الغاز رياضية ( للشاطرين بس )
 

فى الموضوع ده هحط الغاز رياضية تعتمد فى حلها على جبر المعادلات وبعضها تلاعب بالالفاظ ( سهلة يعنى ) ونشوف مين هيقدر يحلها

اللغز الاول : ما العدد الذى اذا انقصت منه 7 وضربت الباقى فى 7 حصلت على نفس النتيجة اذا انقصت منه 5 وضربت الباقى فى 5 ؟

اللغز الثانى : جمع احد الباحثين 8 عناكب وخنافس , وضعهم جميعهم فى صندوق صغير , ثم قام بعد الارجل فوجدها 54 رجلا ؛ فما عدد كل من العناكب والخنافس علما بان للعنكبوت 8 ارجل بينما للخنافس 6 ارجل ؟

اللغز الثالث : فى وسط سلم احد المنازل جلس قط , وبعد فترة من الوقت صعد خمس درجات ثم هبط اربع درجات ثم صعد تسع درجات واخيرا صعد الدرجات الثلاثة المتبقية فما عدد درجات هذا السلم باكمله ؟ علما بان عدد الدرجات هو عدد فردى

اللغز الرابع : رجل يعطى ابنه كل يوم اثنين جنيها ؛فكم يأخذ الابن فى الشهر ؟ ( فكر فيها شوية وما تتسرعش )


كفاية كده المرة دى ...حلوا دول وفيه مزيد ان شاء الله

السلام عليكم ,,

اانا عرفت حل اللغز الاول والرابع
الرقم 12
30 جنيه

طب تمام اللغز الاول بس اللغز الرابع غلط ( فكر شوية ما تتسرعش )

لا بجد ايه الشطارة دى ...اللهم لا حسد :D
ماشى بس ممكن تورينا الطريقة الرياضية اللى مشيت بيها :D
ولا هو تخمين باينه كده :p
انتظروا بكرة كام لغز جامدين وهيكونوا اصعب طالما فيه ناس طلعت شاطرة كده

اه الغش ابتدى ..ماشى ماشى :D
شوفى دول بقى وورينا جوجل باشا هينفعك ازاى :lol:
اللغز الاول : تقدر تجيب خمس ارقام متتالية مجموعهم خمسين ؟
اللغز التانى : حجر وزنه يساوى تلات ارباع حجر من نفس النوع بالاضافة لتلات ارباع كيلو ....؛ ما وزن الحجر ؟
اللغز التالت : عدد من الجنيهات اقل من مية ...؛ لو عديناها اتنين اتنين هيبتقى جنيه وكذلك الامر لو عديناها تلاتة تلاتة او خمسة خمسة ..., لكن لو عديناها سبعة سبعة مش هيتبقى حاجة ؛ ما هو عدد الجنيهات
اللغز الرابع : وزن بقرتين وارنب وخروف يساوى 220 كجم , ووزن بقرة وارنبين وخروف يساوى 135 كجم , ووزن بقرة وارنب وخروفين يساوى 165 كجم ...؛ ما هو وزن البقرة والخروف والارنب ؟ ( اهو تلات معادلات فى تلات مجاهيل ...شغل تالتة ثانوى )

1- 8+9+10+11+12 =50
2- 3 كيلو جرام ::: لو عايز الحل اكتبهولك :D
3- الرقم 91 :D
4- البقرة = 90 كجم و الارنب = 5 كجم و الخروف = 35 كجم

ايه خدعة :) شكراا علي الموضوع

تمام ...الحل صحيح
1- ما هو العدد الذى اذا اضفت اليه 2 ثم ضربت الناتج فى 4 ثم اضفت للناتج 2 ثم اضفت للناتج العدد المطلوب ثم قسمت الناتج على 5 ثم طرحت العدد المطلوب..؛ تحصل فى النهاية على 2 ؟
2-اب له ثلاثة ابناء ,, طلب من الاول يفتح الدرج ويحط فيه مبلغ من المال قد الموجود فى الدرج وبعد كده يسحب عشرين جنيه , وطلب من الابن الثانى يحط مبلغ من المال قد اللى موجود فى الدرج وبعد كده يسحب عشرين جنيه , وطلب من التالت يحط مبلغ من المال قد اللى موجود فى الدرج ويسحب عشرين جنيه ,,, فى النهاية الدرج اصبح فاضى ...؛ كم جنيه كانوا موجودين فى الدرج فى الاول خالص ؟
3-اب عايز يقسم خمس برتقالات على ولاده الاربعة بدون ما حد ياخد اكتر من الثانى مع العلم انه مينفعش ياكل هو واحدة ومينفعش نقشر

حل الألغاز

اللغز الأول : رقم 7 _________ و رقم 5
اللغز الثاني 3 عناكب و 5 خنافس
اللغز الثالث : 13 درجة
اللغز الرابع 4 جنيهات

أنا عملتها معادلة هتطلع فى الآخر X+2=2
يبقى X=2-2
يبقى الرقم = 0
:D

برضه بمعادلة هيطلع فى الآخر 8X-140=0
يبقى X=140/8
يبقى اللى كان فى الدرج فى الأول خالص 17.5 جنيه ;)

كله واحد ياخد برتقالة واحدة ماعدا التانى ياخد اتنين
و يبقى ماحدش خد اكتر من التانى :p

إيه الألغاز السهلة ديه
مش من مستوايا :)

ببساطة ...غلط :D
انا شخصيا جربتها مع عدد تانى غير الصفر ونفعت :p
حاول تانى

الحل ده تمام ...تمام شغل المعادلات ده
ماشى يا جامد :rolleyes:..حل بس المعادلة اللى عملتها غلط دى ونشوف مستواك ؛ يا جامد :D