|
هل من الممكن ؟؟
هل من الممكن أن تتحول علاقه بين بنت وولد فى أى منتدى إلى حب ؟ هل ممكن إنك تحب حد من خلال كلامه بمعنى من خلال كومنتات ممكن توصلك إنَك تحب البنت دى أو إنك تحبى الشاب ده أو من خلال ماسيجات خاصه ترسلها البنت إلى الولد أو العكس مثلا عشان تفهم حاجه فى المنهج مش عارفاها هل ممكن يحصل الحب وهما ميعرفوش بعض بمعنى انهم يحبوا بعض وهما أساسا مشفوش بعض أو مسمعوش صوت بعض أو هما أساسا مش فى محافظه واحده أو حتى مش فى دوله واحده رجاء من كل عضو أن يضع رأيه بكل وضوح وصراحه |
اكيد طبعا لا النت ده ليه اهمية معينة هى الحوار والنقاش لتوسيع الافق والمعرفة او الاستفادة او جمع المعلومات مش لاى حاجة تانية وبعدين ماحدش عارف مين بيتكلم ممكن بنات بيكونوا مسجلين باسم ولاد او العكس واللى بيتكلموا مش شرط يكون ده اسلوبهم الحقيقى ابدا يعنى الحوار بين الاشخاص ماينفعش يكون حاجة غير الحوار لان دى مجرد نقاشات وبس
|
اقتباس:
يعنى افهم من كالام حضرتك ان العلاقه عمرها ما تتطور وتبقى علاقه حب تمام شكرا جزيلا لرأيك وشكرا للمرور |
اقتباس:
بم إن حضرتك اللي عامل التوبيك .. يبقا نعرف رأي حضرتك الأول .. ^^ :d |
اقتباس:
ازاى يعنى يبقى انا عامل التوبيك أخد آارائكم وفى الآخر أنا اللى أقول رأيى انا حقول رأيى بعد كده بس لما أشوف آراء عدد كبير منكم يلا إتفضلى شرفينا برأيك فى القصه دى ؟ |
اقتباس:
نتشرف برأي حضرتك الأول .. :d |
انا في وجهة نظري :006et4: ان آه ممكن و ده لعدة أسباب 1- هناك العديد من القصص الحقيقة التي تثبت علاقات الحب عن طريق الانترنت ومعروف ان الفتيات هن أكتر من يقعن في "فخ الانترنت ". 2- ممكن لأن ليس بالضرورة ان يكون الانجذاب بين الولد و البنت بالشكل و المضمون فقط ساعات طريقة الكلام و أسلوب الحوار عامل في الموضوع ده أرجو ان يكون قد أوصلت وجهة نظري جزاك الله خيرا |
ممكن طبعا العلاقة تتطور حتى من دون قصد وحتى اذا كان اسلوب الكلام فى قمة الاحترام
ممكن تتطور من اعجاب لحب بس المشكلة ان الناس السيئة كتيرة اكتر من الكويسين وبالتالى بيكون صعب جدا معرفة الحقيقى من المزيف بس ارجع واقول الحذر واجب |
انا شايف انه سهل اوى ان العلاقة بين شاب وبنت على النت تتحول الى علاقة حقيقية ودا حصل حقيقى واحد صاحبى عرف واحدة على الفيس واتفقوا على مكان يتقابلوا فيه ودلوقتى بيقولى انا عايز اخطبها طبعا النت دا بقى وسيلة مهمة للتعارف بين الشباب ودى بقت حاجة غريبة اوى
|
بص ياخالد هو ممكن طبعا بس بيبقا في الاول اعجاب مش حب
وبعدين ومن خلال التعامل بتزيد العلاقه بس انا مش حابه ان العلاقه تيجي من خلف شاشه الكترونيه مش عارفين الشخص اللي وراها مخبلنا ايه وياما ناس كتير بتكتب كلام معسووووووووووووول وبتبقا في الحقيقه ناس جافيه وبنات تكتب احلى كلام رومانسي وهيه في الحقيقه سوكا العبيطه بس من ناحيه الحب من غير ما نشوف الشخص بتحصل وبتحصل كتير بدليل اننا حبينا الرسول ومن غير ما نشوفه والا ايه |
الله اعلمم
|
اقتباس:
وجهه نظرك وصلت .. شكرا للرد والمرور الرائع اقتباس:
يعنى الاجابه ممكن تمام .. مشكوره على المرور اقتباس:
يعنى انت شايف انه ممكن تمام جدا شكرا للمرور اقتباس:
ده أكيد أستاذتنا مشكوره حضرتك على المرور الرائع اقتباس:
م أكيد الله تعالى أعلى وأعلم أنا عايز رأيك الشخصى نو بروبليم مشكوره للمرور |
رأ ممكن وبتحصل كتيييييييير
لحد ما يتقابلو:d:d:d |
بصراحة مش عارفة بس تقدر تقول مش بيبقي حب بقدر ما بيبقي اعجاب انت ممكن تعجب بشخصيته أسلوب تعامله ونقاشه في الحوار كده يعني برغم برده ان الكلام والنقاش مش مقياس عشان تحدد شخصيته بس بتديك ع الاقل صورة لطبع الشخصية اللي قدامك ومع الوقت ممكن يتحول الاعجاب انك تتشد ليه اكتر وتوصل لدرجة الحب بس مبيبقاش حب حقيقي لإن الحب كلمة مش سهلة..وكمان مش سهل انك تحب انسان (حب حقيقي) وانت مشفتهوش قبل كده والله أعلم |
امممممممممم .. ممكن فى حالات و حالات بيتم الاول عن طريق الاعجاب بشخصيه الاخر و مراقبـه ردوده و ردود افعاله و صفاته و بعد كده بيتم تطور العلاقـه واحده واحده على حسب الشخص و نظرتـه للشخص الاخر مثال : لو كان شخص مهذب و ملتزم دينيا و اخلاقيـا و اعجب بواحده من كلامهـا اكيد هيراقب كومنتاتهـا و مواضيعهـا و شخصيتها مع البنات ايه و شخصيتها مع الاولاد ايه و هيبتدى يرمى الطعم الاول لو وثق انها انسانه محترمـه و اذا قبلت الطعم يبقى فيه تفاعل مشترك مابينهم لكن مش لازم يكون حب .. ممكن يكون اخـوه او اصدقاء ممكن الشاب شايف انها بتعامله كـ حب و البنت شايفه انها بتعامله كاخ فيحصل سوء ظن او سوء تفكيـر و تفشل العلاقـه المحترمه بينهم لكن النت ممكن يخفى اشياء كثيره جدا عن شخصيه المتكلم من حيث انه ممكن يبين انه مودب و هو غير مودب و يبين انه متدين و هو غير متدين من رائـى ان على حسب طبيعـه العلاقـه مابين الشخصين يترتب الحكم انه حب او مش حـب اسف للاطـاله نأيس توبيكـ يا خالد |
| جميع الأوقات بتوقيت GMT +2. الساعة الآن 01:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.