|
هما مين واحنا مين
هما مين واحنا مين هما الامرا والسلاطين هما المال والحكم معاهم واحنا فقرا ومحكومين حزر فزر شغل مخك شوف مين فينا بيحكم مين احنا مين وهما مين احنا الفعلا البنايين احنا السنه واحنا الفرض احنا الناس بالطول والعرض من عافيتنا تقوم الارض وعرقنا يخضر بساتين خزر فزر شغل مخك شوف مين فينا بيخدم مين هما مين واحنا مين هما الامرا والسلاطين هما الفيلا والعربيه والنساوين المتنقيه.. طبعاً حيوانات استهلاكيه شغلتهم حشو المصارين حزر فزر شغل مخك شوف مين فينا بياكل مين احنا مين وهما مين احنا قرنفل على ياسمين احنا الحرب حطبها ونارها احنا الجيش اللى يحررها واحنا الشهدا ف كل مدارها منتصرين او منكسرين حزر فزر شغل مخك شوف مين فينا بيقتل مين هما مين واحنا مين هما الامرا والسلاطين هما مناظر بالمزيكه والزفه وشغل البولوتيكا ودماغهم طبعا استيكه بس البركه فى النياشين حزر فزر شغل مخك شوف مين فينا بيخدع مين هما مين واحنا مين هما الامرا والسلاطين هما بيلبسوا اخر موضه واحنا بنسكن سبعه ف اوضه هم بياكلوا حمام وفراخ واحنا الفول دوّخنا وداخ هم بيمشوا بطيارات واحنا نموت في الأوتوبيسات هم حياتهم تمضي جميلة هم فصيلة واحنا فصيلة حادي يا بادي يا عبد الهادي راح تفهم قصد الغنوة دي لمّا الشعب يقوم وينادي يا احنا يا هم في الدنيا دي حزر فزر شغل مخك شوف مين فينا حيغلب مين!!! للشاعر احمد فؤاد نجم القصيده عجبتني وحبيت انقلها لكم |
هم فصيلة واحنا فصيلة
الموضوع جامد جداا لمّا الشعب يقوم وينادي يا احنا يا هم في الدنيا دي اكيد هما طبعا احنا مين عشان نعيش ميرسى ع الموضوع الجامده |
اقتباس:
عندك حق ميرسي لمرورك يا كيكو |
هههههههههههههه بجد بقالى زمان مهيصتش كده ليه بس كده يا فوفه قلبتى المواجع علينا |
اقتباس:
حقك عليه يا حنون منوراني يا جميل |
اقتباس:
نايس توبيك جميله تسلم ايدك تقبل مرورى المتواضع ... |
اقتباس:
شكرا لمرور حضرتك يا فندم |
عجبتك واعجبتنا بالتأكيد
القصيدة دى ممكن كل واحد يقولها لما هو اعلى منه يعنى احنا نوجهها لحكومتنا ورئيسنا العظيم ( الحاج عبد العظيم) وممكن كمان رئيسنا المبجل ( الحاج ) يقولها لرؤساء وامراء السعودية . والكويت . والبحرين . والامارات يعنى ( هما ) ممكن يقولوها بتمعن شديد جدا لرؤساء امريكا . فرانسا . بريطانيا . المانيا . يعنى باختصار قصيدة صالحة لكل الاحوال ولكن هى تخصنا نحن بشكل مباشر جدا شكرا |
شكرا لمرور حضرتك يا فندم
|
| جميع الأوقات بتوقيت GMT +2. الساعة الآن 10:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.