استفسار عن الكورسات المطلوبة لقسم علوم حاسب
 

صباحكم فل يا شباب

عاوز اعرف اية الكورسات المطلوبة او النظام بيبقى ازاي في كليه علوم حاسب والتكلفة بتبقى في حدود قد اية

وليا بس سؤال تاني : هل يوجد قسم هندسة برمجيات في "الجامعات الخاصة"

الجامعات مش المعاهد

وسؤال تاني معلش :d اية امكانيات اللاب توب الي ممكن احتاجة وتكلفتة كام ونوعة :) وشكراً

قسم علوم حاسب فى كلية الحاسبات يعني قسم البرمجة يعني جافا وسي شارب وبي اتش بي وبايثون وكل اللغات دي
التكلفة بتبقا على حسب عدد ساعات كل كورس والمكان واعتماديته
ايوة فيه تقريبا فى جامعة 6 اكتوبر ( مش متأكد )
امكانيات اللاب اللى يمشيك الاربع سنين بتوع الكلية البروسيسور كور 5 ورامات 4 وكارت 1 جيجا وهارد 500 جيجا وبالتوفيق يا هندسة :)

ملحوظة : البرمجة فى قسم علوم حاسب اضعاف البرمجة فى قسم هندسة البرمجيات .

شكراً يا هندسة :) وانا اقصد قسم هندسة البرمجيات الي مفتوح في حلوان مش قسم الهندسة نفسو

انا سامع ان القسم دة بيدرس مخلط يعني لسة جديد تقريباً

ولو عندك فكرة يعني ممكن التكلفة توصل كام بالكتير يعني يعني ضاعف مثلاً الرقم الي هتكتبة :d

يعني بردو عشان اعمل حسابي :d

واية رأيك في جامعة الأهرام الكندية ؟

هي احسن ولا 6 اكتوبر ولا مصر للعلوم والتكنولوجيا ؟

انا فاهم قصدك , سيبك من القسم دا نصيحة مني مش عشان اسمه "هندسة" يبقا كويس دا فيه نصب بالعبيط :)
السنة ب7 الاف فى حلوان انما فى الخاص مش اعرف , كلهم كويسين .

مش عارف اقولك اية والله الف شكر على معلوماتك :)

اية رأيك في لاب Core i7 2G (الجيل الثاني)

intel 6 mb cash

8GB of ram

1gb of graphic up to 4gb

ونوعه Dell

البرمجة فى قسم علوم حاسب اضعاف البرمجة فى قسم هندسة البرمجيات

يا سلام خير وبركة بس لازم تعرف ان احسن حاجة الحاجة المتوسطة الامكانيات لان اللاب توب مش عربية هتعد معاك 15 سنة , آخره 6 سنين ودا برده هيفرق فى تمن تصليحه .

اها ،، لا انا بتكلم على اساس ان اللاب دة اتعرض عليا يعني عمي في السعودية وكدة وقالي هجبهولك وبعدين انا نزلت الجامعة النهاردة وقالولي انت بتدرس كلو وبتتخصص من تالت سنة مش فهمت الحتة دية اوي يعني بس هما قالولي اول سنتين بتدرس كل حاجة الي هي كل الأقسام الموجودة "شبكات - هندسة برمجيات - علوم حاسب "
وبعدين تالت سنة بتتخصص هل دة كدة كويس ولا اية مش عارف

ايوة كويس فى اول 3 سنين بتعرف الدنيا ماشية ازاي وبتتأسس فى كله وبعدين بتتخصص فى حاجة واحدة بس , المجال داخل فى بعضه ومش تركز اوي فى حتة التخصص دي :) لأنك ممكن تكون خريج شبكات واتصالات وتشتغل برمجة :) عادي

مش عارف اقولك اية يا بشمهندس والله ،، سؤال اخير والله عارف اني تعبك معايا الكورسات تقريباً مفيش عندنا كورسات في الجامعة خالص او النظام دة قالولي بتبقى تبع مايكروسوفت او حاجة كدة طيب هو الكورسات الي في المجال الي انا عاوزه هعرفها لوحدي ؟ ولا اية اصلي بجد مش فاهم نظام الكورسات دة ومحيرني جداً ،، وخايف يكون هيكلفني مبالغ كبيرة يعني معلش والله عارف اني مرخم عليك بس استحملني لسة جديد بقى وبنستفيد من حضرتك :)

دا اللى انت هتعرفه اما تخلص سنة اولى ان شاء الله وبالنسبة للكورسات مش مُكلفة اوي يعني عشان تاخد دبلومة ويب كاملة هتكلفك 4000 جنيه ( بتختلف من سنتر لسنتر عندنا بيدوها ب2000 بس ودي بتبقا 260 ساعة عبارة عن تصميم وتطوير برمجي بشكل احترافي ) مع شهادة الكلية تشتغل بيها فى اي حتة ^_^

الف شكر يا بشمهندس :) وكل سنة وحضرتك طيب

على ايه يا حبيبي خُد الاكونت بتاعي عالفيس عشان تضيفني وتكلمني ف اي وقت , وانت طيب :)


https://www.facebook.com/EngMomen1993?ref=tn_tnmn