ارجو الرد سريعا لاحتياجى لاجابة كافية
 

السلام عليكم ورحمة الله وبركاتة ارجو من حضراتكم افادتى بقواعد الانتداب بين المعاهد انا مدرسة لغة انجليزية 2005 ويوجد داخل المعهد زميلتين 2005 و2012 ضم اليوم طلب منى الموجة الانتداب الى معهد اخر يومين فى الاسبوع فانا اعتبر اقدم مدرسة فى المعهد ويتجاهلوا وجود الزميلتين لان عندهم واسطة فعندما رفضت ههدنى بانة سوف يقوم بندبى كلى للمعهد الاخر ارجو منكم افادتى بقواعد الانتداب و حقوقى وكيف اصل الى حل بدون الدخول فى المشاكل ارجو منكم اذا كان هناك منشور يوضح قواعد الانتداب ياريت ينزلة وتنصحونى باية

اسفة الزميلة الاخرى 2006

لا اله الا الله

لايوجد قواعد للندب او للنقل
ولكن سمعت من احد الموجهين انهم فى بعض الاحيان
فى حالة وجود احد المعاهد البعيدة وبها عجز فى مادة ما يتم عمل ندب يومان لاحد المدرسين
وثلاث لمدرس اخر من باب توزيع المشقة بين المدرسين
وهناك عرف وليس قانون بان الندب يكون للاحدث فى المعهد لكن لو تم النقل او الندب
للاقدم او الاحدث او الرجل او المراة لاتوجد اى مشكلة قانونية
انما اهم شىء فى ذلك العلاقه الطيبة مع الموجه العام او مدير التنسيق المسئول عن
النقل او الندب
هذا رايى الشخصى لانك سوف تجد اراء اخرى مغايرة تماما

ايه المانع فى الاماكن التى يوجد بها عجزالكل يشارك فى سد هدا العجز بمعنى ان يفرض على كل معلم سواء قديم حديث ان يقوم بسد هدا العجز عام دراسى كامل ويمر الدور مش هيبقى فيه مشكله وياريت تبقى قاعده عامه تطبق على الجميع علشان نخرج من دايرة الوسطه لأن الموجه مطالب بسد هداالعجز بأى صوره ومعاه كارت فى أيده لصالح العمل ممكن يستخدمه بصوره سيئه لأجل الوسطه اللى مش هنتهى منها ابد

مع احترامي لرأي أ/سعيد
لكن هناك بالفعل قواعد للندب و النقل لكن للأسف الازهر و ادارته تسير بمبدأ العشوائية في كل شئ
تفضلي أستاذتنا
http://www.thanwya.com/vb/showthread.php?p=4324071
أسأل الله لك التوفيقـ

تمسكى بحقك وارفضى التنفيذ لان التدب يكون للاحدث وهذا عرف متداول منذ القدم ولابد من المشاكل لتحصلى غلى حقك

متشكرة ليكم اساتذتى المشكلة عندى انهم كل سنة بيبهدلونى فى الندب ولكن الزميلة الاخرى محدش بييجى جنبها وعند وجود جواب ندب باسمها يتم تغييرة باسمى والله اعلم هى بتعمل اية كل سنة هذا الموضوع يتغير الجواب ومحدش بيوديها فى ندب علما انها اول عملها كانت فى معهد اخر وجابت واسطة وانتقلت لمعهدنا علما باننى وزميلة لى كنا شايلين المعهد كلة ومن يوم مجت والمعهد بقى فية عدد زيادة وابدا الندب واخر ما حدث انهم نقلوا زميلتى الاولى الاقدم منى ودوها معهد اعدادى بنين وانا بيحاولوا معايا بس انا رافضة وطلعوا ورقة عبارة عن جدول فية اسماء كل مدرسى المادة فى الادارة وكل معهد فية حصص اد اية وجنب اسمى عملوا سهم بانى اندب يومين فى الاسبوع بس مش جواب رسمى

يا جماعة عايزة تقلولى اعمل اية بالظبط

ارفضى الندب لان زميلتك احدث منك
ولو رفضوا هدديهم بالشكوى لوكيل الوزارة والمشيخة

انا هستنى مش هشتكى لغاية ميطلعوا جواب رسمى واشوف اخرهم اية انا هشتكيهم لوكيل الوزارة وان مجبش حقى هشتكى للنيابة الادارية
لية سؤال لوانا رفضت الامضاء على الموافقة اية اللى ممكن يعملوة

سيتم الندب اداريا عن طريق المنطقة
و ان لم تستلمي العمل سيتم تحويلك للتحقيق ثم جزا
فقط استلمي العمل بمكان الانتداب لمنع الجزاء
ثم توجهي بشكوى للنيابة الادارية ستعيد كل حقك كاملا و هذا ما فعله احد زملائي عقب ندبه بدون وجه حق ، و عاد رغم أنف المنطقة و وكيل المنطقة و اكبر رؤوس الازهر

لاضاع حق وراءه مطالب

فعلا الندب او النقل في الازهر يتم بالواسطه وليس بالقواعد ولكن اعرف ان في التربيه والتعليم لايتم الندب سنتين تتاليتين لكن في الاززهر الي ملهوش واسطه يبقي ملطشه