|
سؤال عن مادة الميكانكيا
السلام عليكم ورحمة الله وبركاته
انا في الصف الثاني علمي وللاسف مش عارف اذاكر مادة الميكانيكا خالص حد عنده طريقه لمذاكرتها ؟ |
اقتباس:
كل سنة وانت طيب الاول بص يا عم احمد انا عايزك تهدى كده ومتقلقش دى مادة سهلة جدا هو صحيح امتحان السنة الى فاتت كان فاجر الصراحة بس والله دى مادة سهلة للطالب الى بهتم وبيذاكر وانت بسم الله ماشاء الله من سؤالك باين انك بتذاكر . اولا . الميكانيكا مش محتاجة مذاكرة دى كلها قوانين بتحفظها وبتطبق عليها فى المسائل فى من المسائل تعويض مباشر وفى منها مسائل لازم تفهمها الاول وتكون عارف المسألة بتتكلم عن اية وتقرأها اكتر من مرة . بس لازم تفهم القوانين علشان تسهل عليك فى الحفظ لانك مش هتلاحق تحفظ اية ولا اييييييييييية .. ثانيا : كل درس بتاخدة مع المدرس لازم تحل علية مسائل كتير سواء من كتاب المدرسة او اى كتاب خارجى او تحاول تشترى دليل التقويم وتحل كل درسة بدرسة . انصحك يا غالى ان الكتاب الخارجى ده يكون كتاب المــــــحاضر الصراحة ده احسن ملخص . ثالثا : حاول تخلى كل مزاكرتك من كتاب المحاضر ده وامتحان السنة الى فاتت مش خرج منة وممكن اقولت ارقم المسائل الى جت فى الامتحان من الكتاب ده والله بنفس الارقام وربنا يوفقك يا رب:) ...على فكرة انا فى اعدادى هندسة الزقازيق ..وكنت جايب فى الرياضيات 2 السنة الى فاتت 48 . والحاجات دى مجربها كلها والله .. بالتوفيق للجميع :) |
اقتباس:
بارك الله فيك وبارك الله في عمرك وشرح لك صدرك ويسر لك امرك (اللهم امين) انا كنت يأست خالص من الماده دي وانت رجعت لي الحماس تاني جعله الله في ميزان حسناتك |
اقتباس:
جزاكم الله خيرا فعلا اهم حاجة القوانين المدرس لما ييجى يدى مسالة تسمع الفر فى الكراسات والورق عمالين يدوروا ع القوانين : ) هى فعلا مادة سهلة واللى مسهلة فيها حاجات من فيزيا اولى ثانوى تقريبا الديناميكا كلها منها هو المحاضر = المعاصر ..!! |
اقتباس:
|
اقتباس:
المحــــــــــــــــاضر وليس المعــــــــاصر اقصد المحــــــــــاضر شكلكم لسة اول مرة تسمعوا عنة |
اقتباس:
حضـــــــرتك تقدر تسأل عنة فى المكتبات دا انا مش كنت بذاكر من حاجة فى الميكانيكا غير من الكتاب ده المحــــــــــــــــــــــــــاضـــــــر وحضرتك تقدر تشوفة قبل ما تشترية لو مش مصدقنى |
اقتباس:
|
اقتباس:
تمــــــــام كده ...اسال عنة .....واول ما تشوف الامثلة والتمارين الى فية ادعيلى ... بالتوفيق للجمـــــــــــــــيع |
كلام البشمهندس محمد لا تعليق عليه الصراحه جزاك الله خيرا واحب اضيف حاجه لازم تحل امتحانات يعنى كل درس بتاخده تحل عليه من اسئله الامتحانات السابقه وممكن تجيب كتاب 100 % طب ده فايدته ايه ؟؟ ده بيحل اسئله كتاب المجرسه كلها + بيحل الاسئله الصعبه اللى ف الدليل يعنى حيحللك مشاكل كتير ممكن تقابلك فى الدليل والمدرسه لان فيهم افكار حلوه كتير اهم حاجه الامتحانات اللى فاتت + المدرسه + الدليل = 50 رياضه 2 وربنا معاك ان شاء الله :) تحياتى للبشمهندس على رده الرائع |
المحاضر ..!!
انا اول مرة اسمع عنه ... ان شاء الله اسال عليه واجيبه بس المعاصر كويس بردة ؟؟ جزاكم الله خيرا |
اقتباس:
لا حضرتك تقدرى تشوفية الاول قبل ما تشترية لو عجبك اشترية ..ولو مش عجبك عادى كملى بالمعاصر ..بس دى مجرد نصيحة وانا مجرب الكلام ده |
أجمل حاجه الواحد يدي نصايح .. بعد معدي الأيام دي :d .. معاصر ومحاضر وأضواء ومثالي يااه .. ربنا لا يعودها ... ربنا يوفقكم .. يا بتوع الثانويه ;) |
والاعداديه
|
اقتباس:
هههههههههههه...والله الميكانيكا بناخدها فى الهندسة وعليها 200 درجة ونفس الى كنا بناخدها فى الثانوية بس الفرق ان دى كلها انجلش:d |
| جميع الأوقات بتوقيت GMT +2. الساعة الآن 12:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.