسة.....توكيل الناس الصح فى السجون حبيسة......توكيل كل حاجة عاملة زى الهريسة..... مصر خلاص خدت التوكيل توكيل السح اندح امبو.......توكيل ابن الكبير يغلط ويتحامى فى ابوه.......توكيل الشريف يقتلوه...... توكيل النضيف يوسخوه.........توكيل المحترم يعلقوه........توكيل الصح يغلطوه........ مصر خلاص خدت التوكيل توكيل "انت تعرف انا ابن مين".......توكيل السمعة الكويسة لازم يمرمغوها فى الطين........توكيل"عفوا..فقط لغير المحترمين"....توكيل مفيش احترام للدين....توكيل السلوك المشين.....توكيل الناس من الايام الجاية خايفين..... مصر خلاص خدت التوكيل توكيل الناس بالمليارات سافرت.......توكيل اللى يسرق ربع جنيه بالارض يتسفلت.....توكيل الاراضى اللى من غير حق اتحفرت....توكيل العمارات اللى من غير ترخيص فى السحاب نطحت.... مصر خلاص خدت التوكيل |
والله يا احمد مش عارفة اقولك اية بجد كلام جاااااااااااااامد جدا ماشاء الله وبتوضح مصر بالحرف والكلمة ... مصر خدت التوكيل _ والشعب اخد استمارة 55 اسعاف !!!! ثانكس على التوبيك الجامد دة |
شكرا يا sh2awa
|
اقتباس:
:(:(:( |
مصر خدت التوكيل و شبابها صبح عويل
اه يا بلد دا اللى يدوسك يبقى حبيبك و اللى يحبك يبقى عميل كلام حلو اوى يا احمد و استمر يا فنان |
اقتباس:
|
صدقونى يا جماعة انا من حبى فى مصر بكتب الكلام دة لعل وعسى ينصلح حالها
|
اقتباس:
يا احمد انتا احساساك نبييييييييل اوي بس مش في وقته خااالص , احنا لازم نتغير عشان البلد تتغير ! اصل مصر دي احنا الي بنعملها مش هي الي بتعملنا . لكن تقدر تقول نص الشعب في الانعاش والنص التاني مستنينهم لما يطلعوا عشان يدخلوا هما . احنا بقينا ماشاء الله ارخص سلعة في البلد . عارف احنا كنا بنكتب موضوع تعبير والمستر خلانا نقرا واحد من الكتب الخارجيةة كان اسمه ( مشكلة رغيف العيش) عارف كاوا بيقولوا الشعب هو الي غلطان ودي مشكلة ضمير والحكومة مش ليها دخل ( كله نفااااااااق في بعضه ) , انا لما باتكلم في الحاجات دي باتكلم براحتي ومش بيهمني حاجة اصل اية الي هايحصل يعني اكتر من الي بيحصل .. انا كرهت الناس الي في البلد والي ماسكينها وبقت حاجة غريبة اوي سوري عل الرغي الكتيييييييييييييييييييييييييييييييييييييييييييييي ييييييييييير |
جميل و مصر اخدت التوكيل للشربات الحرير :) استمر
|
اقتباس:
يا بنتي عندهم حق الشعب الغلطااان مين قلواا يكل عيش ّ!!!!!! لازم عيش يعني ما عندوا عيش كيزر :lol: :D ولا هو حبكت العيش البلدي "" ربنا يصبرنا |
اقتباس:
ههههههههههه على رأيك شعب فقري غاوي وجع دماغ , ههههههههههه خلينا في الكيزر او ممكن بلاش خالص يعني حبك العيش يعني |
والله يا جماعة كلامكم صح والكيزر والفينو موجودين بس
فينو الرغيف البلدى فينو |
لو مش قد التوكيل ... اشترى حاجه تقليد
بس سؤال تقدر تقول مش عاجبك؟؟؟؟ |
اقدر بس ما ينفعش اكون لوحدى
|
بالظبط هى دى القضية
كل واحد بيقول مينفعش اكون لوحدى او ليه انا او اشمعنه أنا طيب امته هنقولها مع بعض مستنين يحصل فينا ايه اكتر من كده فاكر فيلم النوم فى العسل ؟؟ بغض النظر عن اللى فيه انما الفكرة الاساسية ان مهما كانت المشكلة موجودة بما ان محدش اشتكى اذن مفيش مشكلة اصلا عشان نحلها يبقى لازم نقول كلنا آآآآآآآآآآآآآآآآآآآآآآآآآآآآآه علشان يحسوا بالمشكلة |
| جميع الأوقات بتوقيت GMT +2. الساعة الآن 10:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.