|
انا طالبة النصيحة ..
انا نهى في تالتة ثانوي عملي كيمياء كنت احياء في تانية
ويمكن كتير منكوا عارف حكايتي والدرجات اللي اتظلمت فيها في تانية وبالتالي جبت مجموع لم اكن اتخيله (96.8) الحمد لله على كل حال بس انا حالتي النفسية مدمرة ويمكن الموضوع اثر جداااا على صحتي بشكل سلبي وملحوظ جدااا وغريب ولسا لغايت دلوقتي مش قادرة اذاكر صح ومش قادرة اتعب تاني وانا حاسة ان مجهودي هيضيع زي ما ضاع السنة اللي فاتت بسبب مدرس ربنا ينتقم منه ... انا طالبة نصيحة بجد من قلبوكوا لاني حاسة اني ضعت وبضيع نفسي اكتر باصراراي على اني مبذلش مجهود السنادي ... بتمنى اكون متقلتش عليكوا .. |
اولا : سلمى امورك لربنـا لانه حس بيكـى السنه الفاتت و هيديكـى حقك
انتى ممكن تكون اتظلمتى السنه الفاتت لكن .. ربنا اراد انك تجيبى المجموع ده السنه الفاتت عشان تتشجعى السنه دى و تذاكرى اكتر ثقى تماما ان ربنا مش بيضيع حق حد .. بالعكس ده هيديكـى حقك الضاع السنه الفاتت السنه دى ! ايوووووووووه قدامك فرصه السنه دى انك تذاكرى و تتفوقى و لسه قدامك الوقت ربنـا عادل جدا .. و مش لازم انك جبتى مجموع وحش انك خلاص فاشله رغم انه مش وحش انتى جايبه مجموع جميل جدااااااا و الف مين يتمناه احمدى ربنا و ابداى من جديد و من دلوقت انك تبتدى تذاكرى و تتفوقـى اكتر من السنه الفاتت و اوعى الشيطان يديكى يأس و احباط استمرررررى ف عملك و مذاكرتك و تفوقك لحد ماتوصلى للكليه الانتـى عاوزاها ان شاء الله بالتوفيق ... |
96.8 ماشاء الله يعني 198 ونص طيب ده مجموع حلو طب ليه متشديش حيلك السنادي وتجيبي الميه واحد لان في 5 درجات مستوى وتجيبي 408.5 في السنتين وتكوني من الاوائل وتدخلي الكلية اللي بتحلمي بيها
|
السلام عليكم ...
انا هبدأ كلامى بأيه قرانية .. ( ولا يظلم ربك احدا ) ربنا مابيظلمش حد وهو اراد انك تجيبى المجموع ده السنة اللى فاتت لحكمة محدش يعرفها يمكن تكون خير ليكى او علشان تدخلى كلية هيكون ليكى فيها دور فى مساعدة الناس لان كل انسان مخلوق لدور .. انا كمان ف تالتة وكنت كيمياء السنة اللى فاتت وجايب نفس مجموعك والحمد لله انا راضى بيه والسنه دى عايز اجيب مجموع اكبر ان شاء الله ومبصتش لورايا قلت الحمد لله وبكمل انتى كمان لازم تعملى كده وتأكدى ان الكلية اللى هتدخليها دى انسب حاجه ليكى لازم تنسى اللى فات وكأن دى سنة لوحدها ملهاش علاقة بالسنة اللى فاتت وادعى ربنا كتير والتزمى بالصلاة والقران قبل المذاكرة وان شاء الله ربنا يوفقك .. |
السر هنا
عسي ان تحبوا شئ و هو خير لكم و عسي ان تكرهوا شئ وهو شر لكم ما انا اعرف واحد خلص طب و مات وهوا رايح يتكرم عمل حادثة الخير مش ف الطب و غيره الخير عند علم ربنا بس ..ارضي و قولي ي رب اكتبلي الخير انا هجتهد و انت الي هتوفقني لما فيه خير لي و ربنا معاك |
انا جبت نفس مجموعك بالضبط ف تانية
شديت حيلى فى تالتة جبت 97.6 ومظلومة فى درجة ونص يعنى المفروض 98 الحمد لله حاليا انا ف بيطرى زى الفل و الياسمين والله ذاكرى وبس ما تفكريش فى تنسيق او كلية ارضى ضميرى وع العموم كلنا اتظلمنا فى الثانوية العامة بطريقة او اخرى ربنا معاكى |
شكرا ليكوا كلكوا على كلامكوا الجميل دا ..
وربنا يقدرني اخد بالنصايح واقدر اعمل حاجة .. |
حسبك الله ..
وأبذلي أكتر .. عشان ربنا يعوضك دمتي بخير ^_^ |
بصى اى حاجة بتحصل اعرفى كويس ان ربنا اراد ليكى الخير فيها اولا انتى مجموعك كده مش وحش ولو شديتى شوية وخليتى عندك امل هتدخلى احسن كلية واعرفى انك لو مادخلتيش طب مثلا يبقى كده احسن ليكى ولو دخلتى يبقى ده الاحسن ليكى طالما انتى اديتى واجبك وربنا اراد كده يبقى اللى اراده ربنا ليكى هو الاحسن ناس كتير اصحابى كانوا حابين يدخلوا طب ومادخلوش اى كلية قمة ومبسوطين جدا فى كلياتهم دلوقت وشافوا ان الاوضاع دى احسن ليهم اهم حاجة الثقة فى اللى ربنا يختاره لينا لان هو ده الاحسن
|
أن الله لا يضيع أجر من أحسن عملاً
|
| جميع الأوقات بتوقيت GMT +2. الساعة الآن 10:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.